ሚኪያሳ ቲንቢቴ 1:2 - Geeshsha Maxaafa

² Intteno deretoo; intte wurikka siyite! Ha biitta bolla dizayti wurikka haa ezgi siyite; salo GODAY ba geeshsha keeththaan uttidi intte iita oosoza intte bolla markkattees.

ጋሞ ማጻፋ

² ኢንቴኖ ዴሬቶ፤ ኢንቴ ዉሪካ ሲዪቴ! ሃ ቢታ ቦላ ዲዛይቲ ዉሪካ ሃ ኤዝጊ ሲዪቴ፤ ሳሎ ጎዳይ ባ ጌሻ ኬን ኡቲዲ ኢንቴ ኢታ ኦሶዛ ኢንቴ ቦላ ማርካቴስ።

ሚኪያሳ ቲንቢቴ 1:2 ပူးပေါင်းရင်းမြစ်များ

1ካዎታ ማጻፋ 22:28

Mikiyaasi izas, «Neni saron simmizaa gidikko GODAY ta doonara haasaybeenna» gides. Qasseka Mikiyaasi, «Hayssan diza asay hayssa ta giza qaalaa wozinan woththite» gides.

2ታሪኬ ማጻፋ 18:27

Mikiyaasikka izas, «Tumu neni saro simmizaa gidikko GODAY tanan haasaybeenna guussa!» gides; kaaleththidikka Mikiyaasi, «Hayssan dizayti ubbay ta yootidayssa ubbaa wozinan woththite» gides.

ዬ ማጻፋ 11:4

GODAY ba geeshsha Keeththan dees; salon ba araatan uttidi asaa be7ees; iza ayfeti asaa pilggi xeelleettes.

ዬ ማጻፋ 24:1

Sa7aynne sa7an kumida ubbay GODAASSA; salo gufanththon diza ubbay Xoossassa.

ዬ ማጻፋ 28:2

Ta kusheza ne Geeshsha aqoso miccada woossishinne tana maaddarkki gaada ta waassishin ne siya.

ዬ ማጻፋ 50:1

Wolqqama GODAY, Xoossay haasayees; Arshey mokkizasoppe wullizaso gakkanaas sa7an diza asaa xeygees.

ዬ ማጻፋ 50:12

Salo gufanththon diza ubbay taassa; hessa gishshas ta gafikkoka nees yootikke.

ዬ ማጻፋ 50:7

«Ta asazoo ne siya! Tani nees yootays; Isra7eele asawu! Tani ne bolla markkattays. Tani Xoossay ne Xoossa.

ሌሚሶ ማጻፋ 8:4

hayto asatoo! Tani inttena xeygays; tani asa zereth ubbaa xeygays.

ኢሳያሳ ቲንቢቴ 1:2

GODAY, «Salotoo siyite! biittayee nekka ezga siya! Tani nayta yelada dichcha gaththiin istti ta bolla makkallida.

ኢሳያሳ ቲንቢቴ 18:3

Intteno sa7a bolla diza as ubbatoo! zumata bolla malatay kaqettishin intte be7ana; zayey punettishin intte siyana.

ኢሳያሳ ቲንቢቴ 50:7

Ubbaa Haarizaa GODAY tana maaddiza gishshas tani kawuykke; hessa gishshas ta ayfeso daldacha shuchcha mala ooththadis; tani yeellatonttayssa erays.

ኤርማሳ ቲንቢቴ 22:29

Hanne biittayee, hanne biittayee! GODAA qaala siya!

ኤርማሳ ቲንቢቴ 29:23

Istti ba laggeta machchetara laymateththan ta isttas yootontta qaala ta sunththan wordo yooton Isra7eele bolla qoho gaththida; hessa tani erays; tani hessas markka» gees GODAY.

ኤርማሳ ቲንቢቴ 42:5

Istti zaaridi Ermaasas, «GODAA ne Xoossay ne baggara nuus kiittizayssa ubbaa nuni polontta aggiko GODAY nu bolla tumunne ammanettida markka gido.

ኤርማሳ ቲንቢቴ 6:19

Biittayee siya! Istti ta qaala siyontta ixxida gishshassinne ta wogaakka kadhida gishshas tani deraa bolla istta iita qofaa mala bash ehana.

ዮናሳ ቲንቢቴ 2:7

«Tani hayqqana matida wode nena GODAA qoppadis. Ta woosaykka neekko pude geeshsha keeth gakkides.

ዮናሳ ቲንቢቴ 2:8

Hada eeqata kaallizayti wuri nenan GODAAN ammanettanayssa aggida.

ኢምባቆ ቲንቢቴ 2:20

GODAY gidikko ba Geeshsha keeththan dees. Biitta bolla diza derey wurikka iza sinththan co7u go» gides.

ሚልካሳ ቲንቢቴ 2:14

Intteka «Izi aazas nu yarshoza ekkontta ixxidee?» giidi oychchana; hessika haniday intte caaqon ekettida naateteththa machchetara caaqettida qaalaa intte ammanettontta laallida gishshassa; Godaa Xoossi intte giddon markka.

ሚልካሳ ቲንቢቴ 3:5

«Hessa gishshas ta intteko pirdana yaana; muurennizayta, laymatizayta, wordo markka markkattizayta, wordo caaqo caaqqizayta, ooso oosisidi miishsha diggizayta, am7etanne yi7o nayta dechchizayta, bete asatas pirda tuccizayta, taas babbonttayta bolla markkattanaas ta ellesays» gees Ubbaafe Wolqqama GODAA Xoossay.

ዛሬ ማጻፋ 32:1

Salotoo! Tani yootizayssa ezgi siyite; Sa7azoo ta doonappe keziza qaala siya.

ዮሃኒሳ ኣጁታ 2:11

«Ayanay Woosa Keeththatas gizayssa hayththi dizay siyo! xoonidaadey nam7anththo hayqon qohettenna» gaada xaafa gides.

ዮሃኒሳ ኣጁታ 2:17

«Ayanay Woosa Keeththatas gizayssa hayththi dizaadey siyo! Xoonidaades tani qotan diza mannafe iza immana; izi taas gididayssa bessanaas iza bolla ooraththa sunththi xaafettida booththa shuch izas ta immana; hessaka ekkidaadefe attiin hara asi oonikka erenna.

ዮሃኒሳ ኣጁታ 2:29

Ayanay Woosa Keeththatas gizayssa hayththi dizay wuri siyo!» gaada xaafa gides.

ዮሃኒሳ ኣጁታ 2:7

«Ayanay Woosa Keeththatas gizayssa hayththi dizay wurikka siyo! ‹Xoonidaadey Xoossa Gannate giddon diza de7o miththa ayfe maana mala ta ooththana.›

ዮሃኒሳ ኣጁታ 3:13

«Ayanay Woosa Keeththatas yootizayssa hayth dizay wuri siyo!

ዮሃኒሳ ኣጁታ 3:22

«Ayanay Woosa Keeththatas gizayssa hayththi dizay wuri siyo!» gaada xaafa gides.

ዮሃኒሳ ኣጁታ 3:6

«Ayanay Woosa Keeththatas gizayssa hayththi dizay wuri siyo!

ዳናታ ማጻፋ 11:10

Gala7aade cimati Yoftahes, «GODAY nu giddon markka! Neni gizayssa tumu nuni ooththana» giidi zaarida.