ሚኪያሳ ቲንቢቴ 6:5 - Geeshsha Maxaafa

⁵ Ta derezoo! Mo7aabe kawoy Balaaqey iza zoriin Bi7oore naa Balaamey izas zaaroyssa ane yuushshi qopite; Xoossa xilloteththa ooso intte shaakki erana mala, Shiiximeppe Gelgela gakkanaas intte hemettoyssa ane qopite» gides.

ጋሞ ማጻፋ

⁵ ታ ዴሬዞ! ሞኣቤ ካዎይ ባላቄይ ኢዛ ዞሪን ቢኦሬ ና ባላሜይ ኢዛስ ዛሮይሳ ኣኔ ዩሺ ቆፒቴ፤ ጾሳ ጺሎቴ ኦሶ ኢንቴ ሻኪ ኤራና ማላ፥ ሺጺሜፔ ጌልጌላ ጋካናስ ኢንቴ ሄሜቶይሳ ኣኔ ቆፒቴ» ጊዴስ።

ሚኪያሳ ቲንቢቴ 6:5 ပူးပေါင်းရင်းမြစ်များ

ዬ ማጻፋ 111:4

Izi ba malalisiza oosota hassa7ettana mala ooththides. Izi kiyanne maariza GODAA.

ዬ ማጻፋ 143:11

Abeet GODAWU! Ne sunththa gishshas tana ashsha; ne xilloteththan tana metoppe kessa.

ዬ ማጻፋ 36:10

Nena erizaytas ne mernaa siiqoza aggofa; suuretas ne kiyateth diggofa.

ዬ ማጻፋ 71:19

Abeet Xoossawu! Ne xilloteththay salo gakkides; Abeet Xoossawu! Neni gita miish ooththadasa; nena misatizay oonikka deenna.

ኢሳያሳ ቲንቢቴ 1:27

Xiyoona suure pirdan, maaroteththan simmizayti xilloteththan wozzettana.

ታይቦ ማጻፋ 22:41

Wonteththa gallas maalado Balaaqey Balaame Isra7eele asaappe baggay beettizaso pude Bamooti Ba7aale geetettiza zumaa bolla kessides.

ታይቦ ማጻፋ 23:27

Balaaqeyka, «Haa ya ane hayssafe haraso boos; oonee erizay neni heen daada hayssa dereza taas qanggana mala Xoossi nees ero gontta aggenna» gides.

ታይቦ ማጻፋ 25:1

Isra7eele asay Shiixime shoobban diza wode addeti heen diza Mo7aabe dere maccassatara laymatida;

ታይቦ ማጻፋ 25:2

He Mo7aabe maccassati eeqa xoossatas yarshiza yarsho kaththaafe maana mala Isra7eele asaa xeygiin isttika he kaththaafe miidi eeqa xoossas goynnida.

ታይቦ ማጻፋ 31:16

Nuni kase Pe7ooren dishin hayti Balaame zore ekkidi Isra7eele asay ba GODAAPPE haakkana malanne boshan wurana mala ooththiday istta gidettennee!

ታይቦ ማጻፋ 31:8

Hayqqidayta giddon Midiyaame kawo ichchashati Eeway, Ereqeemey, Xuurey, Uureynne Ereba7ey deettes; Bi7oore naa Balaamekka mashshan wodhida.

ታይቦ ማጻፋ 33:49

Heen Yordaanoose matan Mo7aabe demban Beeti-Yashimooteppe biidi Aabeeli-Shuutime gakkanaas dunkaani uttides.

ኤፌሶኔ ኣሳስ 2:11

Hessa gishshas intte kase intte yeleteththan Ayzaabeti intte asateththa bolla asa kushe ooso gaason, «Nuni qaxxarettidos» giza asati inttena, «Qaxxarettonttayta» gizaytoo! Intte hessa ane wozinan woththite.

ዛሬ ማጻፋ 16:3

He yarsho kaththaa intte miza wode irshoy izan gelida kath moopite; hessaththoka kase intte eeson Gibxeppe keziza wode ooththoyssa mala laappun gallas gakkanaas irshoy izan gelontta waaye uketh miite; hessika intte daro meto be7idi Gibxe biittafe kezida gallassaa inttena qofsana.

ዛሬ ማጻፋ 23:6

He dere asati duretidi saron daana mala istta maaddofte.

ዛሬ ማጻፋ 8:18

Intte durettana mala inttes wolqqanne minoteth immiday GODAA intte Xoossaa gididayssa yuushshi qopite; izi hessaththo ooththiday kase intte aawatas gelida caaqo qaala minththanaassa.

ዛሬ ማጻፋ 8:2

GODAA intte Xoossay inttes immida azazota intte naagizaakkonne naagonttaakko intte wozinan diza qofa eranaas, inttena paaccanaassinne inttena ashkesanaas oyddu tammu layth kumeth meto giddora aaththidi izi inttena wostti wostti kaaleththidaakko ane yuushshi qopite.

ዛሬ ማጻፋ 9:7

GODAA intte Xoossaa bazzon intte wostti hanqeththidaakko balopite; intte Gibxeppe kezida gallassafe doommidi hanno gakkanaas intte GODAA intte Xoossaa bolla makkallideta.

ኢያሶ ማጻፋ 2:1

Nawe naa Iyaasoy biittaa wochchiza nam7u asata Shiixime geetettizasoppe qotan kiittides; kiittishe isttas, «Biite; biidi biitta wochchite; harappeka Iyarkko katamaa dummasi wochchite» gides. Histtiin istti biidi Era7aabo geetettiza layma maccassay soo gelidi aqida.

ኢያሶ ማጻፋ 3:1

Iyaasoynne Isra7eele asay maalado wonttara dendida; istti Shiixime geetettizasoppe dendidi Yordaanoose shaafaakko biidi pinnontta heen takkida.

ኢያሶ ማጻፋ 4:19

Asay koyro aginan tammanththa gallassan Yordaanoose shaafaa pinnidi Iyarkkon arshey mokkizaso baggara zawatiza Gelgelan dunkaanides.

2ጴጽሮሳ ኪታ 2:15

Istti suure ogeza aggidi dhayda; iita ooso ooththidi demmiza miish siiqida Bi7oore naa Bala7aame oge biidi balettida.

1ዮሃኒሳ ኪታ 1:9

Nuni nu nagaraa paaxikko izi nu nagaraa atto gaanaassinne nu qohoppe nuna wursi geeshshanaas izi ammanettidaadenne xillo.

ዩሁዳ ኪታ 1:11

Istti Qayeele ogen bida gishshas miishshas giidi Bala7aame mala balan kundida; qasse Qoorey eqettida mala isttika eqettidi dhayda gishshas isttas aayye ana!

ዮሃኒሳ ኣጁታ 2:14

Gidikkoka ta nena kadhiza issi miishshi ne bolla dees; hessika Bala7aame timirte oykkida issi issi asati intte giddon deettes; hessi Bala7aamey Isra7eele asay eeqas yarshettida kath miidinne layma laymatidi dhuphettana mala Baalaaqe zoridaade.

ዳናታ ማጻፋ 11:25

Histtiin baas neni Xipoora naa Mo7aabe kawo Balaaqeppe minnay? Izi Isra7eele asaara ooyettidee? Woykko olettidee?

ዳናታ ማጻፋ 5:11

Haaththa pulttota heeran yexettiza yeththaa siyite; istta GODAY xoonidayssa akeekissees; qasse Isra7eele asay xoonidayssa nashshees. «GODAA asaykka katama geliza pengetakko duge wodhdhides.

1ሳሜላ ማጻፋ 12:7

Ha7ikka inttessinne intte aawatas ooththida xillo ooso ubbaa gishshas GODAA sinththan ta inttena mootiza gishshas hayssan eqqite.