ሚኪያሳ ቲንቢቴ 4:2 - Geeshsha Maxaafa

² Daro kawoteththati izakko yiidi, «Xoossa zumaakko haa yiite; Yaaqoobe Godaakko ane boos; nu iza ogera baana mala nuna izi ba oge tamaarsana» gida; wogay Xiyooneppe, Xoossa qaalay qasse Yerusalaameppe yaana.

ጋሞ ማጻፋ

² ዳሮ ካዎቴቲ ኢዛኮ ዪዲ፥ «ጾሳ ዙማኮ ሃ ዪቴ፤ ያቆቤ ጎዳኮ ኣኔ ቦስ፤ ኑ ኢዛ ኦጌራ ባና ማላ ኑና ኢዚ ባ ኦጌ ታማርሳና» ጊዳ፤ ዎጋይ ጺዮኔፔ፥ ጾሳ ቃላይ ቃሴ ዬሩሳላሜፔ ያና።

ሚኪያሳ ቲንቢቴ 4:2 ပူးပေါင်းရင်းမြစ်များ

ዬ ማጻፋ 110:2

GODAY nees maata guufe Xiyooneppe kiittana; nenikka morkketa haarana.

ዬ ማጻፋ 119:1

Bantta ogen borey bayndaytinne GODAA wogga mala hemettizayti anjjettidayta.

ዬ ማጻፋ 119:171

Ne awajjata tana tamaarsadasa; hessa gishshas ta metershatappe galatay pulttees.

ዬ ማጻፋ 122:1

Istti tana, «Ane GODAA Keeth boos» giin tani ufayettadis.

ዬ ማጻፋ 25:12

GODAAS yayyiza asi oonee? Ne doorada baana ogeza izi nena tamaarsana.

ኢሳያሳ ቲንቢቴ 2:3

Daro asay yiidi, «Wogay Xiyooneppe, GODAA qaalay Yerusalaameppe keziza gishshas haa yiite! GODAA zumaa, Yaaqoobe Xoossaa Keeth ane pude kezoos. Izi koyzayssaththo nuni baana mala izi nuna ba oge tamaarsana» gaana.

ኢሳያሳ ቲንቢቴ 54:13

Ne attuma nayti ubbay GODAAPPE tamaardayta gidana; ne nayta saroteththika darana.

ኢሳያሳ ቲንቢቴ 56:7

tani ta geeshsha zumaa bolla istta ehana; ta woosa keeththa giddon ta istta ufayssana. Taas yarsho yarshizasoza bollan istti shiishshiza xuugettiza yarshonne hara yarshota ta ekkana; gaasoykka ta keeththay ubbaa asaa woosa keeth geetettana» gees.

ኤርማሳ ቲንቢቴ 31:6

Efreeme zumbullata bolla naagizayti, ‹Haa yiite; GODAA nu Xoossaako pude Xiyoone ane kezoos› gi xeygana wodey yaana» gees.

ኤርማሳ ቲንቢቴ 42:3

Nuni biza ogenne nu ooththana miish izi nuna bessana mala GODAA ne Xoossa woossa» gida.

ሆሴኤ ቲንቢቴ 6:3

Ane nuni GODAA eroos! Nu iza lo7eththi eranaas ane minettoos! Izi wontta poo7o mala nuus qonccana; biitta kalssiza assura ira malanne balgo ira mala izi nuukko yaana» gees.

ዛካራሳ ቲንቢቴ 14:16

Hessafe guye Yerusalaame olana kezida kawoteththatappe hayqqontta attida ubbay Ubbaafe Wolqqama GODAAS goynnanaassinne daase ba7aale bonchchanaas layththan layththan Yerusalaamen shiiqana.

ዛካራሳ ቲንቢቴ 2:11

He gallas daro kawoteththati GODAAKKO shiiqidi iza dere gidana; izikka ne giddon de7ana; Ubbaafe Wolqqama GODAY tana neekko kiittidayssa nekka erana.

ዛካራሳ ቲንቢቴ 9:10

Para-gaareta Efreemeppe ola parata Yerusalaameppe ta ekka dhayssana. Tani ola toorata menththereththana. Saroteth kawoteththatas awajjana. Izi abbaafe abban gakkanaas haarana; Efiraaxise shaafappe sa7a gaxa gakkanaas izi ayssana.

ማርቆሳ ሚሺራቾ 16:20

Iza kaallizayti hessafe kezidi ubbason aadhdhi aadhdhi sabbakida. Godaykka isttara ooththides. Istta timirteza ekkidi ooththizaytas ba yootida qaalakka malaata ooththi ooththi minththides.

ሉቃሳ ሚሺራቾ 24:47

Yerusalaameppe doommidi ubba deres nagarappe simoynne maaroteththi iza sunththan yootettana.

ዮሃኒሳ ሚሺራቾ 6:45

Nabeta maxaafatan asay wuri Xoossafe tamaardaade gidana geetetti xaafettides. Hessa gishshas Aawappe siyidi tamaarda asi wuri taakko yaana.

ዮሃኒሳ ሚሺራቾ 7:17

Tana kiittidayssa shene ooththana koyzaadey diikko hayssi ha timirtey Xoossafe beettidayssa woykko ta taappe haasaydayssa gidikkoka erana.

ሃዋሬታ ኦሶ 1:8

Gido attiin Xillo Ayanay intte bolla wodhdhida wode intte wolqqa ekkana. Yerusalaamenkka, Yuhudankka, Samaariyankka ubbason biitta gaxa gakkanaas intte taas markkatta gidana» gides.

ሃዋሬታ ኦሶ 13:42

Phawuloosinne Barnabaasi Ayhudata Woosa Keeththafe kezishin asay istta hessa istti yootida qaalaa kaalliza Sambata gallas zaari yootana mala woossides.

ኦሮሜ ኣሳስ 15:19

Hessika haniday Xillo Ayana wolqqan malaatata baggara hanides; hessa malankka Yerusalaameppe Ilwaqoore gakkanaas ta Kirstoosa Mishiraachcho qaalaa sabbakadis.

ዛሬ ማጻፋ 6:1

Intte pinni biidi laattanaas biza biittaan intte ooththana malanne tani inttena tamaarsana mala GODAA intte Xoossay tana azazida azazoti, wogatinne maarati hayta.