ሚኪያሳ ቲንቢቴ 2:10 - Geeshsha Maxaafa

¹⁰ Dendidi hessafe kichchite; hessi inttes shempposo gidenna; gaasoykka tunidessinne daro moorettides.

ጋሞ ማጻፋ

¹⁰ ዴንዲዲ ሄሳፌ ኪቺቴ፤ ሄሲ ኢንቴስ ሼምፖሶ ጊዴና፤ ጋሶይካ ቱኒዴሲኔ ዳሮ ሞሬቲዴስ።

ሚኪያሳ ቲንቢቴ 2:10 ပူးပေါင်းရင်းမြစ်များ

1ካዎታ ማጻፋ 9:7

Isra7eele deraa kase tani immida biittaafe dhoqallana; tani ta sunththas dummasida ha Xoossa Keeththaaka aggaagana; hessafe guye Isra7eele asay kawoteththata ubbaa giddon qidhessinne miichchas attana.

2ካዎታ ማጻፋ 15:29

Isra7eele kawo Faaquhey kawoti diza layththatan Asoore kawo Teligelitelifelisoorey yiidi Iyoone, Aabeeli-Beeti-Ma7ika, Yaanooke, Qaadeese, Haxoore, Gala7aade, Galilanne Niftaaleme deraakka issife gaththi oykkides. Asaakka di7i ekkidi Asoore dere efides.

2ካዎታ ማጻፋ 17:6

Hose7ey kawotida uddufunththo layththan Asoore kawoy Samaariya oykkides. Isra7eele asaa di7i ekkidi Asoore dere denththi efides. Heytakka Alahen, Gozaan Haboore shaafa mataninne Meedoone katamatan efi woththides.

2ታሪኬ ማጻፋ 7:20

tani kase inttes immida biittafe inttena dhoqallana; tani ta sunththas dummasida Keeththaaka yegga aggana; tani iza kawoteththata ubbaa giddon qidhessinne qilccas kessana.

ዬ ማጻፋ 106:38

Istti xillo suuth Kanaane eeqatas yarshida; bantta attumanne macca nayta suuth gussida; he suuththan biittay tunides.

ዬ ማጻፋ 95:11

Hessa gishshas tani, ‹Istti ta shemposo mulekka gelettenna› gaada hanqetta caaqqadis.»

ኤርማሳ ቲንቢቴ 10:18

Gaasoykka GODAY, «Tani ha sa7a bolla diza asaa ha7i gede kare kessada gooddana. Isttas erettana mala ta istta bolla meto ehana» gees.

ኤርማሳ ቲንቢቴ 3:2

«Ane dhoqqu gaada aykkoy baynda zumbullata xeella; neni laymas ichchonttasoy hessan dizee? Bonqqana bazzon uttida panga mala oge doonan uttada ne laggeththota naagadasa; histtada neni laymateththaninne iitateththan biittayo tunisadasa.

ኤርማሳ ቲንቢቴ 9:19

Xiyoonen zilassaa cenggurssi siyettees; ‹Nuni dhaydos! Nuni keehi kawuyidos! Nu keeththi laalettichchida gishshas nu biittaa aggidi dendi boos› gi zilaleettes» gees.

ሂዚቄላ ቲንቢቴ 36:17

«Haysso asa nawu! Isra7eele asay bantta biittan diza wode bantta oosoninne bantta duussan biittayo tunisida; maccassay agina wogay yiza wode tuniza mala istta kandoy ta sinththan tuna.

ሂዚቄላ ቲንቢቴ 36:19

Tani istta kawoteththata giddon laalladis; isttika dere ubbaan laalettida; tani istta bolla istta kando malanne istta ooso mala pirdadis.

ዛሬ ማጻፋ 12:9

GODAA intte Xoossay inttes immiin intte shempidi daana biittayo buro gelibeekketa.

ዛሬ ማጻፋ 30:18

intte mulera dhayanayssa hach ta inttes yootays; intte Yordaanoose shaafa pinnidi laattana biittayn daro layth gam7eketa.

ዛሬ ማጻፋ 4:26

Intte hessa ooththiko Yordaanoose shaafa pinnidi laattana biittayn daro layth gam7onttayssanne intte mulera dhayanayssa tani hach intte bolla salonne sa7a markka woththa yootays.