ናሂሚያ ማጻፋ 9:17 - Geeshsha Maxaafa

¹⁷ Nees azazettibeettenna; ne isttas ooththida gita malaataakka ubbaa dogida; wozina muume gidida; qasse guye Gibxe aylleteththan zaarana mala banttana kaaleththiza as doorida. Gido attiin neni siiqon kumida Xoossa, hanqos takkiza Xoossa, atto giza Xoossa, kiyanne maariza Godaa gidida gishshas ne istta aggabeekka.

ጋሞ ማጻፋ

¹⁷ ኔስ ኣዛዜቲቤቴና፤ ኔ ኢስታስ ኦዳ ጊታ ማላታካ ኡባ ዶጊዳ፤ ዎዚና ሙሜ ጊዲዳ፤ ቃሴ ጉዬ ጊብጼ ኣይሌቴን ዛራና ማላ ባንታና ካሌዛ ኣስ ዶሪዳ። ጊዶ ኣቲን ኔኒ ሲቆን ኩሚዳ ጾሳ፥ ሃንቆስ ታኪዛ ጾሳ፥ ኣቶ ጊዛ ጾሳ፥ ኪያኔ ማሪዛ ጎዳ ጊዲዳ ጊሻስ ኔ ኢስታ ኣጋቤካ።

ናሂሚያ ማጻፋ 9:17 ပူးပေါင်းရင်းမြစ်များ

1ካዎታ ማጻፋ 6:13

Histtada tani Isra7eele asaa giddon de7ana; tani ta deraa Isra7eele yegga aggike» gides.

1ካዎታ ማጻፋ 8:57

GODAA nu Xoossay kase nu aawatara diza mala nunarakka de7o; izi nuna mulekka aggofo woykko yeggofo.

2ታሪኬ ማጻፋ 36:13

Qasse baas ammanettana mala Xoossa sunththan caaqeththida kawo Nabukadanaxoore bolla makkallides; GODAA Isra7eele Xoossaako simmontta ixxidi ba wozina muumisidi ba morge minththides.

ኢዝራ ማጻፋ 9:9

Nu aylle gidikkoka nu Xoossay nuni aylle gidi attana mala aggabeekka; neni Paarise kawoti nuus qadhettana malanne paxa dishe aylleteththafe kezidi kase laalettida Xoossa Keeththaa nu zaari keexxana malanne hayssa Yuhudaninne Yerusalaamen nu saro daana mala ooththadasa.

ናሂሚያ ማጻፋ 9:31

Gido attiin ne maaroteththa gitateththaafe dendidayssan istta aggabeekka; Ne kiyanne atto giza Xoossaa gidida gishshas istta dhayssabeekka.

ዬ ማጻፋ 106:13

Gidikkoka istti izi ooththoyssa heerakka dogida. Iza zore naagontta bantti koyidayssa ooththida.

ዬ ማጻፋ 106:7

Nu aawati Gibxen de7iza wode, ne malalisiza ooso qoppibeettenna. Ne siiqo daroteththaa istti akeekibeettenna; Zo7o abba lanqen makkallida.

ዬ ማጻፋ 130:4

Gido attiin nuni nena bonchchana mala neni nu nagara atto gaasa.

ዬ ማጻፋ 78:10

Istti Xoossa caaqo qaala naagibeettenna; iza wogaa mala dontta ixxida.

ዬ ማጻፋ 78:11

Istti izi ooththida ooso balida; izi istti bessida malalisiza hanotakka dogida.

ዬ ማጻፋ 78:38

Gido attiin izi istta maarizaade gidida gishshas istta iitateththaa atto gides; isttaka dhayssibeenna; daro wode ba hanqoza istta bollafe teqqides; ba hanqoza bosha ubbaa istta bolla yeddibeenna.

ዬ ማጻፋ 86:15

Gido attiin abeet Godawu! Neni qadhettizaadenne maariza Xoossa; hanqettanaas gam7iza Xoossa; ne siiqoynne ne ammaneteththay keehi daro.

ዬ ማጻፋ 86:5

Abeet Godawu! Neni nuus kiyanne atto gizaade; nena woossiza ubbaas ne mernaa siiqo bessaasa.

ኬሳ ማጻፋ 32:9

«Tani ha asaa beyadis; istti bantta wozina muumida asa.

ሌሚሶ ማጻፋ 1:24

Tani xeygida wode intte koyontta ixxideta; tani ta kusheza micciin oonikka wudu gibeenna.

ኤርማሳ ቲንቢቴ 18:15

Ta derey gidikko tana balides; istti go7ontta xoossatas exaane cuwaseettes; bantta ogera biidi dhuphettida; beni ogeppe kare kezida; baasettontta diza kundukurcco ogera bida.

ኤርማሳ ቲንቢቴ 19:15

Ubbaafe Wolqqama GODAA Isra7eele Xoossay, ‹Siyite! Istti bantta wozina shuchchasidi ta qaala siyontta ixxida gishshas tani ha katamaa bollanne iza matan diza mooththata ubbaa bolla ehana gida iita miish ubbaa istta bolla ehana gays› gees» gides.

ኤርማሳ ቲንቢቴ 7:26

Derezi gidikko ta gizaaz siyibeenna; wozinan woththi siyanaaska koyibeenna; istti bantta morge minththidanne istta aawati ooththida iita miishshafe aadhdhiza iita miish ooththida.

ሂዚቄላ ቲንቢቴ 5:6

Gido attiin iza ba iita ooson, ba yuushon diza biittatappenne kawoteththatappe gede iitada ta wogaa bollanne maaraa bolla makkalladus; addaka iza ta wogaa kadhadus; ta maaraakka kaallabeekku» gees.

ዳኔላ ቲንቢቴ 9:9

Abeet GODAA nu Xoossawu! Nuni ne bolla makkallikokka neni maarizanne atto giza Xoossa.

ኢዩኤሌ ቲንቢቴ 2:13

Intte intte kayo bessanaas may7o daaketh xalla gidenna; hessafe bollara intte wozinay meqqiin maarettite; GODAA intte Xoossay kiyanne maariza Xoossa, hanqoska eesotenna; mernaa siiqon izi durenne qaxxayanaas eesotontta Xoossa; hessa gishshas intte izakko simmite.

ሌዌታ ማጻፋ 26:44

Gidikkoka istti ba morkketa deren diza wode istta mulera dhayssike gaada ta caaqqida qaalaa mabeekke; ta inttena aggaagikke; ta inttena harassetike; tani GODAA intte Xoossaa.

ናሆሜ ቲንቢቴ 1:3

GODAY hanqettanaas eesotenna; iza wolqqayka gita. GODAY mooranchcha qaxxayontta aggenna; gote carkoynne abba dambalay izas oge; shaaray iza toho gudulla.

ታይቦ ማጻፋ 14:11

GODAY Muses, «Hayssi derezi ayde gakkanaas tana kadhanee? Tani dereza sinththan daro malaata ooththadis; histtiin derezi tanan ammanettontta ayde gakkanaas ixxanee?

ታይቦ ማጻፋ 14:41

Musey gidikko isttas, «Histtiin intte GODAAS ha7ikka ays azazeteketii? Intte qoppidayssi inttes suurenna.

ታይቦ ማጻፋ 16:14

Neni nuna lo7o kath immiza goshsha gade ehonttayssi woykko atakiltera dizaso laatisonttayssi erettidaaza; ha7i qasse ne nuna baleththanaas koyaasa; hessa gishshas ha7i nu neekko bookko!» gida.

ሃዋሬታ ኦሶ 7:39

«Nu Aawati gidikko izara eqettida attiin izas azazettanaas koyontta gishshas ba wozinara guye Gibxe simmida.

ኦሮሜ ኣሳስ 9:15

Xoossi Muses, «Ta maarana koyidaade maarana; ta mishettana koyidaadeska mishettana» gees.

Ibirawe 12:25

Inttes yootizayssa intte akkay gontta mala naagettite; heytantti Xoossi biitta bolla diza asa baggara isttas yootizayssa ekkontta ixxidi izappe attanaas dandayontta aggiko nuni saloppe yidayssi nuus yootishin ekkontta ixxiko nu izappe waani attanee?

1ሳሜላ ማጻፋ 12:22

GODAY inttena ba dere histtanaas dosida ba gita sunththaa gishshas ba deraa aggenna.