ናሂሚያ ማጻፋ 9:27 - Geeshsha Maxaafa

²⁷ Hessa gishshas istta morkketi istta xoonidi haarana mala aaththa immadasa; morkketikka istta metoththida; istti banttana metida wode neekko waassida; nekka istta waasaa salon daada siyadasa; ne maaroteththa gitateththaafe dendidayssan istta morkketappe ashshana kaaleththizayta yeddadasa.

ጋሞ ማጻፋ

²⁷ ሄሳ ጊሻስ ኢስታ ሞርኬቲ ኢስታ ጾኒዲ ሃራና ማላ ኣ ኢማዳሳ፤ ሞርኬቲካ ኢስታ ሜቶዳ፤ ኢስቲ ባንታና ሜቲዳ ዎዴ ኔኮ ዋሲዳ፤ ኔካ ኢስታ ዋሳ ሳሎን ዳዳ ሲያዳሳ፤ ኔ ማሮቴ ጊታቴፌ ዴንዲዳይሳን ኢስታ ሞርኬታፔ ኣሻና ካሌዛይታ ዬዳዳሳ።

ናሂሚያ ማጻፋ 9:27 ပူးပေါင်းရင်းမြစ်များ

2ካዎታ ማጻፋ 13:5

Hessa gishshas GODAY Isra7eele ashshiza as isttas immides; isttika Aaraame asaa un7eteththafe kessi ekkida; kase malakka bantta keeththan keeththan duus oykkida.

2ካዎታ ማጻፋ 14:27

Gido attiin GODAY Isra7eele sunththaa biitta bollafe dhayssana giidi kase yootibeenna gishshas Yo7aasa naa Iyorba7aamen eqqidi istta ashshides.

2ካዎታ ማጻፋ 17:20

Hessa gishshas GODAY Isra7eele asa ubbaaka aggides; un7eththidessinne ba sinththafe digganaashe gakkanaas di7izayta kushen aaththi immides.

2ካዎታ ማጻፋ 17:39

Intte morkketa ubbaa kusheppe inttena ashshizay iza gidida gishshas GODAA intte Xoossas goynnite» gi azazi woththides.

2ታሪኬ ማጻፋ 36:17

Hessa gishshas GODAY Baabiloone kawo istta bolla denththidi ehides; histtiin Xoossa Keeththaa giddon izi istta yelaga attuma nayta mashshan suppu histtides; yelaga attuma nayta, woykko geela7ota, woykko cimata, woykko ceegata Xoossi istta ubbaa Nabukadanaxoore kushen aaththi immides.

ናሂሚያ ማጻፋ 9:19

«Ne maarotay gita gidida gishshas istti heen bazzo biittan dhayi attana mala aggabeekka; gido attiin istti gallas tuussa mala shaaran omars tuussa mala taman istti baanaas bessiza ogera istta kaaleththo aggabeekka.

ዬ ማጻፋ 136:24

Nuna nu morkketappe ashshides; iza siiqoy mernaassa.

ሌዌታ ማጻፋ 26:17

Tani intte bolla hanqon dendiza gishshas intte xoonettana; intte ixxiza intte morkketi inttena haarana; oonikka inttena gooddontta intte intterkka baqatana.

ኣብዲዩ ቲንቢቴ 1:21

Attida Isra7eele asati Xiyoone zumaa bolla uttidi Eedoome dere ayssana; qasse kawoteththayka Xoossas gidana» gi yootides.

ዳናታ ማጻፋ 2:18

GODAY isttas pirdiza daannata daannasida wode ubbaan izi he pirdiza daannatara issife diza gishshas he daannati shemppora paxa diza layth ubbaan istta morkketa kusheppe istta ashshides. Waayeynne tuggay istta bolla darida gaason istti waassizayssa siyidi GODAY isttas qadhettides.