ሚኪያሳ ቲንቢቴ 4:10 - Geeshsha Maxaafa

¹⁰ Hanne Xiyoone macca nayee! Miixattiza maccassay mala ne metotana; ha7i qasse ne katamappe gede kezada coo demban de7ana bessiza gishshas Baabiloone baana; ne hee baada heen ne morkketa kusheppe attana; GODAY nena heen ne morkketappe ashshana.

ጋሞ ማጻፋ

¹⁰ ሃኔ ጺዮኔ ማጫ ናዬ! ሚጻቲዛ ማጫሳይ ማላ ኔ ሜቶታና፤ ሃኢ ቃሴ ኔ ካታማፔ ጌዴ ኬዛዳ ጮ ዴምባን ዴኣና ቤሲዛ ጊሻስ ባቢሎኔ ባና፤ ኔ ሄ ባዳ ሄን ኔ ሞርኬታ ኩሼፔ ኣታና፤ ጎዳይ ኔና ሄን ኔ ሞርኬታፔ ኣሻና።

ሚኪያሳ ቲንቢቴ 4:10 ပူးပေါင်းရင်းမြစ်များ

2ካዎታ ማጻፋ 20:18

Neeppe yelettida ne naytappe baggati di7ettidi baananne Baabiloone deren istti kawo keeththan gundulata gidi daana» gides.

2ካዎታ ማጻፋ 25:4

Baabiloone olanchchati katamayo giddoththi uttidi issi baggara katamay gimbe menththi gelida; Yuhuda olanchchati ubbayka kawo atakilte achchan diza nam7u gimbeta giddora diza pengezara kanththidi omarsara duge Yordaanoose shoobba gakkanaas baqatida.

2ታሪኬ ማጻፋ 33:11

Hessa gishshas GODAY Asoore kawo ola gadawata istta bolla denththides; histtiin istti Minaase siidhen dafo aaththida; xarqimala sansalatan qachchidi Baabiloone biitta efida.

2ታሪኬ ማጻፋ 36:20

Mashshafe attidayta kawozi di7i ekkidi Baabiloone efides; Paarise kawoteththay minnana gakkanaas istti izassinne iza naytas aylle gidida.

2ታሪኬ ማጻፋ 36:23

Izikka, «Paarise kawo Qiroosi, ‹GODAY salo Xoossay ha sa7aa kawoteththata ubbaa taas immides; qasse Yuhudan de7iza Yerusalaamen tani izas Keeththa keexxana mala tana azazides; Xoossa as gidida ooninne intte giddon diikko hee bo; GODAY iza Xoossi izara gido!› » gi awajjides.

ዬ ማጻፋ 106:10

Izi istta ixxizayta kusheppe ashshides; morkketa kusheppe istta wozzides.

ኢሳያሳ ቲንቢቴ 43:14

GODAY inttena wozziza Isra7eele Geeshshay, «Intte gishshas Baabiloone bolla olanchchata kiittana; istti ceeqettiza markabetan, Baabilooneta ubbaa beettana mala ooththana.

ኢሳያሳ ቲንቢቴ 45:13

Tani Qiroose xilloteththan denththana; iza oge ubbaa giigsana; ta katamayo izi zaari essana; di7ettida ta asaa miish qanxxisontta coo izi mela yeddana› » gees GODAY Ubbaafe Wolqqama Xoossay.

ኢሳያሳ ቲንቢቴ 48:20

Baabiloone biittafe kezite; Baabiloone asaappe baqatite! Hayssa ililisan erisite; awajjite; biitta gaxa gakkanaas yootite; «GODAY ba ashkaraa Yaaqoobe wozzides» giite.

ኤርማሳ ቲንቢቴ 13:4

«Neni shamma danccida danccoza ekkada Efiraaxise Shaafa ba; histtada zaalla za7a giddon qotta» gides.

ኤርማሳ ቲንቢቴ 15:21

Iitata kusheppe tani nena wozzana; menxe iitata qohoppeka ta nena ashshana» gees.

ኤርማሳ ቲንቢቴ 29:20

« ‹Tani Yerusalaameppe Baabiloone di7isa yeddida asatoo! Intte ubbayka GODAA qaala siyite› gees.

ኤርማሳ ቲንቢቴ 4:31

Tani koyro bayra naa yelanaas miixattiza maccassa mala ne waassishin ta siyadis; Yerusalaame macca naya peenoy tucettanaashe gakkanaas waassishininne ba kushe miccada, «Ta waanoo! Hekko tana wodhana geettes!» gishin siyadis.

ኤርማሳ ቲንቢቴ 48:41

Iza katamatinne iza miixati oykettana; He gallas Mo7aabe olanchchata wozinaykka miixa oykettida maccassa wozina mala gidana.

ኤርማሳ ቲንቢቴ 52:27

Kawozikka istta heen Erebilan dippi histti wodhides; Yuhudaykka hessa malan ba biittafe di7etta badus.

ሆሴኤ ቲንቢቴ 1:10

Gidikkoka Isra7eele asay qooday baynda abban shaamintta mala darana. Ha7i Xoossi, «Intte ta dere deekketa» geetettidasohon, «Intte de7o Xoossa nayta» geetetti xeygettana wodey yaana.

ሆሴኤ ቲንቢቴ 13:13

Miixay oykkida maccassa mala iza bolla metoy yaana; izi gidikko aadho erateththi baynda eeya naa; yelettiza wodey gakkiin ba aayey uloppe yelettanaas koyontta naa mala.

ሆሴኤ ቲንቢቴ 2:14

«Hessa gishshas ta izo maqqada bazzo efana; heen ta izira siiqo qaalan haasayssana.

ሚኪያሳ ቲንቢቴ 5:2

Hanne ne qasse Beeteliheeme Efraata, Yuhuda zarkketappe neni guuth gidikkoka izas kessay kase beni wodeppe gidida Isra7eele haarizaadey ne giddofe taas kezana.

ሚኪያሳ ቲንቢቴ 5:3

Hessa gishshas yelizaara miixattada yelana gakkanaas Isra7eeley yegetta attana; hankko attida ishatikka simmidi Isra7eele asara walakettana.

ዮሃኒሳ ኣጁታ 12:14

Maccassayakka baas giigetti dizaso piradhdhada duge bazzo baana mala izis gita golle qefe misatiza nam7u qefeti imettida; iza heen daweza sinththafe haakkada heedzdzu layththinne bagga gakkanaas lo7o bonchchon naagettadus.