ታይቦ ማጻፋ 14:19 - Geeshsha Maxaafa

¹⁹ Ha7ikka Godoo! Laamettontta ne gita siiqozan istti Gibxeppe kezoosofe hanno gakkanaas ne istta maarida mala hayssa deraa nagara ne maarana mala ta nena woossays» gides.

ጋሞ ማጻፋ

¹⁹ ሃኢካ ጎዶ! ላሜቶንታ ኔ ጊታ ሲቆዛን ኢስቲ ጊብጼፔ ኬዞሶፌ ሃኖ ጋካናስ ኔ ኢስታ ማሪዳ ማላ ሃይሳ ዴራ ናጋራ ኔ ማራና ማላ ታ ኔና ዎሳይስ» ጊዴስ።

ታይቦ ማጻፋ 14:19 ပူးပေါင်းရင်းမြစ်များ

1ካዎታ ማጻፋ 8:34

neni salon dashe siya; ne dere Isra7eele nagaraa atto ga; histtada neni istta aawatas immida biittayo istta zaara gelththa.

ዬ ማጻፋ 106:45

Istta gishshas ba caaqo qaala hassa7ides; aggontta ba siiqo daron istta maarides.

ዬ ማጻፋ 78:38

Gido attiin izi istta maarizaade gidida gishshas istta iitateththaa atto gides; isttaka dhayssibeenna; daro wode ba hanqoza istta bollafe teqqides; ba hanqoza bosha ubbaa istta bolla yeddibeenna.

ዬ ማጻፋ 85:2

Neni ne asaa naaqo atto gadasa; istta nagara ubbaa kammadasa.

ኬሳ ማጻፋ 32:32

Gido attiin Abeet Godoo! Ha7i istta nagara atto ga; akkay giikko neni xaafida mazgabaappe ta sunththaa qucca digga» gides.

ኬሳ ማጻፋ 33:17

Histtiin GODAY Muse, «Ta nenan sabettida gishshassinne nena ne sunththan eriza gishshas neni tana oychchidayssa qasseka tani ooththana» gides.

ኬሳ ማጻፋ 34:9

«Abeet Godoo! Neni tanan ufayettidaa gidikko ne nunara issife baana mala ta nena woossays. Hayssi asay wozina muume gidikkoka nu iitateththaanne nu nagaraa atto gaada nuna ne as histta» gides.

ኢሳያሳ ቲንቢቴ 55:7

Iita asi ba oge, qohizaykka ba qofa aggo; GODAAKKO simmo. Izikka iza maarana; iza maaroteththay daro gidida gishshas izi nu Xoossako simmo.

ዳኔላ ቲንቢቴ 9:19

Abeet Godawu! Nu woosa ezga! Nuna maara! Neni siyada ooththa! Hanno katamayninne deraa bolla ne sunththi xeygettides; Godo ne sunththaa gishshas gaada gam7ofa» ga woossadis.

ኣሞጼ ቲንቢቴ 7:2

Boolezikka biitta bolla diza cilila ubbaa pitti midayssa tani beyada, «Ubbaafe Wolqqama GODAWU! Ne dere qohoza maararkkii! Ne dere Isra7eeles wolqqay baynda gishshas izi hayssa wostti eqetti dandayanee?» ga woossadis.

ኣሞጼ ቲንቢቴ 7:5

He wode tani, «Ubbaafe Wolqqama GODAWU! Hayssa tamaa toyssarkkii! Ne dere Isra7eeles wolqqay baynda gishshas izi hayssa wostti eqetti dandayanee?» ga woossadis.

ዮናሳ ቲንቢቴ 3:10

Istti ba iita ogeppe simmidayssa Xoossay be7idi isttas qadhettidi istta bolla ehana gida pirdaa aggides.

ዮናሳ ቲንቢቴ 4:2

Hessafe guye GODAA, «Abeet GODAWU! Tani buro ta deren dashe gidayssi hayssa gidennee? Ta ne sinththafe betada Tarseese baanaas eesotidayssi hessassa; qadhetaynne maarotay nenan kumida Xoossaa ne gididayssa, hanqos eesotonttayssanne aggontta siiqon kumidayssa, qasse ehana gida iita miishshika aggiza Xoossa ne gididayssa tani kasekka erays.

ሚኪያሳ ቲንቢቴ 7:18

Dhayshe attida zereththaa nagara atto gi maariza ne mala Xoossi oonee? Neni mernaas hanqettaka; maaro gelizayssan ne ufayettaasa.

ኢምባቆ ቲንቢቴ 3:2

Abeet GODAWU! Ta ne goobateththa gishshas siyadis. GODAWU ne oosoykka tana yashissides; neni ne ooso nu woden ooraththa; ne oosoti nu wodenkka erettana mala ooththarkkii! Hanqo wodekka maaroteth qopparkkii!

ታይቦ ማጻፋ 23:21

Yaaqoobe zereththa bolla metoy gakkenna; Isra7eele asaa bollaka waayey gakkonttayssi taas beettees; GODAY isttara dees; Xoossi kawo gididayssa istti qonccen yooteettes.

ያቆቤ ኪታ 5:15

Ammanon woossida woosay hargidaade paththana; Godaykka iza denththana; izi nagara ooththidaade gidikkoka Xoossi iza maarana.