ናሂሚያ ማጻፋ 1:8 - Geeshsha Maxaafa

^8-9 «Ne Muses, ‹Intteno Isra7eele asawu! Intte tana ammanon kaallontta aggiko tani inttena kawoteththata giddon laallana; gido attiin intte taakko simmidi ta azazo polizaa gidikko ta inttena biitta gaxan intte laalettidaa gidikkoka ta sunththay xeygettana mala ta dooridaso shiishshada zaara ta ehana› gaada yootida qaala qoppa.

ጋሞ ማጻፋ

^8-9 «ኔ ሙሴስ፥ ‹ኢንቴኖ ኢስራኤሌ ኣሳዉ! ኢንቴ ታና ኣማኖን ካሎንታ ኣጊኮ ታኒ ኢንቴና ካዎቴታ ጊዶን ላላና፤ ጊዶ ኣቲን ኢንቴ ታኮ ሲሚዲ ታ ኣዛዞ ፖሊዛ ጊዲኮ ታ ኢንቴና ቢታ ጋጻን ኢንቴ ላሌቲዳ ጊዲኮካ ታ ሱንይ ጼይጌታና ማላ ታ ዶሪዳሶ ሺሻዳ ዛራ ታ ኤሃና› ጋዳ ዮቲዳ ቃላ ቆፓ።

ናሂሚያ ማጻፋ 1:8 ပူးပေါင်းရင်းမြစ်များ

ዬ ማጻፋ 119:49

Neni taas ne ayllezas immida qaala qoppa; hessa gishshas tani he qaalan hidota ooththays.

ሂዚቄላ ቲንቢቴ 22:15

Tani nena kawoteththata giddon laallana; dere ubbaa giddonkka laallana; ne tunateththaaka tani ne bollafe geeshshana.

ሂዚቄላ ቲንቢቴ 5:10

Hessafe dendidayssan ne giddon aawati bantta nayta, nayti bantta aawata maana; ta ne bolla pirda ehana; neeppe attidayta tani carkon laallana.

ሂዚቄላ ቲንቢቴ 6:8

« ‹Tani inttefe mashshafe kessi ekki attida guuththata ashshana; hessafe guye kawoteththata giddoninne dereta giddon inttena ta laallana.

ሉቃሳ ሚሺራቾ 1:72

Hayssa izi ooththiday nu aawatas ba maaroteth bessanaassa, ba geeshsha caaqoza yuushshi qoppanaassa.

ዛሬ ማጻፋ 28:64

GODAY nena kumeththa alamen diza asaa giddon biittas gaxappe gaxa gakkanaas laallana; heen neninne ne aawati kase goynni erontta miththafenne shuchchafe oosettida eeqa xoossatas intte goynnana.