ሚኪያሳ ቲንቢቴ 6:8 - Geeshsha Maxaafa

⁸ Asa nawu! Izi nena lo7o miish bessides Xoossi neeppe koyzay aazee? Lo7o ooththana mala maaroteth ne dosana malanne Xoossa sinththan neni ashketeththara baana mala gidennee?

ጋሞ ማጻፋ

⁸ ኣሳ ናዉ! ኢዚ ኔና ሎኦ ሚሽ ቤሲዴስ ጾሲ ኔፔ ኮይዛይ ኣዜ? ሎኦ ኦና ማላ ማሮቴ ኔ ዶሳና ማላኔ ጾሳ ሲንን ኔኒ ኣሽኬቴራ ባና ማላ ጊዴኔ?

ሚኪያሳ ቲንቢቴ 6:8 ပူးပေါင်းရင်းမြစ်များ

ሜቴ ማጻፋ 18:19

Xilloteththinne suure ooso ooththidi GODAA oge naagana mala ba naytanne baappe guye ba soo asaa izi zorana mala tani iza dooradis; hessika GODAY Abrahaames immana gidayssa ubbaa polanaassa» gides.

ሜቴ ማጻፋ 5:22

Maatusaala yelidaappe guye Heenookey 300 layth Xoossa ufayssishe de7ides; hara attuma naytanne macca nayta yelides.

2ታሪኬ ማጻፋ 30:11

Gidikkoka Aaseere asatappe, Minaase asatappenne Zaabiloone asatappe guuththati banttana kawushshidi Yerusalaame yida.

2ታሪኬ ማጻፋ 32:26

Gidikkoka Hizqiyaasinne Yerusalaamen diza asay ba wozina otoreteththaa aggidi bana kawushshida; hessafe guye GODAA hanqoy Hizqiyaasa kawoteththa wode ubbaan istta bolla wodhdhibeenna.

2ታሪኬ ማጻፋ 33:19

Qasse iza woosaynne Xoossay izas woosettidayssi, izi ooththida nagaraynne naaqoy ubbay Minaasey bana kawushshanaappe kase ooththida zumbullata bolla goynnizasoti, izi essida Asheeri misletinne eeqa xoossati ubbay nabeta Taarike Maxaafan xaafetti uttida.

2ታሪኬ ማጻፋ 33:23

Gido attiin iza aawa Minaasey banateththaa kawushshida mala izi banateththaa GODAA sinththan kawushshibeenna; Amooney mooro bolla mooro gede gujji gujji bides.

2ታሪኬ ማጻፋ 34:27

ha sohoza bollanne ha sohon diza asaa bolla Xoossay haasaydayssa neni siyida wode ne wozinay meqqiin ta sinththan nenateththaa ne kawushshida gishshas, nena ne ziqqi histtida gishshassinne ne may7o daakkada ta sinththan ne yeekkida gishshas tani ne waaso siyadis.

ናሂሚያ ማጻፋ 9:13

«Saloppe duge Siina zuma bolla wodhdhada ne dereza haasayssadasa; lo7o wogatanne suure timirteta ne isttas immadasa.

ዬ ማጻፋ 101:1

Tani ne siiqo gishshassinne tuma pirda gishshas yexxana; abeet GODAWU! Tani nees galata mazamure yexxana.

ዬ ማጻፋ 112:4

Kiya, qadhettizanne xillo ooththiza suure asas dhuma giddon poo7oy poo7ees.

ዬ ማጻፋ 112:9

Izi hiyeesatas kiyateththan immees; qasse iza xilloteththay mernaas dees; iza kacey bonchchon dhoqqu dhoqqu gaana.

ዬ ማጻፋ 37:26

Izi ubba wodekka kiyateth immees; dichchi baynda tal7ees; iza zaretikka anjjos gidana.

ዬ ማጻፋ 73:28

Gido attiin taas Xoossako shiiqoy lo7o; ne ooso ubbaa yootana mala. Tani Ubbaa Haariza GODAA ta baqata attizaso ooththadis.

ሌሚሶ ማጻፋ 21:3

Yarshofe bollara xillonne suure pirda GODAY dosees.

ኤራንቻታ ማጻፋ 12:13

Hekko ubbaa miishshi yootettides; yo7o ubbaas kuushshi hayssa; Xoossas yayya; iza azazo naaga; hessika asa naas imettida kumeththa ooso.

ኢሳያሳ ቲንቢቴ 56:1

GODAY, «Tumu pirda naagite; lo7o ooththite; gaasoykka ta atoteththay matan dees; ta xilloteththayka eeson qonccana.

ኢሳያሳ ቲንቢቴ 57:15

Dhoqqu gidayssi, Ubbaa haarizayssi, izas sunththayka Geesh geetettidayssi, mernaas de7izayssi, «kawuyidayta ayana denththeththanaas, wozinay meqqidayta minththeththanaas, dhoqqu gida geeshshasohon ta de7ays; qasseka wozinay meqqidaytaranne ayanan ashke gididaytara tani de7ana.

ኢሳያሳ ቲንቢቴ 66:2

Hayta ubbaa ta kushey ooththibeennee? Hayti beettana mala ooththiday tana gidikkinaa? Tani ashke; wozinay meqqidaadenne ta qaalaska kokkorizaadeko ta xeellays.

ኤርማሳ ቲንቢቴ 22:16

Izi manqotassinne metotanchchatas pirda geellasibeenna; hessa gishshas ubbaa miishshika izas eeno gides; taas ero guussi hessa gidennee?

ኤርማሳ ቲንቢቴ 22:3

GODAY, «Suure pirdanne xillo ooththite; bonqqettidayta un7eththizayta kusheppe ashshite; beteta, yi7otanne am7eta qohopite; ha sohonkka xillo suuth gussofte.

ኤርማሳ ቲንቢቴ 9:23

GODAY, «Aadho eranchchay ba aadho erateththan ceeqettofo; wolqqamay ba wolqqan ceeqettofo; woykko durey ba dureteththan ceeqettofo.

ኤርማሳ ዚላስ 3:26

GODAY as ashshiza ashoza izaadey co7u gi naagikko lo7o.

ሂዚቄላ ቲንቢቴ 16:63

Tani ne ooththida mooro ubbaa atto gida wode ne qohoy ne wozinan karppi gi geliza wode ne yeellatana; ne kawushshateththafe dendidayssan ne doona mulekka doyakka» gides.

ሂዚቄላ ቲንቢቴ 33:14

Qasse iita as ne tumappe hayqqana giikko, izi ba nagarappe simmidi suurenne likke gidida miish ooththiko,

ዳኔላ ቲንቢቴ 4:37

«Hekko be7ite! Tani Nabukadanaxoorey salo kawos galata, bonchchonne saba shiishshays; iza ooso ubbay likke; iza ogeykka suure; otoranchchata izi kawushshanaas dandayees» gides.

ሆሴኤ ቲንቢቴ 12:6

Hessa gishshas ne Xoossako simma; siiqonne tumu pirda lo7eththa oykka; ubba wode ne Xoossan ammanetta.

ሆሴኤ ቲንቢቴ 6:6

Tani yarshofe aaththada maaroteth dosays. Xuugettiza yarshofe aaththada Xoos ero dosays.

ሌዌታ ማጻፋ 26:41

tani inttes morkke gidada inttena gede intte morkketa biitta yeddana mala tana oosisida intte nagaraa intte paaxikko muumida intte wozinaa intte kawushshidi intte nagaraappe intte simmiko,

ኣሞጼ ቲንቢቴ 5:24

Gido attiin tumu pirday goggiza haaththa mala; xilloteththika miccontta pultto mala goggo.

ሚኪያሳ ቲንቢቴ 6:9

Xoossas baboy aadhdhida erateththa; Siyite! Xoossi katamayo hizgi xeygees, «Iza hanqo guufeza qopite; hessaka giigsiday oonakko wozinan woththite.»

ሶፎናሳ ቲንቢቴ 2:3

Intteno biitta bolla diza ashketoo; iza azazokka polizaytoo! GODAA koyite; Xilloteththinne ashketeth koyite; GODAA hanqo gallassafe intte attanaakko oonee erizay!

ዛካራሳ ቲንቢቴ 7:9

«Ubbaafe Wolqqama GODAY, ‹Tumu pirda pirdite; intte garsan issoy issaara maarettitenne issoy issaas qadhettite.

Maatosa 5:3

«Ayanan bana kawushshizayti anjjettidayta; ays giikko Salo Kawoteththi isttassa.

Maatosa 5:7

Asas lo7o ooththizayti anjjettidayta; ays giikko isttaskka lo7oy oosettana.

ሉቃሳ ሚሺራቾ 10:42

Koshshizay gidikko issi miish xalla; Maaramakka lo7o exa dooradus; hessika izippe ekettenna» gides.

ሉቃሳ ሚሺራቾ 11:42

«Intteno Farsaawetoo! Inttes aayye ana! Aanugappenne xalotappe qasseka dumma dumma kaththafe tammaafe issino kesseeta; gido attiin tumu pirdanne Xoos dosanayssa aggi aadhdheeta; gidikkoka intte aggi aadhdhanaas bessenna; hankkoyssa aggontta intte ooththana bessizaytikka hayta.

ሉቃሳ ሚሺራቾ 12:14

Yesusikka, «Haysso! Tana intte bolla pirdiza daanna ooththiday oonee?» gides.

ሉቃሳ ሚሺራቾ 6:36

Intte aaway kiya gidida mala intteka kiyata gidite.

ኦሮሜ ኣሳስ 7:16

Ta ooththana koyontta miish ooththizaa gidikko wogay lo7o gididayssa ta markkattays.

ኦሮሜ ኣሳስ 9:20

Gido attiin Xoossas zaaro imos ne oonee? «Oosettida miish zaaridi ooththidayssa ne tana aazas hayssaththo ooththadii?» gi erizee?

1ቆሮንቶሴ ኣሳስ 7:16

Hanne neni ne azinaa ashshanaakko ay eray? Woykko haysso neni ne machcho ashshanaakko ay eray?

ኤፌሶኔ ኣሳስ 4:32

Inttena Xoossi Kirstoosa baggara atto gida mala intteka intte garsan atto atto geetettite; issoy issaara kiyatanne issoy issaas qadhettizayta gidite.

ዛሬ ማጻፋ 27:10

Hessa gishshas tani nees hach immiza azazotanne wogata ne wursa naagada GODAA ne Xoossaa qaalas azazetta» gides.

ዛሬ ማጻፋ 30:15

Neni doorana mala tani hach nees de7onne lo7eteth, woykko hayqonne bash ne sinththan woththadis.

ቆላሲያሴ ኣሳስ 3:12

Hessa gishshas dumma gididi dosettidaytoo! Intte Xoossas doorettidayta gidida mala misheteththinne kiyateth, ashketeth, bonchchonne dandaya may7ite.

2ታሶሎንቄ ኣሳስ 2:16

Izi nu Godaa Yesus Kirstoosi qasse nuna siiqidaynne ba kiyateththan mernaa minththeththonne lo7o hidota izi nuus immida nu Aawaa Xoossay,

ያቆቤ ኪታ 2:20

Nenoo eeyazoo! Oosoy baynda ammanos go7ay bayndayssa eranaas markka koyay?

ኢያሶ ማጻፋ 24:14

«Hessa gishshas ha7ikka GODAAS yayyite; kumeththa wozinappe ammaneteththan izas haarettite; kase intte aawati Efiraaxise shaafappe he pinththaninne Gibxe biittan goynnida eeqa xoossata inttefe haassite; GODAAS xalla goynnite.

1ጴጽሮሳ ኪታ 3:8

Hessafe asa baggara qasse intte issoy issaara siiqon diite; hara asa bolla gakkiza meto intte meto mala xeellite; intte intte garsan ishantta mala siiqettite; ashketanne kiyata gidite.

1ሳሜላ ማጻፋ 12:23

Hessafekka bollara ta inttes woossontta aggada ta GODAA qohanayssi taappe haakko. Tani lo7onne suure oge inttena tamaarsana.

1ሳሜላ ማጻፋ 15:22

Sameeli, «GODAA qaalas azazettiin iza ufayssizayssa mala GODAY xuugettiza kaththa yarshoninne hara yarshon ufayetti erizee? Hekko azazeteththi yarshofe, ezgi sissi dharsho handafe aadhdhees.