ታይቦ ማጻፋ 14:34 - Geeshsha Maxaafa

³⁴ Intte he biittaa xomosi xeellida 40 gallassaa qoodan issi gallassayo issi layth, hessika oyddu tammu layth kumeth intte intte nagaraa gishshas waayettana; tani intte intte bolla dendidayssa intte hessan erana.

ጋሞ ማጻፋ

³⁴ ኢንቴ ሄ ቢታ ጾሞሲ ጼሊዳ 40 ጋላሳ ቆዳን ኢሲ ጋላሳዮ ኢሲ ላይ፥ ሄሲካ ኦይዱ ታሙ ላይ ኩሜ ኢንቴ ኢንቴ ናጋራ ጊሻስ ዋዬታና፤ ታኒ ኢንቴ ቦላ ዴንዲዳይሳ ኢንቴ ሄሳን ኤራና።

ታይቦ ማጻፋ 14:34 ပူးပေါင်းရင်းမြစ်များ

1ካዎታ ማጻፋ 8:56

«Izi kase immida hidota qaalaa mala ba dere Isra7eeles shempo immida GODAAS galatay gido; izi ba ashkara Muse baggara immida hidota qaalaa ubbaa polides.

2ታሪኬ ማጻፋ 36:21

Hessan GODAY nabe Ermaasa baggara yootida qaalay polettana mala biittay 70 layth kumeth asi baynda soho gidida gishshas shempides; histtiin biittay sambata shemppo demmides.

ዬ ማጻፋ 105:42

Izi ba aylle Abrahaames caaqqida geeshsha qaala hassa7ides.

ዬ ማጻፋ 38:4

Ta qohoy tana mittides; deexo tooho mala tana naaqqi oykkides.

ዬ ማጻፋ 77:8

Nuna siiqizayssa mulera aggidee? izi yootida hidotay shaarettidee?

ዬ ማጻፋ 95:10

He yeletaa bolla tani oyddu tammu layth hanqettadis; tanikka, ‹Istti ubba wode bantta wozinan baliza asa; istti ta oge eribeettenna› gadis.

ሂዚቄላ ቲንቢቴ 14:10

Istta qohoy isttas gidana; nabezinne iza oychchana yidaadey nam7ay issi gina qixaate ekkana.

ሂዚቄላ ቲንቢቴ 23:35

«Hessa gishshas Ubbaa Haariza GODAY, ‹Neni tana dogida gishshassinne taas zokko zaarida gishshas neni ne laymateththaanne ziita gate tookkana› gees» gides.

ሂዚቄላ ቲንቢቴ 4:5

Isra7eele keeththay ba balan waani qaxxayettanaakko ne bessana mala ta nees 390 gallassata immadis; issi issi gallassay istti qaxxayettana issi issi layth bessees.

ሂዚቄላ ቲንቢቴ 4:6

«Hessafe guye neni ushachcha millen 40 gallas ichcha; hessi Yuhuda asay ba balan waani qaxxayettanaakko bessiza malata gidana; issi issi gallassay istti qaxxayettana issi issi layth bessees.

ዳኔላ ቲንቢቴ 9:24

«Makkallateththaa essanaas, nagara digganaas, qoho wursanaas, mernaa xilloteth ehanaas, ajjuutanne tinbite maatamen shocanaas, geesh gidida giddo qol7a tisttanaas ne deraa gishshassinne ne geeshsha katamay gishshas laappun tammu saaminttay awajettides.

ሆሴኤ ቲንቢቴ 9:12

Naa yelidi dichchikokka istti dhoommana gakkanaas ta istta wodhana. Ta isttafe ta ayfeso zaarida wode isttas aayye ana!

ሌዌታ ማጻፋ 20:19

« ‹Ay asikka ba aawa michchira woykko ba aayi michchira zin7ofo; hessaththo ooththizaa gidikko nam7ayka bantta dabboteththa kawushshiza gishshas ba moorida mooron oyshettana.

ዛካራሳ ቲንቢቴ 11:10

Qasseka dere ubbaara ta caaqettida qaala laallanaas, «Kiyateth» gaada sunththida ta guufeza menththadis.

ታይቦ ማጻፋ 13:25

Istti biittayo oyddu tammu gallas xomosi xeellidaappe guye aggi simmida.

ታይቦ ማጻፋ 18:23

Hayssafe guye Gaytoteththa Dunkaaneza giddon alaafeteth ekki ooththanaas bessizay Lewe zarkketa xalla gidana; heen oosettiza mooroska istti oyshettana; hessika isttas naa naa gakkanaas laamettontta woga gidana; Lewetas xinxxoy Isra7eele deren deenna.

ታይቦ ማጻፋ 32:13

GODAY Isra7eele dereza bolla hanqettida gishshas he iza hanqeththida yeletati ubbay wurana gakkanaas istti bazzo biittan oyddu tammu layth toylattana mala ooththides.

ሃዋሬታ ኦሶ 13:18

Oyddu tammu layth kumeth istta bazzo biittan dandaydes.

ዛሬ ማጻፋ 2:7

GODAA intte Xoossay intte ooththida ubbaa inttes keehi anjjides; intte hayssa wolqqama bazzozara kanththi biza wode ishalsi oykkides; ha oyddu tammu layth kumeththaan GODAA intte Xoossay inttenara diza gishshas aykkoyka inttes paccibeenna.

Ibirawe 4:1

Gede shemposo gelanaas imettida hidotay ha7ikka naagetti diza gishshas intte giddofe oonikka hessas bessonttaade gidontta mala ane naagettoos.

ኢያሶ ማጻፋ 14:10

«GODAY ha yo7oza Muses yootoosoppe doommidi Isra7eele asay bazzo biittan toylattishin tana 45 layth naagidi shemppora paxa woththides; ha7i ta layththay 85 gidides.

ዮሃኒሳ ኣጁታ 11:3

Ta markka nam7ati kayo may7o may7idi 1,260 gallas gakkanaas tinbite yootana mala ta isttas wolqqa immana» geetettides.

1ሳሜላ ማጻፋ 2:30

«Hessa gishshas GODAA Isra7eele Xoossay, ‹Ne keeththinne ne aawa keeththa asay ta sinththan mernaas haggazana mala hidota qaala immadis; ha7i gidikko GODAY hannife guye ta hayssa ooththike;› tana bonchchizayta takka bonchchana; tana kadhizayti mulerakka kadhettana.