ሚኪያሳ ቲንቢቴ 1:8 - Geeshsha Maxaafa

⁸ Hessa geedon tani yeekkays, wuu! Wuy gays; ta caammay baynda mela tohoninne mela kallo bays; worakana mala waassays; gutto mala waassays.

ጋሞ ማጻፋ

⁸ ሄሳ ጌዶን ታኒ ዬካይስ፥ ዉ! ዉይ ጋይስ፤ ታ ጫማይ ባይንዳ ሜላ ቶሆኒኔ ሜላ ካሎ ባይስ፤ ዎራካና ማላ ዋሳይስ፤ ጉቶ ማላ ዋሳይስ።

ሚኪያሳ ቲንቢቴ 1:8 ပူးပေါင်းရင်းမြစ်များ

2ካዎታ ማጻፋ 18:13

Hizqiyaasay kawotida tammanne oydanththa layththan Asoore kawo Senakireemey gimbetti diza Yuhuda katamata ubbaa bolla meto gaththi oykkides.

ኣስቴሪ ማጻፋ 4:1

Mardikiyoosi ha hanida ubbaa eridaappe guye ba may7o daakkides; maaqa may7idi, ba hu7e bolla bidinth laallidi, ba qaala dhoqqu histti camo yeeho yeekkishe katamay giddo gelides.

ኢዮቤ ማጻፋ 30:29

Asappe shaakettada worakanatas isha, guttotas lagge gidadis.

ዬ ማጻፋ 102:6

Tani bazzon diza biya kafo woykko laalettida keeththan de7iza gutto mala.

ኢሳያሳ ቲንቢቴ 13:21

Gido attiin bazzo do7ati heen ichchana; izi keeththan worakanati kumana; heen guttoti de7ana; bazzon deysh misatiza daydanththati izi bolla guppana.

ኢሳያሳ ቲንቢቴ 13:22

Izi miixan godareti waassana; lo7iza izi kawoteththa keeththaankka worakanati waassana; izi wodey matides; izi gallassayka aduqqenna.

ኢሳያሳ ቲንቢቴ 16:9

Seebama woyne miththaa gishshas Iyaazeera yeekkiza mala tanikka yeekkays; Haseboonee! El7eelee! Tani ta afunththan inttena looxikissays. Gaasoykka inttes miththa ayfeti gakkida wode diza hombocaynne kath shiishshiza wode diza ufayssi attides.

ኢሳያሳ ቲንቢቴ 21:3

Hessa gishshas ta xeessay sako xalala gidides; miixay oykkida maccassa mala tana leessoy oykkides; tani siyida yo7oy tana gadigadissides; ta be7ida yo7on shirotadis.

ኢሳያሳ ቲንቢቴ 22:4

Hessa gishshas tani, «Taappe haakkite; ane camo yeeho ta yeekkays; dhayda ta asaa gishshas tana minththeththana qoppofte» gadis.

ኢሳያሳ ቲንቢቴ 32:11

Intteno otoroy tuccida maccassatoo! Kokkorite. Intteno badhdhi gida macca naytoo! Hirgan gajigajite. Intte may7ida may7o qaari yeggite; intte xeessan maaqa danccite.

ኤርማሳ ቲንቢቴ 4:19

Waanoo tanii! Tani hayssa wostta dandayanee! Tana metides! Ta wozinay hirgees; tani co7u gaanaas dandaykke. Ays giikko tani zaye cenggurssinne ola cenggurs siyadis.

ኤርማሳ ቲንቢቴ 9:1

Shukettida ta deraa gishshas omarsinne gallas ta yeekkana mala ta hu7ey haaththa olla, ta ayfetikka pultto mala afunth gogissidaakko ta ay mala dosandinaa!

ኤርማሳ ቲንቢቴ 9:10

Tani dhoqqa deretas yeekkananne waassana; bazzon heenththasohotas kayottana. Gaasoykka istti dhayda; heera issi asinne kanththenna. Mehe waasoy siyettenna; salo kafotinne do7ati baqatidi bichchida.

ኤርማሳ ቲንቢቴ 9:19

Xiyoonen zilassaa cenggurssi siyettees; ‹Nuni dhaydos! Nuni keehi kawuyidos! Nu keeththi laalettichchida gishshas nu biittaa aggidi dendi boos› gi zilaleettes» gees.

ሂዚቄላ ቲንቢቴ 32:18

«Haysso asa nawu! Gibxe olanchcha corata gishshas yeekka! Izonne wolqqama kawoteththata macca nayta duge duufon gelizaytara issife duge biitta gars gelththa.

ሚኪያሳ ቲንቢቴ 2:4

He wode derey intte bolla miicci kaa7ana; inttena qidhishe, « ‹Nu mulera dhaydos; ta dabbo gadey haras gishettides; taappe bonqqi ekkidi nu biitta nuna Xoonidaytas gishides› gi zilalana» gides.

1ሳሜላ ማጻፋ 19:24

Izikka ba may7o kessi yeggidi Sameela sinththan tinbite yootides. Hessaththo izi kumeththa gallassinne kumeththa omars kallo ichchides. Derey iza, «Sa7ooli nabetappe issaa mala qoodettidee?» giday hessa gishshassa.