ናሂሚያ ማጻፋ 9:22 - Geeshsha Maxaafa

²² «Istta deraa yuuyi aadhdhi diza deretanne istti kawoteththata ubbaa xoonidi he biitta ekkana mala ooththadasa; hessa gishshas kawo Sihooney ayssiza Haseboone geetettiza biittanne kawo Aagey ayssiza Baasaane geetettiza biitta xoonidi laattida.

ጋሞ ማጻፋ

²² «ኢስታ ዴራ ዩዪ ኣ ዲዛ ዴሬታኔ ኢስቲ ካዎቴታ ኡባ ጾኒዲ ሄ ቢታ ኤካና ማላ ኦዳሳ፤ ሄሳ ጊሻስ ካዎ ሲሆኔይ ኣይሲዛ ሃሴቦኔ ጌቴቲዛ ቢታኔ ካዎ ኣጌይ ኣይሲዛ ባሳኔ ጌቴቲዛ ቢታ ጾኒዲ ላቲዳ።

ናሂሚያ ማጻፋ 9:22 ပူးပေါင်းရင်းမြစ်များ

ዬ ማጻፋ 105:44

Izi isttas hara kawoteththata biitta immides; histtiin istti harati daaburi kessida kaththa ayfe laattida.

ዬ ማጻፋ 78:65

Hessafe guye Goday dhiskofe beeggiza mala beeggides; woykko woyne ushshu uyi maththottida qaray maththofe beeggiza mala dendides.

ኤርማሳ ቲንቢቴ 27:5

Ta gita wolqqaninne micettida ta kushen sa7anne sa7a bolla diza asinne mehe medhdhadis. Istta ta dosidaades immana.

ኤርማሳ ቲንቢቴ 32:23

Histtiin istti he biittaa gelidi laattida; gido attiin nees azazettibeettenna; ne wogaakka naagibeettenna; istti ooththana mala neni azazidayssa ubbaaka ooththibeettenna; hessa gishshas neni istta bolla ha bosha ubbaa ehadasa.

ሂዚቄላ ቲንቢቴ 20:28

Tani isttas immana caaqqida biittaa istta eha gelththida wode dhoqqu gida zumbullata ubbaanne cililo mith ubbata be7ida; heen bantta yarsho yarshida; bantta kaththa yarsho shiishshidi, sawo tunnu giza exaane cuwasidi, ushsha yarshoka shiishshidi ta hanqo denththeththida› gees.

ዛሬ ማጻፋ 1:4

Hessika haniday Haseboone katamaan kawoti haariza Amoore dere kawo Sihoonenne Astarooten, Edira7e katamaan uttidi haariza Baasaane kawo Aage xoonidaappe guyenna.

ዛሬ ማጻፋ 32:26

Tani istta ubbaa laallana; Hessafe guye istta hassa7ana asi deenna.

ዛሬ ማጻፋ 4:46

Heytantta izi awajjiday Yordaanoose shaafappe arshey mokkiza baggara Beeti-Pe7oore zulles sinththa baggara diza Amooreta kawoy diza Haseboone deren, Museynne Isra7eeleti Gibxeppe ke7i olettidi xoonida Sihoone derenna.

ዛሬ ማጻፋ 4:47

He wode istti iza biittanne hessaththoka Yordaanooseppe arshey mokkiza baggara diza Baasaane dere haariza Amoore kawo Aage biitta laattida.

ኢያሶ ማጻፋ 10:11

Beeti-Horooneppe duge Azeeqe efiza oge oykkidi istti Isra7eele asaa sinththafe baqatishin GODAY wolqqama shach saloppe istta bolla bukisides. Histtiin Isra7eele asay mashshan wodhida asaappe, shachchay wodhida asay keehippe daro.

ኢያሶ ማጻፋ 11:23

GODAY Muse azazida mala Iyaasoy biitta ubbaa oykkides; histtidi Isra7eele asaas istta qommon qommon shaakki immides; hessafe guye biittay olappe shempides.