ታይቦ ማጻፋ 20:14 - Geeshsha Maxaafa

¹⁴ Musey Eedoome kawos kiita gaththana mala qasttanne as Qaadeeseppe yeddides; «Ne isha Isra7eeley, ‹Nu bolla gakkida metoza ubbaa neni siyadasa;

ጋሞ ማጻፋ

¹⁴ ሙሴይ ኤዶሜ ካዎስ ኪታ ጋና ማላ ቃስታኔ ኣስ ቃዴሴፔ ዬዲዴስ፤ «ኔ ኢሻ ኢስራኤሌይ፥ ‹ኑ ቦላ ጋኪዳ ሜቶዛ ኡባ ኔኒ ሲያዳሳ፤

ታይቦ ማጻፋ 20:14 ပူးပေါင်းရင်းမြစ်များ

ሜቴ ማጻፋ 25:23

GODAY izis, «Ne ulon nam7u kawoteththi dees; qasse ne ulon diza nam7u dere asati issoy issaafe shaakettana; issi dere asay hankkoytappe minnana; qasse bayray kaalozas haarettana» gides.

ሜቴ ማጻፋ 25:25

Koyro yelettidayssi aarissa; iza bollayka wuri iske xalla; hessa gishshas istti iza Eesawe gi sunththida.

ሜቴ ማጻፋ 25:26

Hessafe guye, iza ishay yelettishe Eesawe toho oykki yelettides; hessa gishshas iza Yaaqoobe gi sunththida. Irbiqay istta yelida wode, Yisaaqas layththay usuppun tammu layththi gidides.

ሜቴ ማጻፋ 32:29

Yaaqoobey iza, «Ne sunththi oonee?» gi oychchides. Addezikka, «Neni ta sunththu ays oychchay?» gi simmidi iza heen anjjides.

ኬሳ ማጻፋ 18:8

GODAY Isra7eele asaa gishshas Gibxe kawo bollanne Gibxe asaa bolla ooththidayssa, oge bolla istta gakkida daaburanne GODAY istta ashshidayssa ubbaa Musey ba bollozas yootides.

ኣሞጼ ቲንቢቴ 1:11

GODAY Eedoomes, «Eedoome asay zaari zaaridi ooththida nagara gishshas ta istta qaxxayontta aggike; istti ba ishata Isra7eele naytas qadhettontta mashshan gooddida; ba hanqo doshisontta eexxidi isttas mishettontta ubbaa dippi histtida.

ሚልካሳ ቲንቢቴ 1:2

GODAY, «Ta inttena dosadis» gees; intte gidikko, «Ne nuna aazan dosadii?» geeta. Godaa Xoossi, «Eesawey Yaaqoobe isha gidennee? Ta Yaaqoobe dosadis.

ታይቦ ማጻፋ 13:26

Paaraane bazzon Qaadeesen diza Musekko, Aaroonekkonne Isra7eele maabara kumeththaakko simmi yiidi bantti beydayssa ubbaa qonccisi yootida; bantti ekki yida miththa ayfezakka istta bessida.

ታይቦ ማጻፋ 20:15

Beni nu aawati waani duge Gibxe wodhdhidaakkonne nunikka Gibxen daro layththata waani waani didaakko ne eraasa; Gibxe asay kase nu aawata gidiin nunakka daro waayisides.

ታይቦ ማጻፋ 20:22

Kumeththa Isra7eele maabaray Qaadeeseppe dendi Hoore zumaakko gakkides.

ዛሬ ማጻፋ 23:7

Istti inttes dabbo gidida gishshas Eedoome asaa kadhidi ixxofte; qasse intte Gibxe biittan kase bete gididi de7ida gishshas Gibxe asatakka ixxofte.

ኢያሶ ማጻፋ 2:10

Gibxe biittafe intte kezida wode intte sinththan Zo7o abbaa GODAY wostti melissidaakko nuni siyidos; qasse Yordaanoose shaafappe arshe kessaso baggara diza Amoore biitta kawota nam7ata, Sihoonenne Aage intte wostti ubbaa dhayssidaakko nu siyidos.

ኢያሶ ማጻፋ 2:9

«GODAY ha biittaa inttes immidayssa, inttes yashshateththi nunan kumidayssanne ha biittan de7iza asaa wozinay inttes hirgan seeridayssa ta erays.

ኢያሶ ማጻፋ 9:10

Qasse Yordaanoose shaafappe he pinththan diza Amoore kawota nam7ata, heytikka Haseboone kawo Sihoone, Astaroote haariza Baasaane kawo Aage bolla izi ooththidayssaka nu siyidos.

ኢያሶ ማጻፋ 9:9

Isttika, «Nuni ne aylleti GODAA ne Xoossaa gitateth siyidi daro haaho biittafe yidos. Iza gitateththaanne izi Gibxe biittan ooththidayssa ubbaa siyidos.