ናሂሚያ ማጻፋ 8:10 - Geeshsha Maxaafa

¹⁰ Nahimiyay, «Biidi lo7o kath miite; qasse mal7iza ushshu uyi ufayettite; aykkoy bayndaytas inttes dizayssafe immite; hayssi nu Xoossas anjjettida gallassa; Xoossa ufayssay inttes wolqqa gidida gishshas ceecopite» gides.

ጋሞ ማጻፋ

¹⁰ ናሂሚያይ፥ «ቢዲ ሎኦ ካ ሚቴ፤ ቃሴ ማልኢዛ ኡሹ ኡዪ ኡፋዬቲቴ፤ ኣይኮይ ባይንዳይታስ ኢንቴስ ዲዛይሳፌ ኢሚቴ፤ ሃይሲ ኑ ጾሳስ ኣንጄቲዳ ጋላሳ፤ ጾሳ ኡፋይሳይ ኢንቴስ ዎልቃ ጊዲዳ ጊሻስ ጬጮፒቴ» ጊዴስ።

ናሂሚያ ማጻፋ 8:10 ပူးပေါင်းရင်းမြစ်များ

1ካዎታ ማጻፋ 8:66

Wonteththa gallas kawoy asaa moyzides; asay kawoza anjjidi GODAY ba aylle Dawitesinne ba asaa Isra7eeles ooththida kiyateththan wozinappe ufayettishe baso baso bides.

1ታሪኬ ማጻፋ 16:27

Bonchchoynne teemay izas dees; minoteththinne ufayssi iza Keeththan dees.

ናሂሚያ ማጻፋ 8:11

Lewe baggati, «Ha anjjettida gallas intte ceecana bessenna» giidi deraa hayzissida.

ናሂሚያ ማጻፋ 8:12

Asay ba siyida qaala lo7eththi erida gishshas baso biidi kath miidinne haath uyi ufayettidi baas diza kaththaafe haratas shaakki immides.

ኣስቴሪ ማጻፋ 9:19

Hessa gishshas gaxare giddon diza Ayhudati hach gakkanaaska Adaare geetettiza aginan tammanne oydanththo gallas gibira gallas, ufayssa gallassinne issoy issaas imota immiza gallas histti bonchcheettes.

ኣስቴሪ ማጻፋ 9:22

He gallassati Ayhudati bantta morkketappe attidi shemppo demmida gallassata; qasse he aginaykka istta kayoteththaynne hidota qanxxoy ufayssaninne kaassan laamettida agina; he gallassatan ufayettishe gibira, issoy issaas kaththa imota immishenne manqota maaddishe bonchchana mala isttas dabdaabbe xaafides.

ዬ ማጻፋ 149:2

Isra7eele asati bana medhdhidayssan ufayettetto; Xiyoone asati ba kawozan keehippe ufayettetto.

ዬ ማጻፋ 89:17

Istti ceeqettiza wolqqay nena; ne teeman istta kacey dhoqqu dhoqqu gees.

ሌሚሶ ማጻፋ 17:22

Ufayettiza wozinay lo7o dhale; gido attiin meqqida wozinay asas wolqqa dhayssees.

ኤራንቻታ ማጻፋ 11:2

Nees diza aqo laappun woykko osppun sohon shaakereththa woththa; ays giikko biitta bolla ay iitay yaanaakko neni erakka.

ኤራንቻታ ማጻፋ 2:24

Asas muussafenne ushshafe qasse ba ooththida ooson ufayeteththafe hara lo7iza miishshi deenna; hessika Xoossa kusheppe imettizayssa ta beyadis.

ኤራንቻታ ማጻፋ 3:13

Qasse asas izas iza daaburaas waaga gidizay miidinne uyidi bana ufayssizayssa; hessika izas Xoossafe imettida imota.

ኤራንቻታ ማጻፋ 5:18

Asa qaaday hessa gidida gishshas salo gufanththon Xoossi asi de7ana mala immida qaanththa layththa garsan asi ba daaburda daaburappe muussinne ushshi lo7onne bessizayssa gididayssa ta akeekadis.

ኤራንቻታ ማጻፋ 9:7

Baada ne kath ufayssan ma; ne woyne ushshaaka ne wozinay ufayettishin uya; ays giikko Xoossi ne ooththida ooson ufayettees.

Siiqo Saba 5:1

«Taas siiqo michcho gidida ta mishirayee! Tani ta atakilte giddo geladis. Ta karbbenne ta shitto ciish maxadis; Eessa ukeththaa ililozara gaththa madis; Ta woyne ushshaa, ta maaththaa uyadis» gides. «Intteno siiqettizaytoo! Kallana gakkanaas miite; alana gakkanaaska uyite» gida.

ኢሳያሳ ቲንቢቴ 49:5

Ha7i tani GODAA ayfe sinththan bonchchettadis; Xoossay taas wolqqa gidides; tani Yaaqoobe izakko zaarana mala, Isra7eele izakko shiishshana mala ooththida GODAY ha7ikka zaaridi,

ኢሳያሳ ቲንቢቴ 61:10

Tani GODAAN keehippe ufayettays; ta shemppoyakka ta Xoossan hombocawus; mishiray ba hu7en kallachcha goxxiza mala, mishirayakka bana inqqun seeleththiza mala atoteththa may7o tana mayzides; xilloteththa seelokka ta bolla gophides.

ኢዩኤሌ ቲንቢቴ 2:23

Intteno Xiyoone deretoo, GODAAN intte Xoossan ufayssi ooththite; izi tumu pirdidi badhdhesa iranne ofinththa ira wogara immides.

ዛካራሳ ቲንቢቴ 14:21

Yerusalaameninne Yuhudan diza otoy wurikka medheteththa Ubbaafe Wolqqama GODAAS dummatidaaz gidana; Yarsho shiishshiza asay wurikka otota ekkidi yarsho asho isttan doyssana; he wode Ubbaafe Wolqqama GODAA Keeththa giddon ay zal7anchchayka deenna.

ሉቃሳ ሚሺራቾ 11:41

Yo7on gidikko giddon dizayssa muxuwaata immite; he wode wurikka inttes geesh gidana.

2ቆሮንቶሴ ኣሳስ 8:2

Istti daro metoti dishe daro ufayettida; keehi manqota gidikkoka daro kiyattida.

ፒሊጲሲዮሴ ኣሳስ 3:4

Tani ceeqqana koykko asho baggara ceeqqana miishshi taaska dees; oonaska ashon ceeqqiza miishshi dizaa misatikko ta izappe aadhdhays.

ዮሃኒሳ ኣጁታ 11:10

Heyti nam7u nabeti kase biittaa bolla diza asaa waayisida gishshas ha7i qasse biitta bolla diza asay ha nabeti hayqqida gishshas ufayettana; he ufayssaas ba7aale ooththidi issoy issaas yes immana.

1ሳሜላ ማጻፋ 25:8

Hessa neni ne oosanchchata oychcha; istti nees yootana. Hach nuni lo7o gallas yida gishshas ha naateththa nayti ne sinththan bonchchettetto. Shoobbe nena ne aylletasinne ne naa Dawites nees dandayettiza mala nuus imma› giite» gides.