ናሂሚያ ማጻፋ 13:15 - Geeshsha Maxaafa

¹⁵ He wode Yuhuda dere asay Sambata gallas woyne ayfeppe woyne gum7ishin beyadis; qasse kath, woyne ushshu, woyne ayfe, balase ayfenne hara miishshatakka haren caanidi Yerusalaame ehishin beyada nam7anththo Sambata gallas aykkoka zal7ontta mala gaada minththa yootadis.

ጋሞ ማጻፋ

¹⁵ ሄ ዎዴ ዩሁዳ ዴሬ ኣሳይ ሳምባታ ጋላስ ዎይኔ ኣይፌፔ ዎይኔ ጉምኢሺን ቤያዲስ፤ ቃሴ ካ፥ ዎይኔ ኡሹ፥ ዎይኔ ኣይፌ፥ ባላሴ ኣይፌኔ ሃራ ሚሻታካ ሃሬን ጫኒዲ ዬሩሳላሜ ኤሂሺን ቤያዳ ናምኣን ሳምባታ ጋላስ ኣይኮካ ዛልኦንታ ማላ ጋዳ ሚን ዮታዲስ።

ናሂሚያ ማጻፋ 13:15 ပူးပေါင်းရင်းမြစ်များ

2ታሪኬ ማጻፋ 24:19

Asay baakko simmana mala GODAY nabeta isttako kiittides; nabetikka istta bolla markkattida; gido attiin istti gizayssa siyontta ixxida.

ናሂሚያ ማጻፋ 10:31

«Ayzaabeti ba dereppe Sambata gallas woykko hara ba7aaletan kath woykko ay miishshika zal7es ekki yiikko isttafe shammoko. Laappunththo layththan layththan nu gade shempisanaas goyokko; nu tal7e immida acozakka zaari ekkoko.

ናሂሚያ ማጻፋ 10:32

«Layththan layththan Xoossa Keeththa oosos maaddiza bira heedzdzaafe issi kushe nu ehi immana.

ናሂሚያ ማጻፋ 13:16

Yerusalaamen diza Xiroose dere asati Molenne hara hara zal7e miishshata ehidi Sambata gallas Yerusalaamen diza Yuhuda dere asaas bayzeettes;

ናሂሚያ ማጻፋ 13:21

Tanikka isttas, «Intte maalado wonttara gelanaas qoppidi gimbaafe kare baggara aqizayssi inttena maaddenna; qasse intte hessa mala ooso nam7anththo ooththizaa gidikko ta intte bolla ta wolqqa bessana» gaada minththa yootadis; hessafe doommidi Sambata gallas yuus aggida.

ናሂሚያ ማጻፋ 9:29

Ne qaalaakko simmana mala neni istta seeradasa; gido attiin ba otoroteththafe dendidayssan ne azazota kadhida; istti azazettidaakko isttas de7o immiza ne wogata bolla nagara ooththida. Istta wozinay muumida gishshas ba sinth haraso zaarida; qasse ba wozina muumisidi ne azazota ixxida.

ኢዮቤ ማጻፋ 39:12

Izi neekko simmi yaana mala, ne kath bukkiza baley dizaso miiyanayssa ammanettay?

ዬ ማጻፋ 50:7

«Ta asazoo ne siya! Tani nees yootays; Isra7eele asawu! Tani ne bolla markkattays. Tani Xoossay ne Xoossa.

ኬሳ ማጻፋ 31:12

Hessafe guye GODAY Muse,

ኬሳ ማጻፋ 31:16

Isra7eele asay he Sambata gallassaa naa naas mernaas malata histtidi naago.

ኬሳ ማጻፋ 34:21

«Usuppun gallas ooththite shin laappunththa gallas shempite; goshsha wode gidiin woykko maxa wodenkka laappunththa gallassan shempite.

ኬሳ ማጻፋ 35:2

Saamintta giddon usuppun gallas xalala ooso ooththite; gido attiin laappunththa gallassay inttes dumma gallassa; GODAASKA shempo Sambata. He gallas ay oosokka ooththiza asi oonikka hayqqanaas bessees.

ሌሚሶ ማጻፋ 28:4

Woga bonchchontta asi mooranchchata sabbees; gido attiin wogaa bonchchizay istta qofa palqqees.

ኢሳያሳ ቲንቢቴ 58:13

Qasseka, «Ne tohoti sambata shaarontta mala ne shempisikko dummatida ta gallassaan ne wozina qofa ooththontta aggiko, sambata gallassaa ufays, GODAAS dummatida gallassa neni bonchcho gallas ga xeygikko, ne shene mala ne ooththizayssafenne hada yo7oppe ne naagettiko,

ኤርማሳ ቲንቢቴ 17:24

Gido attiin intte tani GODAY yootizayssa naagetti azazettiko, Sambata gallassan ay miishshika tookkidi hanno ha katamay pengetara gelontta aggiko, Sambata gallas dummasidi izan ay oosonne ooththontta bonchchiko,

ኤርማሳ ቲንቢቴ 17:27

Gido attiin intte Sambata gallassata dummasontta ixxidi sambata gallas tooho tookkidi Yerusalaame pengetara gelidi ta azazo menththiko tani Yerusalaame pengeta bolla izi miixata miza to7ontta tama ta eeththana» gides.

ኤርማሳ ቲንቢቴ 42:19

«Yuhudan casha attidaytoo! GODAY inttena, ‹Gibxe boopite!› gides. Tanikka hach inttes minththa yootidayssa erite.

ሂዚቄላ ቲንቢቴ 20:13

«Gido attiin Isra7eele asay bazzo biittan ta bolla makkallida. Asi naagidaakko shemppora paxa woththiza ta wogaa naagibeettenna; ta maaraa menththida; ta Sambataakka mulera tunisida. Histtiin tani ta hanqo istta bolla gussada bazzo biittan istta dhayssanaas qachchadis.

ኣሞጼ ቲንቢቴ 8:5

Intte, «Nuni nu kaththa bayzana mala agina xeeron bonchchiza ba7aaley ayde aadhdhaneeshaa! Nuni kath giya gelththanaas sambataykka nuus ayde aadhdhaneeshaa! He ba7aaley aadhdhiko nuni maka miishsha guuththidi al7o waagan bayzana; qasseka wordo meezaanen asaa baleththana.

ሚኪያሳ ቲንቢቴ 6:3

Ta derezoo! Ta nena wosttadinaa? Ta nees aazan tooho gidadinaa? Ane taas zaaro imma.

ሃዋሬታ ኦሶ 2:40

Hara daro qaalara isttas markkattishe, «Hayssa geella yeletaappe inttena ashshite» giidi istta qofsides.

ሃዋሬታ ኦሶ 20:21

Ayhuda asata gidiinkka Girike asaa gidiinkka maaroteththan gelidi Xoossaako simmana malanne Godaa Yesusan ammanana mala lo7eththa yootadis.

ጋላቲያ ኣሳስ 5:3

Qaxxarettana koyzayti wuri wogaa ubbaa polanayssi dosa gidonttayssa ta inttes issaas issaas qonccen yootays.

ኤፌሶኔ ኣሳስ 4:17

Ayzaabeta mala coo mela qofan mela simerettanaas inttes bessenna gaada ta inttena zorays.

ዛሬ ማጻፋ 8:19

GODAA intte Xoossaa intte dogidi eeqa xoossatas goynniko, isttas haggazanaas intte sinth intte isttako zaarikko, addaka intte dhayanayssa hach ta inttena haara erisays.

1ታሶሎንቄ ኣሳስ 4:6

Hessa malan oonikka balettidi ba ishaa baleththofo; gaasoykka hayssafe kase nu inttes yootida malanne naagettanaas akeekissida mala Goday heytantta mala nagara ooththiza ubbata bolla ba hanqo ehana.