ናሂሚያ ማጻፋ 9:37 - Geeshsha Maxaafa

³⁷ Nuni nagara ooththida gaason neni nu bolla kawoththida kawoti nu biitta anjjo ubbaa istti go7etteettes; qasse nu bollanne nu meheta bolla ba koyida mala ooththeettes; hessafe dendidayssan nuni ha7i gita waaye bolla doos.

ጋሞ ማጻፋ

³⁷ ኑኒ ናጋራ ኦዳ ጋሶን ኔኒ ኑ ቦላ ካዎዳ ካዎቲ ኑ ቢታ ኣንጆ ኡባ ኢስቲ ጎኤቴቴስ፤ ቃሴ ኑ ቦላኔ ኑ ሜሄታ ቦላ ባ ኮዪዳ ማላ ኦቴስ፤ ሄሳፌ ዴንዲዳይሳን ኑኒ ሃኢ ጊታ ዋዬ ቦላ ዶስ።

ናሂሚያ ማጻፋ 9:37 ပူးပေါင်းရင်းမြစ်များ

ኢዝራ ማጻፋ 4:13

Hessa gishshas ha katamaya simma oosettikonne izi gimbey gimbetti giigikko asay wuri nees giiriza giiranne qaraxa qanxxonttayssa ne era; ne kawoteththa bonchchos imettiza imotay guuxxi guuxxi baanayssi nees eretto.

ኢዝራ ማጻፋ 6:8

Hayssa gaason intte Xoossa Keeththa ooso maaddana mala ta inttena azazadis; ha oosozas koshshiza miish kawo minjja keeththafenne Efiraaxiseppe arshey wuliza baggara diza dereppe kawos shiiqiza giira miishshafe kezidi isttas imetto; oosozikka dhuphettana bessenna.

ኢዝራ ማጻፋ 7:24

Qasse qeesetappe, Lewetappe, yexxizaytappe, zabetappe, Xoossa Keeththan koshshiza miishshan ooththiza asata ubbatappe qaraxanne giira qanxxisanaas, wolqqan hara miish oosisanaas istta bolla inttes maatay bayndayssa ta inttena erisays.

ናሂሚያ ማጻፋ 5:8

«Ayzaabetas bayzettida intte bagga gidida ayhudata wozzanaas nuus nuus dandayettida mala ooththidos; gido attiin intte intte ishata Ayzaabetas aaththi bayzeeta» gaada hanqadis; kaaleththizaytikka gaanaazi dhayiin co7u gida.

ኤርማሳ ዚላስ 5:5

Nuna gooddizayti nuus geedon eqqida; keehippe daaburdos; shempoka digettidos.

ሌዌታ ማጻፋ 26:17

Tani intte bolla hanqon dendiza gishshas intte xoonettana; intte ixxiza intte morkketi inttena haarana; oonikka inttena gooddontta intte intterkka baqatana.

ዮሃኒሳ ሚሺራቾ 8:33

Isttika izas zaaridi, «Nuni Abrahaame naytakko! Nu oonaska aylleti erokko; histtiin ne nuna waanada intte wozzettana gay?» gida.

ዛሬ ማጻፋ 28:33

Ne biittaa kaththa ayfenne ne daabura kessida ubbaa hara dere asi maana; neni ne de7o ubbaan un7ettidaadenne qohettidaade gidana.

ዛሬ ማጻፋ 28:39

Neni woyne mith tokkanashin iza ayfeza go7ettaka; gaasoykka guxuney iza maana.

ዛሬ ማጻፋ 28:48

Hessa gishshas neni gafan, saamon, kalloteththaninne meto ubbaan GODAY ne bolla yeddiza ne morkketas ne haarettana; GODAY nena dhayssana gakkanaas ne morgen birata qambara waaxana.

ዛሬ ማጻፋ 28:51

Istti ne mehenne ne kath ubbaa pitti mizayta gidida gishshas neni hayqqana gakkanaas koshan waayana; istti ne dhayana gakkanaas ne kaththaafe issi ayfe, ne meheppe guuththa mari, ne dorsafe guuththa laaqqa, woyneppenne wogara miththa ayfeppe qii palakka ashshettenna.