ታይቦ ማጻፋ 16:5 - Geeshsha Maxaafa

⁵ Qooressinne iza kaallizaytas, «Wonto maalado GODAY izas dummatidayti oonanttako izi shaakki nuna bessana; hessika baas gidizaytanne ba dooridayta baas ooththana mala baakko shiishshi ekkana.

ጋሞ ማጻፋ

⁵ ቆሬሲኔ ኢዛ ካሊዛይታስ፥ «ዎንቶ ማላዶ ጎዳይ ኢዛስ ዱማቲዳይቲ ኦናንታኮ ኢዚ ሻኪ ኑና ቤሳና፤ ሄሲካ ባስ ጊዲዛይታኔ ባ ዶሪዳይታ ባስ ኦና ማላ ባኮ ሺሺ ኤካና።

ታይቦ ማጻፋ 16:5 ပူးပေါင်းရင်းမြစ်များ

ዬ ማጻፋ 105:26

Hessafe guye ba aylle Musenne ba doorida Aaroone isttako kiittides.

ዬ ማጻፋ 115:10

Intteno Aaroone zereththatoo! GODAAN ammanettite! Izi inttes gondallenne inttena maaddizaade.

ዬ ማጻፋ 65:4

Neni dooridaadeynne nenara daana mala ne dubbushaakko shiishsha ekkidaadey anjjettidaade; ne geeshshasozappenne ne dunkaane anjjozappe nu kallana.

ኬሳ ማጻፋ 28:1

«Ne isha Aaroonenne iza attuma nayta Nadaabe, Abihu, El7ezeerenne Itamaare neekko ekka ya; istti qeese gididi taas ooththana mala Isra7eele asaa giddofe istta dummasa.

ኬሳ ማጻፋ 28:41

Neni ha may7ota ne isha Aaroonenne iza nayta mayzidaappe guye, istti qeeseteththan taas ooththana mala istta wogara zayte tiya; tiyada istti qeese gididi taas ooththana mala istta dummasa.

ኬሳ ማጻፋ 28:43

Aarooneynne iza nayti Xoossa Dunkaane giddo geliza wode woykko gibbe giddon qeeseteththan ooththanaas yarsho yarshizaso shiiqiza wode hayta may7ota may7etto. Hessaththo hankko istti bantta bolla qohonne hayqo ehettenna. Hayssi Aaroonessinne iza zereththatas mernaas woga gido.

ኤርማሳ ቲንቢቴ 30:21

Istta kaaleththizay istta baggafe gidana; istta ayssizay istta giddofe dendana; tani iza taakko shiishshana; izikka taakko shiiqana. Ta shiishshontta dishin xalidi taakko shiiqanay oonee?

ኤርማሳ ቲንቢቴ 49:19

GODAY, «Gaammoy Yordaanoose woratappe mehe heemmiza demban kezi wodhdhiza mala tanikka Eedoomey qoppontta dishin keza wodhdhana; iza biittafe ta iza gooddana; ta dooridayssa iza bolla shuumana; ta malay oonee? tanara eqettana dandayzay oonee? tanara eqettana dandayza heenththanchchay oonee?» gees.

ኤርማሳ ቲንቢቴ 50:44

Gaammoy Yordaanoose woratappe mehe heemmiza demban kezi wodhdhiza mala tanikka Baabilooney qoppontta dishin keza wodhdhana; izi biittafe ta izo gooddana; ta dooridayssa izi bolla shuumana; ta malay oonee? tanara eqettana dandayzay oonee? tanara eqettana dandayza heenththanchchay oonee?

ሂዚቄላ ቲንቢቴ 40:46

Pudeha bagga xeelliza kifiley qasse yarshizason ooththiza qeesetayssa. Qeeseti ubbay Saadooqe zareppe yelettida Leweta; GODAAKKO shiiqidi ooththanaas besseettes geetettiday istta xalla» gides.

ሂዚቄላ ቲንቢቴ 43:19

taakko shiiqidi, taas ooththiza Saadooqe zareppe yelettida Lewe zare qeesetas nagara yarsho ooththada issi wofano imma. Tani Ubbaa Haariza GODAY hayssa yootays.

ሂዚቄላ ቲንቢቴ 45:4

Hessi Xoossa Keeththa giddon GODAAS ooththanaas, izakko shiiqiza qeesetas dummatida geeshshasoho gido; qasse istti bantta keeththa keexxiza sohonne Xoossa Keeththaska geeshshasoho gido.

ሌዌታ ማጻፋ 10:3

Musey qasse Aaroones, «GODAY, ‹Ta sinththe shiiqidi taas ooththizaytas tani ta geeshshateththaa qonccisana; tanikka ta dereza achchan bonchchettidaade gidana› giidi izi asaa kase qofsidayssi hayssa» gides. Aarooneykka ay zaarokka immontta co7u gides.

ሌዌታ ማጻፋ 8:2

«Aaroonenne iza attuma nayta, qeeseteththa may7ozakka, tiyettiza zayteza, nagara geeshos shiiqiza korma boora, nam7u dharshonne irshoy gelontta uukettida ukeththi izan diza leemateza isttara ekka ya.

ሚልካሳ ቲንቢቴ 3:18

He wode qasseka xillonne nagaranchcha giddon Xoossas ooththizayta giddoninne ooththonttayta giddon diza dummateththa intte beyandeta.

ታይቦ ማጻፋ 16:3

Isttika Muse sinththaninne Aaroone sinththan shiiqidi isttas, «Intte mulekka wogappe aadhdhideta! Hayssi derezi ubbay GODAAS dummatida dere; GODAYKKA isttara dees; histtiin intte GODAA deraa bolla aazas inttena dhoqqu dhoqqu histteetii?» gida.

ታይቦ ማጻፋ 16:6

Wonto maalado neninne nenara issife ooththizayti wurikka intte izan exaane cuwasiza xinnaza ekki yiite.

ታይቦ ማጻፋ 17:5

Hessafe guye tani doorizaade guufey purccidi cililana; hessan Isra7eele asay ubba wode ne bolla zuuzumontta mala ta diggana.»

ታይቦ ማጻፋ 17:8

Wonteththa gallas Musey gede Gaytoteththa Dunkaanezan gelishin Lewe qommo sunththan shiiqida Aaroone guufeya cililidaaro be7ides; qasseka ciiyada kaxxida ochcholoone ayfe ayfidaaro be7ides.

ዮሃኒሳ ሚሺራቾ 15:16

Ta inttena dooradis attiin intte tana dooribeekketa; intte biidi daro ayfe ayfana mala intte ayfey eqqi daana mala ta inttena woththadis; hessa gishshas intte ta sunththan woossidayssa ubbaa ta Aaway inttes immana.

ሃዋሬታ ኦሶ 1:2

Hessika izi pude denththa gallas gakkanaas ba doori kiittidaytas Xillo Ayana baggara izi isttas immida azazokko.

ሃዋሬታ ኦሶ 1:24

«Godoo! Neni asa ubbaa wozina eraasa; hayta nam7ata giddofe ne oona dooridaakko izaade nuna bessa.

ሃዋሬታ ኦሶ 13:2

Heyti wuri Godaas goynnishenne xoomishe dishin Xillo Ayanay, «Barnabaasanne Sa7oole ta istta xeygida oosos taas shaakki kessite» gides.

ሃዋሬታ ኦሶ 15:7

Daro palamappe guye Phexroosi dendi eqqidi, «Ta ishatoo! Guuththa wodeppe kase Xoossi tana intte giddofe dooridi Ayzaabeti ta doonappe mishiraachcho qaala siyidi ammanana mala ooththidayssa intte ereeta.

ሃዋሬታ ኦሶ 22:14

Izikka tana, ‹Nu aawantta Xoossi ne iza shene erana mala, iza xilloza ne beyana malanne izi gizayssa ne siyana mala nena kaseti doorides.

ኤፌሶኔ ኣሳስ 2:13

Ha7i qasse intte kase haahon dizayti Yesus Kirstoosan gididi iza suuththaa baggara shiiqideta.

2ጺምቶሳስ 2:19

Gido attiin, «Goday baas gidizayta erees.» Qasseka, «Godaa sunth xeygizay wuri iitappe haakko» giza maatamey iza bolla diza laamettontta Xoossaa yochchay laamettibeenna.

Ibirawe 12:14

Asi ubbara saro daana mala inttes dandayettizayssa ubbaa ooththite; geeyana mala koyite; geeshshateththi baynda Godaa beyanaas dandayettenna.

ዮሃኒሳ ኣጁታ 1:6

Nuni Yesus Kirstoosa aawaa Xoossaas ooththana mala nuna izi kawotanne qeeseta kessida Yesus Kirstoosas bonchchoynne wolqqay mernaappe mernaa gakkanaas izas gido! Amiin.

1ሳሜላ ማጻፋ 2:28

Izi taas qeese gidana mala, taas yarsho yarshizasoza bolla izi kezana mala, exaane cuwasana mala, ta sinththankka eefude may7ana mala Isra7eele qommota ubbaa garsafe ta ne aawaa dooradis. Isra7eele asay taman xuuggi shiishshiza yarsho ubbaa ne aawaa keeththa asaas immadis.