ታይቦ ማጻፋ 12:6 - Geeshsha Maxaafa

⁶ GODAY isttas, «Hekko ha7i ta inttena gizayssa akeeki siyite! «Intte giddon nabeti diikko, tani tana isttas ajjuutan qonccisays; agumon istta haasayssays.

ጋሞ ማጻፋ

⁶ ጎዳይ ኢስታስ፥ «ሄኮ ሃኢ ታ ኢንቴና ጊዛይሳ ኣኬኪ ሲዪቴ! «ኢንቴ ጊዶን ናቤቲ ዲኮ፥ ታኒ ታና ኢስታስ ኣጁታን ቆንጪሳይስ፤ ኣጉሞን ኢስታ ሃሳይሳይስ።

ታይቦ ማጻፋ 12:6 ပူးပေါင်းရင်းမြစ်များ

ሜቴ ማጻፋ 15:1

Hessafe guye GODAA qaalay ajjuutan Abraamekko yiidi, «Abraame, babbofa! Tani nees gondalle; ne anjjoy keehi gita» gides.

ሜቴ ማጻፋ 20:7

Ha7i hanno maccassayo izi azinaas zaara; gaasoykka izi nabe gidida gishshas izi nees Xoossaa woossiko neni paxana; gido attiin ne izo zaarontta ixxiko neninne nees dizaazi wuri hayqqanayssa tumappe ne era» gides.

ሜቴ ማጻፋ 28:12

Agumozan biittan eqqidi xeeray pude salo gakkiza yangare be7ides; yangareza bolla Xoossa kiitanchchati duge wodhdhishininne pude kezishin be7ides.

ሜቴ ማጻፋ 28:16

Yaaqoobey dhiskofe beeggidi, «Tani erabeekkefe attiin GODAY tumu hayssan dees» gides.

ሜቴ ማጻፋ 37:5

Yooseefey agumo agumettidi ba ishatas yootides; isttika iza gede gujji ixxida.

ሜቴ ማጻፋ 37:9

Qasseka Yooseefey hara agumo agumettidi ba ishanttas yootides; «Siyite; tani hara agumokka agumettadis; he agumozan arshey, aginaynne 11 xoolintteti taas ziggishin be7adis» gides.

ሜቴ ማጻፋ 46:2

Xoossi omars agumora iza, «Yaaqoobe, Yaaqoobe» gi xeygiin izi, «Yee!» gi koyides.

2ሳሜላ ማጻፋ 7:4

He gallassa omars GODAA qaalay Naataanekko yiidi,

1ካዎታ ማጻፋ 3:15

Hessafe guye Solomooney dhiskofe beeggidi hessi agumo gididayssa akeekides; izi Yerusalaame simmi biidi GODAA Caaqo Qaala Taabotaa sinththan eqqides; xuugettiza yarshonne issifeteththa yarsho yarshides. Histtidi ba shuume ubbatas gibira kessides.

1ካዎታ ማጻፋ 3:5

GODAY Solomoones Geba7oonen omars agumon qonccides; Xoossi izas, «Ta nees immana mala ne koyza ay miishshika tana oychcha» gides.

ኢዮቤ ማጻፋ 33:15

Omars asi hiixan ichchi diza wode asi koyro dhisko seeraagida wode; agumoninne ajjuutankka Xoossi haasayees.

ኢዮቤ ማጻፋ 4:13

Asay omars wolqqama dhisko seerida wode, tana iita agumoy agunththides.

ዬ ማጻፋ 105:15

«Tani tiydayta bochchofte; nabeta qohopite» gides.

ዬ ማጻፋ 89:19

Beni neni ne ammanettida asatas ajjuutan, «Tani ola qaraa maaddadis; deraa giddofe doorettida yelaga dhoqqu dhoqqu histtadis.

ኬሳ ማጻፋ 7:1

Hessafe guye GODAY Muses, «Beya; tani nena Gibxe kawaas Xoossa mala ooththadis; ne isha Aarooney ne doona gididi ne gishshas haasayana;

ኤርማሳ ቲንቢቴ 23:25

GODAY, «Tani agumettadis; tani agumettadis» gishe ta sunththan wordo tinbite haasayza nabeta qaala siyadis.

ኤርማሳ ቲንቢቴ 23:28

Agumettiza nabey ba agumaa yooto; ta qaalay izan dizaadey gidikko he qaala ammaneteththan yooto; happassinne kaththa ayfes ay gaytoteththi dizee?

ሂዚቄላ ቲንቢቴ 1:1

Heedzdzu tammanththa layththan, oydanththo aginan, ichchashanththo gallassan, tani Koboore shaafan di7ettidi bidayta giddon dashe saloti doyettiin Xoossa ajjuuta be7adis.

ዳኔላ ቲንቢቴ 10:8

Tanikka hessa keehi malalisiza ajjuuta xeellashe tarkka attadis; taas diza wolqqay wuriin daaburadis; ta ayfesoykka keehi gilqides.

ዳኔላ ቲንቢቴ 2:19

He xuura yo7oy Daaneelas omarsi ajjuutan qonccides; hessa gishshas izi salo Xoossa galatides.

ዳኔላ ቲንቢቴ 7:1

Baabiloone kawo Belishaxoorey kawotida koyro layth Daaneeli ba algan ichchi dishe agumonne ajjuuta be7ides; hessafe guye ba be7ida agumoza xaafides.

ዳኔላ ቲንቢቴ 8:2

Elaama awuraajjan Suusa gimbe matan ajjuutan tana beyadis; ajjuutazan tani Ulaye shaafa achchan days.

ሆሴኤ ቲንቢቴ 12:11

Gala7aaden iitateththi kumides; asaykka shufuro xalla. Gelgelan mirgota yarshos shiishshizoo? Istta yarshizasoy meqerettidi goshsha giddon korettida shuchcha mala gidana» gees.

ኢዩኤሌ ቲንቢቴ 3:1

Xoossi, «He wode tani Yerusalaameppenne Yuhudappe di7etti ekettida miish ubbaa zaarana.

ዛካራሳ ቲንቢቴ 1:8

Omarsa wode ajjuutan zo7o para toggida issaade be7adis; he izikka shoobba giddon barsineete miththata garsan eqqides; qasse iza guyera daama, zo7onne booththa parati deettes.

ታይቦ ማጻፋ 24:4

Xoossa qaala siyizaadey izi kundi dishin iza ayfeti doyettiin Ubbaa Dandayza Xoossa ajjuuta be7izaade kiitay hayssa.

Maatosa 1:20

Hayssa izi qoppishin Xoossa kiitanchchay agumora izas qonccidi, «Dawite naa Yooseefe! Ne giigsida Maarama qanththatiday Xillo Ayanan gidida gishshas izo neso efanaas babbofa.

Maatosa 2:19

Herdoosi hayqqidaappe guye Godaa kiitanchchay agumora Yooseefes Gibxe biittan beettidi,

Maatosa 23:31

intte nabeta wodhida asata nayta gididayssa intte doonara intterkka intte intte bolla markkatteeta.

Maatosa 23:34

Hessa gishshas nabetanne eranchchata astamaaretakka ta inttes yeddana. Intte istta giddofe issi issi asata wodhana. Baggayta intte kaqqana; baggayta intte Ayhuda Woosa Keeththan garafananne he katamappe hara katama intte gooddana.

Maatosa 23:37

«Hanne Yerusalaamee! Nabeta wodhizaaree! Neekko kiitettidayta shuchchara caddizaaree! Hanne Yerusalaame, kutto aaya ba ciyeta ba qefe giddo shiishshiza mala ta ne nayta shiishshanaas aappun wode koyadinaashin ne gidikko koyabeekka.

Maatosa 27:19

Izi pirda alga bolla utti dishin iza machcheya, «Iza gaason hach tani agumora daro metotadis; hessa xillo addeza bolla ne aykkoka ooththontta mala» giza kiita Philaxoosas yeddadus.

ሉቃሳ ሚሺራቾ 1:11

Godaa kiitanchchay exaaney cuwattiza sooppe ushachcha baggara eqqidi Zakaraasas beettides.

ሉቃሳ ሚሺራቾ 1:22

Izi Xoossa Keeththaafe kezidi asa haasayssanaas dandaybeenna; malati malati besoppe attiin haasayanaas dandayontta aggiin asay izi Xoossa Keeththan Xoossafe ooraththa miish be7idayssa erides.

ሉቃሳ ሚሺራቾ 20:6

‹Asappe› giikko asay wuri Yohannisi nabe gididayssa ammaniza gishshas nuna shuchchara caddana» gi zorettida.

ሃዋሬታ ኦሶ 10:17

Phexroosikka ba be7ida ajjuutaza birsheththaa eranaas daro metotidi keehi qofa bolla dishin Qornoloosi kiittida asati Simoona keeththe koyishe demmidi pengen eqqida.

ኤፌሶኔ ኣሳስ 4:11

Issi issi asati Hawaareta, baggayti Nabeta, harati Mishiraachcho qaala sabaake, baggayti qasse heemmizaytanne tamaarsizayta gidana mala izi imota immides.

ዛሬ ማጻፋ 18:15

GODAA intte Xoossay intte zareppe ta mala nabe denththana; intte izi inttes yootizayssa siyidi azazettite.

ዛሬ ማጻፋ 18:18

Tani istta zareta giddofe isttas ne mala nabe denththana; izi haasayana qaala ta izas immana; ta azazizayssa ubbaa izi inttes yootana.

Ibirawe 1:1

Beni wodeppe oykkidi Xoossi dumma dumma ogera nabeta baggara kase nu Aawatas daro wode yootides.

ዮሃኒሳ ኣጁታ 11:10

Heyti nam7u nabeti kase biittaa bolla diza asaa waayisida gishshas ha7i qasse biitta bolla diza asay ha nabeti hayqqida gishshas ufayettana; he ufayssaas ba7aale ooththidi issoy issaas yes immana.

ዮሃኒሳ ኣጁታ 11:3

Ta markka nam7ati kayo may7o may7idi 1,260 gallas gakkanaas tinbite yootana mala ta isttas wolqqa immana» geetettides.

1ሳሜላ ማጻፋ 28:6

Izi GODAA oychchiin GODAY izas agumon gidiin woykko Urimen woykko nabeta baggara zaaro immibeenna.

1ሳሜላ ማጻፋ 3:15

Sameeli gadey wonttanaashe gakkanaas ichchides; hessafe dendidi GODAA keeththa pengeta doydes; ba be7ida ajjuutaa Eeles yootana babbides.

1ሳሜላ ማጻፋ 3:21

GODAY Seelon gujji gujji qonccides; heen ba qaala baggara bana Sameelas qonccisides. Sameela qaalay Isra7eele ubbaa gakkides.