ማርቆሳ ሚሺራቾ 2:20 - Geeshsha Maxaafa

²⁰ Mishiray isttafe ekettana wodey yaana. He wode istti xoomana.

ጋሞ ማጻፋ

²⁰ ሚሺራይ ኢስታፌ ኤኬታና ዎዴይ ያና። ሄ ዎዴ ኢስቲ ጾማና።

Gamo Geesha Maxxafa New Testamen

²⁰ Mishiray isstappe ekistana wodey yana he wode issti xommana.

ማርቆሳ ሚሺራቾ 2:20 ပူးပေါင်းရင်းမြစ်များ

ዬ ማጻፋ 45:11

Ne medha lo7oy kawo wozina ekkides; izi nees goda gidida gishshas ne iza bonchcha.

Siiqo Saba 3:11

«Intteno Xiyoone geela7otoo! Izi keehi ufayettida iza bullachcha gallas iza aaya iza hu7en woththida kallachcha goxxi uttidayssa be7anaas Kawo Solomoonekko haa yiite» gadus.

ኢሳያሳ ቲንቢቴ 54:5

Nena medhdhidayssi nees azina; iza sunththayka Ubbaafe Wolqqama GODAA. Nena wozziday Isra7eele Geeshsha; izi biitta ubbaa Xoossa geetettees.

ኢሳያሳ ቲንቢቴ 62:5

Panththi geela7o ekkiza mala, ne nayti nena ekkana; mishirazi mishirayn ufayettiza mala, ne Xoossi nenan ufayettana.

ዛካራሳ ቲንቢቴ 13:7

«Ubbaafe Wolqqama GODAY, ‹Mashsha! Ta heenththanchcha ta daro dosizayssa bolla beegga! Heemmizayssa shoca; dorsatikka laalettana; tanikka ta qese guuththata bolla denththana› » gees.

Maatosa 26:31

Yesusi isttas, «Intte wuri hach omarsi tanan dhuphettidi tana yeggi baana; ‹Heemmizayssa ta shocana; meheti laalettana› geetettidi kase xaafettides.

Maatosa 9:15

Yesusi isttas, «Mishiraa laggeti mishirazi isttara dishin muuzottana bessizee? Mishiray isttafe ekettana wodey yaana; istti he wode xoomana.

ማርቆሳ ሚሺራቾ 2:19

Yesusikka isttas, «Mishiray isttara dishin mishira laggeti xoomi erizoo? Mishiray isttara dishin xoomi erettenna.

ማርቆሳ ሚሺራቾ 2:21

«Gal7a may7o bolla ooraththa woso woththi sikkizaadey oonikka deenna; hessaththo ooththiko ooraththazi gal7aa daakki daakki yeggees; daakeththayka kaseppe gede aadhdhi iitees.

ሉቃሳ ሚሺራቾ 17:22

Bana kaallizaytaska, «Asa Naa gallassatappe issi gallassayo beyanaas intte amottana wodey yaana; gido attiin intte beyekketa.

ሉቃሳ ሚሺራቾ 5:35

Gido attiin mishiray isttafe shaakettana wodey yaana; istti he wode xoomana» gides.

ዮሃኒሳ ሚሺራቾ 12:8

Manqoti ay wodekka inttenara deettes. Gido attiin intte tana ubba wode demmeketa» gides.

ዮሃኒሳ ሚሺራቾ 13:33

Ta naytoo! Ta inttenara daro wode gam7ike; intte tana koyana; ta kase Ayhudata halaqataska, ‹Ta bizaso intte yaana dandayekketa› gaada yootida mala ha7ikka intteska hessaththo yootays.

ዮሃኒሳ ሚሺራቾ 16:28

Tani Aawaa achchafe kezada hayssa ha alame yadissinne qasseka ha alameza aggada Aawaakko simma baana» gides.

ዮሃኒሳ ሚሺራቾ 16:7

Ta qasse inttes tumu gays; ta buussi inttes go7a gidana; gaasoykka ta bontta aggiko minththeththiza Ayanay intteko yeenna; ta bidaappe guye iza intteko yeddana.

ዮሃኒሳ ሚሺራቾ 17:11

Hayssafe guye tani hayssa alame bolla diikke; istti gidikko ha alameza bolla deettes; ha7i ta neekko bays; ta Aawa Geeshshazoo! Hayta ne taas immidayta istti nu mala ba giddon issino gidana mala ne taas immida ne sunththaan istta naaga.

ዮሃኒሳ ሚሺራቾ 17:13

Ta qasse ha7i neekko bays; ta ha alameza bolla dashe hayssa yootizay ta ufayssi isttan polettana mala gaada yootays.

ዮሃኒሳ ሚሺራቾ 3:29

Sarge wode ekkana mishiray dizaadey izikka mishira; mishira laggey gidikko mishiraza achchan eqqidi mishirazi gizaaz siyees; mishiraza qaala siyidi ufayettees; hessa gishshas ta ufayssi ha7i polettides.

ሃዋሬታ ኦሶ 1:9

Hessa gi yootidaappe guye istti xeellishin pude salo dendides; shaaraykka istta ayfeppe iza genththides.

ሃዋሬታ ኦሶ 14:23

Hessafe guye dumma dumma Woosa Keeththatan cimata dooridaappe guye xoomaninne woosan ammanettida Godaas hadara aaththi immida.

ሃዋሬታ ኦሶ 3:21

Xoossi kase geeshsha nabeta doonan haasaydayssa mala hanizayssa ubbaa ooraxissana wodey gakkanaas izi salon gam7anaas koshshees.

1ቆሮንቶሴ ኣሳስ 7:5

Nam7ay dosan woosas giidi zoren gido giidi qachchida gallassatappe attiin hara gallas issoy issaas akkay gooppetto; hessa gaason inttes inttena haaroy xooniin Xala7ey inttena paaccontta mala nam7ay issife aqite.

2ቆሮንቶሴ ኣሳስ 11:2

Issi gelontta geeshsha geela7oya ba geela7oteththan issi azinas giigiza mala tanikka inttena Kirstoosas giigsida gishshas ta intte gishshas lo7o qofa qoppays.

2ቆሮንቶሴ ኣሳስ 11:27

Daro ooththa daaburadis; daro wode dhiskabeekke; gafaninne haaththa saamon waayettadis; daro wode miza kaththi taas dhaydes; meegoynne kalloteththi tana gakkides.

2ቆሮንቶሴ ኣሳስ 6:5

Nuni Xoossas ooththizayta gididayssa bessizay garafeteththan, qasheteththan, hirgan, daaburi ooson, dhisko dhayoninne gafanna.

ዮሃኒሳ ኣጁታ 19:7

Dorsaza sarge gallassi gakkida gishshassinne iza mishiraya giigetta uttida gishshas haa yiite; ane ufayettoos! Ane ufayssan iza bonchchoos.

ዮሃኒሳ ኣጁታ 21:9

Wurseththan laappun boshati isttan kumida laappun xuu7ata oykkida laappun kiitanchchatappe issoy taakko yiidi tana, «Haa ya! Ta nena Dorsaza machcheyo mishirayo bessana» gides.