ሚኪያሳ ቲንቢቴ 3:8 - Geeshsha Maxaafa

⁸ Ta qasse Yaaqoobes iza qohoza, Isra7eelesikka iza nagara yootanaas wolqqan, Xoossa ayanan, tuma pirdaninne minoteththan kumadis.

ጋሞ ማጻፋ

⁸ ታ ቃሴ ያቆቤስ ኢዛ ቆሆዛ፥ ኢስራኤሌሲካ ኢዛ ናጋራ ዮታናስ ዎልቃን፥ ጾሳ ኣያናን፥ ቱማ ፒርዳኒኔ ሚኖቴን ኩማዲስ።

ሚኪያሳ ቲንቢቴ 3:8 ပူးပေါင်းရင်းမြစ်များ

ኢዮቤ ማጻፋ 32:18

Ta haasayanaas bessizaazi daroy diza gishshas; tanan diza ayanay tana wolqqara haasayssees.

ኢሳያሳ ቲንቢቴ 58:1

GODAY, «Ne qaalaa dhoqqu histta waassa; aykkoka ashshofa. Ne cenggurssa zaye mala sissa. Ta deraas istta makkallateththa, Yaaqoobe keeththa asaasikka istta nagaraa yoota.

ኢሳያሳ ቲንቢቴ 61:1

Ubbaa Haariza GODAA Ayanay ta bolla dees; hiyeesatas mishiraachcho yootana mala, GODAY tana tiydes. Izi tana wozinay meqqidayta koolana mala, di7ettidayta la7a kessana mala, qashettidaytas birsheth awajjana mala kiittides.

ኢሳያሳ ቲንቢቴ 61:2

Dosettida GODAA layth, nu Xoossay halo kessiza gallassa awajjana malanne yeekkizayta ubbaa minththeththana mala tana kiittides.

ኤርማሳ ቲንቢቴ 1:18

«Hach tani nena ha biitta ubbaa bolla, Yuhuda kawota bolla, halaqata bolla, qeeseta bollanne ha biitta asaa bolla ne eqetta dandayana mala gimbettida katama, birata tuussinne xarqimalappe oosettida birata dirsa mala ooththadis.

ኤርማሳ ቲንቢቴ 20:9

Tani, «Hayssafe guye GODAA sunththaa denththike; iza sunththankka haasaykke» giikko iza qaalay ta wozina giddon tama mala, ta meqeththa giddonkka surquntto mala gidides; hessa gishshas ta kamma oykkanaas xoonides; mulerakka eqettanawu dandayabeekke.

ኤርማሳ ቲንቢቴ 6:11

Hessa gishshas GODAA hanqoy tanan kumi uttides; tani ha hanqoza ta ulon oykkana dandaykke. Histtiin GODAY tana, «Ta hanqoza ogen diza guuththa nayta bollanne shiiqida yelaga nayta bolla gussa; machchanne azinay, cimmida asatikka kessi ekki attettenna.

ኤርማሳ ዚላስ 2:14

Ne nabeta ajjuutay wordonne coo hada; ne nagara qonccisidi nena di7eteththafe ashshettenna; istti nees yootiza tinbitey baleththizaazinne ogeppe kare kessizaaza.

ሂዚቄላ ቲንቢቴ 16:2

«Haysso asa nawu! Yerusalaames iza ooththiza harassiza oosota izis qonccera yoota.

ሂዚቄላ ቲንቢቴ 20:4

Ubbaa Haariza GODAY, «Haysso asa nawu! Haytantta ne pirdas shiishshanee? Tumappe ne istta pirdas shiishshanee? Harassiza kase istta aawata oosoza isttas qonccisa.

ሂዚቄላ ቲንቢቴ 22:2

«Haysso asa nawu! Ne izi bolla pirdikii? Hanno suuth gussiza katamay bolla pirdikii? Harassiza izi oosoza izis qonccen yoota.

ሂዚቄላ ቲንቢቴ 23:36

GODAY taas, «Haysso asa nawu! Oholi bollanne Oholibi bolla ne pirdanee? Histtiko harassiza istta oosoza ne isttas yoota.

ሂዚቄላ ቲንቢቴ 3:14

Hessafe guye tana Ayanay pude dhoqqu histti haraso efides; tani camoninne hanqo ayanan kumada badis; GODAA gita wolqqay tana oykkides.

ሂዚቄላ ቲንቢቴ 43:10

«Haysso asa nawu, tani nena bessida Xoossa Keeththa Isra7eele asaas yoota; istti bantti ooththida nagaran yeellatana mala, iza medhazanne izi keexettida maara isttas yoota.

Maatosa 7:29

Gaasoykka Muse woga tamaarsizayta mala gidontta izi godateththi diza asa mala tamaarsides.

ማርቆሳ ሚሺራቾ 3:17

Bi7orinegeese woykko daada nayta geetettida Zabdoosa nayta Yaaqoobenne Yohannisa,

1ቆሮንቶሴ ኣሳስ 2:4

Ta qaalaynne sabbakoykka Ayana wolqqa qoncciseththanpe attiin cimoninne era daron gidenna.