ሚኪያሳ ቲንቢቴ 3:7 - Geeshsha Maxaafa

⁷ Buro marotizayti kawuyana; tinbite yootizayti yeellatana; wurikka ba ayfeso kammana; gaasoykka isttas zaaroy Xoossa achchafe baynda gishshassa» gides.

ጋሞ ማጻፋ

⁷ ቡሮ ማሮቲዛይቲ ካዉያና፤ ቲንቢቴ ዮቲዛይቲ ዬላታና፤ ዉሪካ ባ ኣይፌሶ ካማና፤ ጋሶይካ ኢስታስ ዛሮይ ጾሳ ኣቻፌ ባይንዳ ጊሻሳ» ጊዴስ።

ሚኪያሳ ቲንቢቴ 3:7 ပူးပေါင်းရင်းမြစ်များ

ዬ ማጻፋ 74:9

Nu shaakki eranaas malatay deenna; hayssafe guye nabey dendenna; Hayssi awude gakkanawu hananaakko eriza asi nu giddon deenna.

ኬሳ ማጻፋ 9:11

Marotikka istta bollanne Gibxe asaa ubbaa bolla wodhdhida kixay eqo diggiin Muse sinththan eqqanaas dandaybeettenna.

ኢሳያሳ ቲንቢቴ 44:25

Tani wordo nabeta malata hada ooththana; bitizaytakka eeya kessana. Tani aadho eranchchata shira yeggana; istta erateththaaka hada ooththana.

ኤርማሳ ቲንቢቴ 18:18

Isttika, «Ane haa yiite; Ermaasa bolla maqettoos; wogay qeeseta achchan, zorey aadho eranchchata achchan, qaalaykka nabeta achchan dhayenna; ane haa yiite; nu inxarsan iza toochchoos; izi gizayssaka ubbaa siyokko» gida.

ሂዚቄላ ቲንቢቴ 24:17

Ne qaala ziqqi histtada kayottashe milala attiin hayqqidayssas yeekkofa; ne hu7eppe quraace diggofa; ne tohoppe caamma kessofa; ne doona gaththa kammofa; shochchika mooppa» gides.

ሂዚቄላ ቲንቢቴ 24:22

Ta ooththida mala he wode intteka ooththana; intte doona gaththi kammeketa; shochchika meekketa.

ሌዌታ ማጻፋ 13:45

Hessa mala hargey iza bolla dizaadey daakeththa may7o may7o; ba hu7ekka pixoppo; ba doona kammidi, ‹Tani tunakko! Tani tunakko!› gishe waasso.

ኣሞጼ ቲንቢቴ 8:11

Hekko tani biitta bolla kosha ehana wodey yaana; hessika asay Xoossa qaala siyana gafanne saamo attiin kaththa gafanne haaththa saamo gidenna.

ሚኪያሳ ቲንቢቴ 3:4

Isttika pude Xoossako waassana shin Xoossi istta waaso siyenna; iitateththaa gishshas he wode Xoossay ba ayfeso isttafe haraso zaarana.

ሚኪያሳ ቲንቢቴ 7:16

Ayzaabeti hessa beyananne yeellatana; isttaskka wolqqay dhayana; istti ba doona ba kushen tuccana; istta hayththika tullana.

ዛካራሳ ቲንቢቴ 13:4

He wode wordo haasaydaadey oonikka ba haasayda wordo tinbiten yeellatana; baleththanaas iskera diza nabeta may7o may7enna.

1ሳሜላ ማጻፋ 14:37

He wode Sa7oolikka, «Filisxeeme asata kaallada duge wodhdhoo? Isra7eeleta kushen ne istta aaththa immanee?» gi Xoos oychchides; gido attiin Xoossi he gallas izas ay zaarokka immibeenna.

1ሳሜላ ማጻፋ 28:15

Sameelikka Sa7ooles, «Tana duufoppe denththada ays shempo diggay?» gides. Sa7ooli, «Tani keeha ceecadis; Filisxeemeti tana olishe deettes; Xoossi taappe haakkides; nabeta baggara gidiin woykko agumon taas zaaribeenna. Hessa gishshas ta ay ooththana bessizaakko ne taas yootana mala nena xeygadis» gides.

1ሳሜላ ማጻፋ 28:6

Izi GODAA oychchiin GODAY izas agumon gidiin woykko Urimen woykko nabeta baggara zaaro immibeenna.

1ሳሜላ ማጻፋ 9:9

Hayssafe sinththan Isra7eele deren issi asi Xoos oychchana bishe, «Ane haa yiite, ajjuuta yootizaadekko ane boos» gides; ha7i nabe geetettizaadey beni wode kaayizaade geetettees.