ሚልካሳ ቲንቢቴ 3:16 - Geeshsha Maxaafa

¹⁶ He wode GODAAS babbiza asati ba garsan issoy issaara haasayettida Godaa Xoossika istti gizayssa lo7eththi siyides; GODAAS babbizaytas qasseka iza sunththaa bonchchizaytas istti oosoy balettontta mala qofsiza maxaafay iza sinththan xaafettides.

ጋሞ ማጻፋ

¹⁶ ሄ ዎዴ ጎዳስ ባቢዛ ኣሳቲ ባ ጋርሳን ኢሶይ ኢሳራ ሃሳዬቲዳ ጎዳ ጾሲካ ኢስቲ ጊዛይሳ ሎኤ ሲዪዴስ፤ ጎዳስ ባቢዛይታስ ቃሴካ ኢዛ ሱን ቦንቺዛይታስ ኢስቲ ኦሶይ ባሌቶንታ ማላ ቆፍሲዛ ማጻፋይ ኢዛ ሲንን ጻፌቲዴስ።

ሚልካሳ ቲንቢቴ 3:16 ပူးပေါင်းရင်းမြစ်များ

ሜቴ ማጻፋ 22:12

«Naaza bolla ne kushe woththofa; iza aykkoka ooththofa; neni ne mexi issi naazakka tana diggontta gishshas neni Xoossas yayyiza as gididayssa tani ha7i eradis» gides.

2ሳሜላ ማጻፋ 7:1

Kawozi ba kawoteththa keeththan woppu gi uttidaappenne GODAY iza yuushon diza iza morkketappe shempisidaappe guye,

1ካዎታ ማጻፋ 18:12

Tani neeppe shaaketta biza wode GODAA Ayanay nena denththidi awa efanaakko ta erikke; tani Akaabes yootidaappe guye izi nena demmontta aggiko tana wodhana; tani ne ashkaray naateththafe doommada GODAAS yayyiza asa.

1ካዎታ ማጻፋ 18:3

Akaabey ba kawoteththa keeththan alaafeteththan azaziza Abdiyu xeygides. Abdiyuy GODAAS keehi yayyiza asa.

2ታሪኬ ማጻፋ 6:7

«Ta aawa Dawiti GODAAS Isra7eele Xoossaa sunththaas keeth keexxanaas ba wozinan qoppides.

ናሂሚያ ማጻፋ 1:11

Godawu! Ha7ikka ta woossiza woosaa siya; nena dosidi bonchchana koyza oosanchchata woosa ezga; qasse hayssa kawoza sinththan taas teemateth immada hach tani ne oosanchchazi ooththana koyzayssa taas polisa.» Tani he wode kawoson woyne ushshu gaseththiza asa.

ኣስቴሪ ማጻፋ 2:23

Yo7oza pilggishin tumu gidi beettides; he nam7u shuumeti kaqetti hayqqana mala istta bolla pirdettides; hessi ubbay kawoza sinththan taarike maxaafan xaafettides.

ኣስቴሪ ማጻፋ 6:1

He gallassa omars kawozi dhisko dhayi aqides; hessa gishshas ba kawoteththa layththan xaafettida Taarike maxaafati shiiqidi nababettana mala azazides.

ኢዮቤ ማጻፋ 28:28

He wode asas, ‹Hekko erateth guussi Xoossas yashshateththa; akeeka guussi iitappe haako› gides.»

ዬ ማጻፋ 10:4

Iita asi otoreteththan Xoossa koyenna; iza qofa ubbaan Xoossi deenna.

ዬ ማጻፋ 104:33

Tani de7iza layth ubbaan GODAAS yexxana; tani shemppora paxa de7ida wode ubbaan ta Xoossas yexxana.

ዬ ማጻፋ 111:10

Aadho erateththas koyroy GODAAS yashshateththa; iza azazo ooththizaytas lo7o akeekay dees. GODAY mernaas galatetto!

ዬ ማጻፋ 115:13

GODAAS yayyizayta ubbaa guuth gidiin gita izi anjjana.

ዬ ማጻፋ 119:63

Tani nees yayyizayta ubbaassinne ne woga naagizaytas lagge.

ዬ ማጻፋ 139:4

Abeet GODAWU! Tani ta doonappe issi qaalakka haasayanaappe kasetada neni ta qofa ubbaa eraasa.

ዬ ማጻፋ 147:11

GODAY baas yayyizaytaninne iza siiqon ammanettizaytan ufayettees.

ዬ ማጻፋ 16:3

Sa7an de7iza geeshshati ay mala bonchchettidaytee! Tani isttan ufayettays.

ዬ ማጻፋ 20:7

Issoti issoti bantta ola para-gaaren ammanetteettes; harati bantta paran ceeqetteettes; nuni gidikko nu GODAA wolqqan ceeqettoos.

ዬ ማጻፋ 33:18

GODAA ayfeti izas yayyizaytanne iza mernaa siiqo hidota ooththiza asata xeellees.

ዬ ማጻፋ 34:15

GODAA ayfey xillotakko xeellees; qasse iza hayththi istta woosa ezgees.

ዬ ማጻፋ 56:8

Neni ta yeeho beyadasa; ta afunththaa makkadasa; ubbatikka ne mazgaban xaafettida.

ዬ ማጻፋ 56:9

Tani nena xeygiza wode ta morkketi guye simmeettes; Xoossi tanara dizayssa tani hessan erays.

ዬ ማጻፋ 66:16

Intteno Xoossas yayyizaytoo! Ubbati haa yiidi siyite; Xoossi taas ooththidayssa tani inttes yootana.

ዬ ማጻፋ 94:19

Ta wozinay ceecen kumida wode ne minththeththoy ufays darsees.

ኬሳ ማጻፋ 32:32

Gido attiin Abeet Godoo! Ha7i istta nagara atto ga; akkay giikko neni xaafida mazgabaappe ta sunththaa qucca digga» gides.

ሌሚሶ ማጻፋ 13:20

Aadho eranchchatara hemettiza asi aadho eranchcha gidees; gido attiin eeyatara hemettiza asi meton gelees.

ኢሳያሳ ቲንቢቴ 26:3

Nenan ammanettida gishshas nenan zemppida shemppoyo neni kumeththa saroteththan naagaasa.

ኢሳያሳ ቲንቢቴ 26:8

Abeet GODAWU! Ne woga ogera hemettishe nuni nena hidota ooththidos; ne sunththinne ne gitateththi nu wozinas amo.

ኢሳያሳ ቲንቢቴ 4:3

Xiyoonen attidayti, Yerusalaamen dhayontta attidayti, Yerusalaamen shemppora paxa dishe xaafettida ubbatara, «Istti geeshshata» geetettana.

ኢሳያሳ ቲንቢቴ 50:10

Intte giddofe GODAAS yayyizay, iza ayllaa qaalas azazettizay oonee? Hessaadey dhuman bizaa gidikkonne poo7oy izas baynda aggiko izi GODAA sunththan ammanetto; ba Xoossankka zemppo.

ኢሳያሳ ቲንቢቴ 65:6

«Be7ite, ta sinththan xaafetti uttides; ta co7u giikke; gido attiin iza ooso ooso mala ta izas immana; istta hano mala ta isttas ciggana.

ኤርማሳ ቲንቢቴ 31:18

«Efreemey camo milas milalishin addafe ta siyadis; ‹Loohontta wofano mala tana qaxxayadasa; tanikka qaxxayettadis; neni GODAA ta Xoossa; neni tana zaara; tanikka simmana.

ኤርማሳ ቲንቢቴ 8:6

Tani istta lo7eththa ezgadis; istti suure haasayettenna; ta ay ooththadinaa?› gees. Gido attiin ba iita ooso paaxizay issoyka deenna; olas dirgiza para mala ubbayka baas baas woxxees.

ሂዚቄላ ቲንቢቴ 9:4

GODAY xeygidi iza, «Yerusalaame katama ubbaa baada izi giddon oosettida harassiza eeqa xoossata gishshas mishettidi yeekkiza asata liiphe bolla malata woththa» gides.

ዳኔላ ቲንቢቴ 12:1

Kase taas ajjuutaza birshiza kiitanchchazi taas, «Ne dereza naagiza gita kiitanchchas halaqa Mika7eeley izi he wode qonccana; asa zereththi medhettoosofe he wode gakkanaas hani erontta wolqqama metoy hanana; istta sunththay maxaafan xaafettida ubba asay attana.

ዳኔላ ቲንቢቴ 7:10

Iza sinththara tama haaththi pultti goggees; izas daro shiyan qoodettiza oosanchchati deettes; qooday baynda derey iza sinththan eqqides; pirda shilotaykka uttides; maxaafatikka doyettida.

ሚልካሳ ቲንቢቴ 3:5

«Hessa gishshas ta intteko pirdana yaana; muurennizayta, laymatizayta, wordo markka markkattizayta, wordo caaqo caaqqizayta, ooso oosisidi miishsha diggizayta, am7etanne yi7o nayta dechchizayta, bete asatas pirda tuccizayta, taas babbonttayta bolla markkattanaas ta ellesays» gees Ubbaafe Wolqqama GODAA Xoossay.

ሚልካሳ ቲንቢቴ 4:2

«Ta sunththas babbiza inttes qasse xilloteththa arshey ba qefe garsan paththizaaz ekka yaana; intteka birshi yeddida galo mara mala xikettishe kezana.

ሉቃሳ ሚሺራቾ 2:38

He wodekka shiiqada Xoossaa galatadus; Yerusalaame wozzeteth naagishe dizaytas ubbaas guuththa naaza gishshas yootadus.

ሃዋሬታ ኦሶ 1:13

Gede katamayo gelidi kase ba diza keeththaa pooqe bolla kezida; heytikka Phexroosa, Yohannisa, Yaaqoobe, Indiraasa, Piliphoosa, Toomaasa, Bartelemoosa, Matoosa, Ilfiyoosa naa Yaaqoobe, ba baggas mishettiza Simoonanne Yaaqoobe naa Yuhuda.

ሃዋሬታ ኦሶ 10:2

Izikka ba keeththa asaa kumeththaara Ayana hanon minonne Xoos babbizaade; manqotaska daro muxuwaata immizaadenne daro wode Xoos woossiza asa.

ሃዋሬታ ኦሶ 2:1

Phenxeqoste geetettiza ba7aale gallassi gakkida wode asay wurikka issi soon shiiqi dishin,

ሃዋሬታ ኦሶ 9:31

He wode Yuhudaninne Galilan, Samaariyankka diza ammanizayti saron diidi kaseppe minnida; qasseka Xoossa yashshateththan simerettishe Xillo Ayanan minettidanne kaseppe qoodan dari dari bida.

ኤፌሶኔ ኣሳስ 5:19

Ayana yeththan galatara gaththi yexxishe intte giddon issoy issaara haasayettite; intte sabaninne yeththan kumeththa wozinappe Godaa galatite.

1ታሶሎንቄ ኣሳስ 5:11

Hessa gishshas tumappe intte ha7i ooththizayssa malakka issoy issaara minettitenne minththeththite.

1ታሶሎንቄ ኣሳስ 5:14

Ta ishatoo! Nu inttena, «Ooso ooththontta asata hanqettite; babbizayta minththite; daaburanchchata maaddite; as ubbaa dandayte» gi zoroos.

Ibirawe 10:24

Siiqoninne lo7o ooson nu minni daana mala ane issoy issaa qofsoos.

Ibirawe 12:15

Inttefe issaadeska Xoossa kiyateththi paccontta mala qasseka camo ayfe ayfiza miththi mokkidi meto medhdhontta malanne darota moorontta mala naagettite.

Ibirawe 3:13

Harappeka intte garsafe oonikka nagaran balettidi ba wozina muumisontta mala, «Hach» geetettishin hach hach intte intte garsan minettite.

ዮሃኒሳ ኣጁታ 15:4

Godoo, nees babbontta asinne ne sunth bonchchontta asi oonee? Neni nerkka geeshsha; ne tumaa pirday qonccida gishshas dereti wuri yiidi ne sinththan nees goynnana» gi yexxida.

ዮሃኒሳ ኣጁታ 20:12

He algaza sinththan hayqqida cimatanne naateththata beyadis; maxaafatikka doyettida; hara de7o maxaafaykka doyettides; hayqqidaytikka maxaafatan kase xaafetti diza ba ooso ooso mala pirda ekkida.