ናሂሚያ ማጻፋ 9:14 - Geeshsha Maxaafa

¹⁴ Geeshsha ne Sambata istti bonchchana mala tamaarsadasa; Ne azazota, wogatanne maarata ne oosanchcha Muse baggara isttas immadasa.

ጋሞ ማጻፋ

¹⁴ ጌሻ ኔ ሳምባታ ኢስቲ ቦንቻና ማላ ታማርሳዳሳ፤ ኔ ኣዛዞታ፥ ዎጋታኔ ማራታ ኔ ኦሳንቻ ሙሴ ባጋራ ኢስታስ ኢማዳሳ።

ናሂሚያ ማጻፋ 9:14 ပူးပေါင်းရင်းမြစ်များ

ሜቴ ማጻፋ 2:3

Qasse Xoossi laappunththa gallassaa anjjidessinne dumma gallas ooththides; ays giikko Xoossi ba ooththiza ooso wursidi shempiday he gallassanna.

ናሂሚያ ማጻፋ 1:8

«Ne Muses, ‹Intteno Isra7eele asawu! Intte tana ammanon kaallontta aggiko tani inttena kawoteththata giddon laallana; gido attiin intte taakko simmidi ta azazo polizaa gidikko ta inttena biitta gaxan intte laalettidaa gidikkoka ta sunththay xeygettana mala ta dooridaso shiishshada zaara ta ehana› gaada yootida qaala qoppa.

ናሂሚያ ማጻፋ 10:32

«Layththan layththan Xoossa Keeththa oosos maaddiza bira heedzdzaafe issi kushe nu ehi immana.

ኬሳ ማጻፋ 16:23

Izi isttas, «GODAY azazidayssi hayssa; wontoy shemppo gallassa, GODAAS geeshsha sambata. Hessa gishshas intte uukkanayssa uukkite; intte doyssanayssaka doyssite; palahidayssa wontos ashshite» gides.

ኬሳ ማጻፋ 16:29

Ta inttes Sambata immidayssa akeekite; usuppunththa gallassan ta inttes nam7u gallassas kath immizayssi hessa gishshassa. Laappunththa gallas wurikka ba dizason dizason taakko; oonikka awakka booppo» gides.

ኬሳ ማጻፋ 24:12

GODAY Muses, «Neni taakko zumaa bolla pude haa ya; haa taakko kezada haan gam7a; histtiko neni wogaa tamaarsana mala tani wogaanne azazo iza bolla xaafida lochcha shuchchata nees immana» gides.

ሂዚቄላ ቲንቢቴ 20:11

Asi naagizaakko shemppora paxa woththiza maara ta isttas immadis; ta wogaakka ta istta erisadis.

ሂዚቄላ ቲንቢቴ 20:12

Qasse istta geeshshiday tana GODAA gididayssa istti he wode erana mala taassinne isttas giddon malata gidana mala ta Sambata isttas immadis.

ሂዚቄላ ቲንቢቴ 20:20

Taassinne inttes giddon malata gidana mala ta Sambata inttes dumma gallas histtite; GODAY tani intte Xoos gididayssa intte he wode erana› gadis.

ሌዌታ ማጻፋ 19:3

« ‹Inttefe oonikka attontta ba aawaanne ba aayo bonchcho; ta inttena azazida mala Sambata gallassata bonchcho; tani GODAA intte Xoossaa.

ሌዌታ ማጻፋ 27:34

Siina zumaa bolla GODAY Muse baggara Isra7eele asaa azazida azazoti haytantta.

ዮሃኒሳ ሚሺራቾ 1:17

Wogay Muse baggara imettides; kiyateththinne tumay gidikko Yesus Kirstoosa baggara nuus yides.

ዛሬ ማጻፋ 4:45

Gibxeppe kezida wode Musey deraas yootida azazoy, wogaynne maaray hayssa bollan xaafettidayssa.

ዛሬ ማጻፋ 4:5

«GODAA ta Xoossay ta inttes yootana mala tana azazida wogaanne maara ubbaa inttena tamaarsadis; intte gelidi laattana biittayn he azazota naagite.

ዛሬ ማጻፋ 5:31

Neni gidikko haan ta achchan eqqa; tani ta wogata, azazotanne maarata ubbaa nees immana; tani isttas immiza dereyin istti ha azazota, wogatanne maarata naagana mala dereza tamaarsa› gides.