ሚልካሳ ቲንቢቴ 4:1 - Geeshsha Maxaafa

¹ «Hekko cooce tama mala eexxiza gallassi yaana; otoranchchatinne iita ooththizayti wurikka mela happa mala gidana; he yaana gallassayka istta xuuggana; xeerakka xaphokka ashshenna» gees Ubbaafe Wolqqama GODAA Xoossay.

ጋሞ ማጻፋ

¹ «ሄኮ ጮጬ ታማ ማላ ኤጺዛ ጋላሲ ያና፤ ኦቶራንቻቲኔ ኢታ ኦዛይቲ ዉሪካ ሜላ ሃፓ ማላ ጊዳና፤ ሄ ያና ጋላሳይካ ኢስታ ጹጋና፤ ጼራካ ጻጶካ ኣሼና» ጌስ ኡባፌ ዎልቃማ ጎዳ ጾሳይ።

ሚልካሳ ቲንቢቴ 4:1 ပူးပေါင်းရင်းမြစ်များ

ኢዮቤ ማጻፋ 18:16

Xaphoppe meliza miththa malanne haggatikka meqerettiza miththa mala gidana.

ዬ ማጻፋ 119:119

Sa7an de7iza iitata ubbaa neni buura mala yegga aggaasa; hessa gishshas tani ne immida azazo dosadis.

ዬ ማጻፋ 37:9

Iita ooththizayti dhoqalletti dhayana; gido attiin GODAAN hidota ooththizayti biitta laattana.

ኬሳ ማጻፋ 15:7

Ne gita wolqqaan nenara eqettidayta kundisadasa. Eexxiza ne hanqo ne yeddadasa, izikka istta gafe mala mides.

ኢሳያሳ ቲንቢቴ 40:24

Istti tokettidi gam7ontta dishin, zerettidi takkontta dishin, buro xapho yeddontta dishin istta bolla carko yeddiin melida; gotey istta suulla mala pitti efides.

ኢሳያሳ ቲንቢቴ 41:2

Arshey mokkiza baggafe issaa denththiday, xilloteththan baas haggazissana xeygiday oonee? Izi kawoteththata izas aaththi immees; izi istta giththa mashshan biitta kessides; ba wondafen carkoy laallida suulla mala kessides.

ኢሳያሳ ቲንቢቴ 47:14

Hekko istti happa mala; tamay istta maana. Tamaa lacoppe dendidayssan bana ashshanaas dandayettenna. Asi ho7ana bonqqoy deenna; uttidi ho7ana tamaykka deenna.

ኢሳያሳ ቲንቢቴ 5:24

Istti Ubbaafe Wolqqama GODAA wogaa ixxida gishshas, Isra7eele Geeshshaa qaalaakka kadhida gishshas, tama lacoy buuxa oykkiza malanne mela maatay eexxi dhayza mala istta xaphoy wooqqana; istta ciishshayka buhe mala laaletti dhayana;

ኢሳያሳ ቲንቢቴ 9:18

Deraa iitateththi kindichchonne agunth xuuggiza tama mala; dhippi gida woray xuugettishin keziza cuwa tuussa mala sitti giidi pude kezees.

ኢሳያሳ ቲንቢቴ 9:19

Ubbaafe Wolqqama GODAA hanqon biittay xuugettana; dereykka taman geliza miththa mala gidana; ishay ishas qadhettenna.

ሂዚቄላ ቲንቢቴ 20:38

Ta bolla makkallidaytanne tana qohidayta tani intte giddofe diggana; ha7i istti diza biittafekka ta istta kessana; gido attiin istti Isra7eele biitta gelettenna. Tani GODAA gididayssa intte he wode erana» gees.

ሂዚቄላ ቲንቢቴ 21:32

Neni eeso mith gidana; ne deren ne suuththi gukkana; hayssafe guye nena qofsiza miishshi deenna; tani GODAY hayssa yootadis› gees» gides.

ሂዚቄላ ቲንቢቴ 24:11

Shi7azi seerana malanne birata shi7azi taman xuugettana mala, mela disttey seellana gakkanaas, tamazi bonqqanaashe gakkanaas cooceza bolla woththa.

ሂዚቄላ ቲንቢቴ 34:17

« ‹Ubbaa Haariza GODAY: intte iza wude gidida gishshas, izi intte gishshas iita giddoninne lo7o giddon, dharsho giddoninne orge giddon ta pirdana.

ሂዚቄላ ቲንቢቴ 7:10

« ‹Hekko gallassaa! He gallassay gakkides! Intte bashshay intte pengen dees! Iitateththa guufey gumbides; otoreteththi ciiyides.

ኢዩኤሌ ቲንቢቴ 2:1

Xiyoonen zaye zayite; geeshsha zuma bolla waassite! GODAA yuussa gallassi gakkida gishshas biitta bolla dizay wurikka kokkoro.

ኢዩኤሌ ቲንቢቴ 2:31

Gita babisiza Godaa gallassay yaanaappe kasetidi arshey dhumana; aginaykka suuth aaththana.

ኣሞጼ ቲንቢቴ 2:9

«Isttas adussateththay ziga miththa mala; minoteththayka xiidda mala gidida Amoore asaa tani intte sinththafe dhayssadis; ayfontta mala xaphoppe shodda diggadis.

ኣብዲዩ ቲንቢቴ 1:18

Yaaqoobe zereththati tama mala, Yooseefe zereththati tama laco mala gidiin Eesawe zereththati uttula mala gidana; tamay uttula miza mala Yaaqoobe zereththatinne Yooseefe zereththati Eesawe zereththata dhayssana.

ናሆሜ ቲንቢቴ 1:10

Istti agunththan qaxettana; ba woyne ushshan istti maththottana; tamay istta buuxa mala maana.

ሶፎናሳ ቲንቢቴ 1:14

«GODAAPPE yaana gita gallassay matides; hessika eeson yaana; GODAA gallassan siyettana yeehoy camo; heen olanchchati camo waaso waassana.

ሶፎናሳ ቲንቢቴ 1:18

GODAA bashsha gallas istta biraynne worqqay istta ashshanaas dandayenna. Biittay kumeth iza hanqon dhayana; iza zil7eteththa suulen biitta ubbay xuugettana; biitta bolla diza ubbaa bolla qoppontta dishin wurseth ehana» gees GODAY.

ዛካራሳ ቲንቢቴ 14:1

Hekko GODAY pirdiza gallassi gakkides; neeppe bonqqida miishsha ne ayfey be7ishin istti gishetti ekkana.

ሚልካሳ ቲንቢቴ 3:15

Ha7i nu otoranchchati anjjetti dishin iita ooththizayti duretishin Xoossa paccizayti kessi ekki attishin beyoos› geeta» gees Ubbaafe Wolqqama GODAA Xoossay.

ሚልካሳ ቲንቢቴ 3:18

He wode qasseka xillonne nagaranchcha giddon Xoossas ooththizayta giddoninne ooththonttayta giddon diza dummateththa intte beyandeta.

ሚልካሳ ቲንቢቴ 3:2

Izi yaana gallassa teqqana dandayzay oonee? Izi qoncciza gallas iza sinththan eqqanaas dandayanay oonee? Izi cooce tama mala woykko may7o meecciza saamuna mala;

ሚልካሳ ቲንቢቴ 3:3

Bira taman seerisidi lo7eththi geeshshiza asa mala uttana; Lewe nayta worqqa malanne bira mala geeshshana; hessafe guye GODAAS yarsho shiishshiza xillo asati daana.

ሚልካሳ ቲንቢቴ 4:5

«Hekko keehi gitanne yashissiza Ubbaafe Wolqqama GODAA gallassay gakkanaappe kase ta inttes nabe Eelaasa yeddana» gees Ubbaafe Wolqqama GODAY.

Maatosa 3:12

Kath suraggiza layday iza kushen dees; izikka ba kaththa baleza pitti geeshshana; ba gisttezakka di7en qolana; happaa gidikko to7ontta taman xuuggana» gides.

ሉቃሳ ሚሺራቾ 21:20

«Ola asay Yerusalaame giddoththishin beyikko izis dhayza wodey matidayssa erite.

ሉቃሳ ሚሺራቾ 6:23

«Inttes salon gita woytoy diza gishshas he wode ufayssan guppite; ays giikko istta Aawati nabeta bolla hessaththo ooththida.

2ታሶሎንቄ ኣሳስ 1:8

He wode Xoos erontta asatanne Godaa Yesus Kirstoosa Mishiraachcho qaalaas azazettontta asata bolla izi ba halo kessana.

2ጴጽሮሳ ኪታ 3:7

Hessaththoka ha7i diza saloynne biittay nagaranchchati dhayana diza pirda gallas gakkanaas tamas giigi uttida.