ሚልካሳ ቲንቢቴ 2:17 - Geeshsha Maxaafa

¹⁷ Intte coo hada haasayan GODAA saleththideta; «Nu iza aazan saleththidonii?» geeta; intte iza saleththiday, «Iita ooththizayti ubbay Xoossa sinththan lo7o; izikka isttan ufayettees» guussan woykko «Tuma pirdiza Xoossi awan dizee?» guussanna.

ጋሞ ማጻፋ

¹⁷ ኢንቴ ጮ ሃዳ ሃሳያን ጎዳ ሳሌዴታ፤ «ኑ ኢዛ ኣዛን ሳሌዶኒ?» ጌታ፤ ኢንቴ ኢዛ ሳሌዳይ፥ «ኢታ ኦዛይቲ ኡባይ ጾሳ ሲንን ሎኦ፤ ኢዚካ ኢስታን ኡፋዬቴስ» ጉሳን ዎይኮ «ቱማ ፒርዲዛ ጾሲ ኣዋን ዲዜ?» ጉሳና።

ሚልካሳ ቲንቢቴ 2:17 ပူးပေါင်းရင်းမြစ်များ

ኢዮቤ ማጻፋ 34:17

Suure pirda ixxizaadey dere ayssanaas dandayzee? Neni xillonne wolqqama Xoossa nagaranchcha kessay?

ኢዮቤ ማጻፋ 34:36

Iita asata zaaro mala zaariza gishshas Iyoobi wurseththi gakkanawu paacettidaakko aazee dizay!

ኢዮቤ ማጻፋ 36:17

Ha7i gidikko ne ooththida mooraappe dendoyssan ne bolla pirdettida gishshas, nees bessiza qixaate eko bolla daasa.

ኢዮቤ ማጻፋ 9:24

Biittay iita asata kushen aadhdhi imettishin izi pirdiza asata ayfe goozees; hayssa ooththiday Xoossa gidontta aggiko haray oonee?

ኤራንቻታ ማጻፋ 8:11

Iita ooththida asa bolla eeson pirdontta aggiko asa wozinay iita ooththana halchchon kumees.

ኢሳያሳ ቲንቢቴ 1:14

Agina xeeron intte bonchchiza gallassatanne kase intte woththida ba7aale gallassata ta shemppoya harasettadus; heyti taas daro deexo tooho gidida gishshas ta istta tookkanaas dandaykke.

ኢሳያሳ ቲንቢቴ 29:15

Bantta halchcho GODAAPPE genththanaas duge ciimma ollan wodhdhizaytas bantta ooso dhuman ooththizaytas «Nuna ooni be7anee? Nuna ooni eranee?» gizaytas aayye ana!

ኢሳያሳ ቲንቢቴ 30:18

Gido attiin GODAY inttes kiya ooththanaas naagees; inttena ba qadheteththa bessanaas dendees; GODAY tumu pirdiza Xoossa gidida gishshas ammanettidi iza naagizayti anjjettidayta.

ኢሳያሳ ቲንቢቴ 43:22

«Yaaqoobe, ne tana xeygabeekka; Isra7eele, ne tana salettadasa.

ኢሳያሳ ቲንቢቴ 43:24

Neni taas lo7o sawiza exaane shammabeekka; modhdho yarshon tana kalssabeekka. Gido attiin ne nagara tooho tana toossadasa; qohon tana daaburissadasa.

ኢሳያሳ ቲንቢቴ 7:13

Isayaasi, «Intteno Dawite zaretoo, siyite! Intte asaa saleththizayssi guuxxiin Xoos saleththanaas dendidetii?

ኤርማሳ ቲንቢቴ 12:1

Abeet GODAWU! Tani nenara palamettiza wode ubbaankka ne xillo. Iita asati ooththizayssi isttas ays injjetizee? Ammanettonttayti ays ishalo duus dizoo?

ኤርማሳ ቲንቢቴ 15:6

«Ne tana aggadasa; guye guye baasa; hessa gishshas tani ne bolla ta kushe denththada nena dhayssana; hayssafe guye nees qadhettike.

ኤርማሳ ቲንቢቴ 17:15

Asay tana zaari zaaridi, «GODAA qaalay awan dizee? Ane ha7i poletto!» geettes.

ኤርማሳ ቲንቢቴ 44:22

Intte ooththida iitanne harassiza ooso GODAY co7u gaanaas dandayontta gishshas hach intte be7iza mala intte biittay qanggeththas malata, asi baynda bazzo biitta gidides.

ሂዚቄላ ቲንቢቴ 16:43

«Ne tana haytan hanqeththadasa attiin ne yelagateththa wodeta qoppabeekka; hessa gishshas ne ooso mala ta nees immana» gees Ubbaa Haariza GODAY. Ne ooththida iita oosota bolla hara ziitateth gujjabeekkii?

ሂዚቄላ ቲንቢቴ 18:25

«Intte gidikko, ‹GODAA ogey suure gidenna› geeta. Intteno Isra7eele asatoo! Ha7i siyite! Ta ogey suure gidennee? Geellay intte oge gidennee?

ሂዚቄላ ቲንቢቴ 8:12

Qasse Xoossi tana, «Haysso asa nawu! Isra7eele keeththaa cimati issoy issoy qol7a giddon dhumason bantta eeqa misle keeththan istti ooththizayssa beyay? Gaasoykka istta, ‹GODAY nuna beyenna; GODAY biittaa aggides› geettes» gides.

ሂዚቄላ ቲንቢቴ 9:9

Izi zaaridi taas, «Isra7eele keeththa nagaraynne Yuhuda keeththa nagaray keehi darides; biittaya suuth xalla gidadus; qasse katamaya geellateththan kumadus; gaasoykka asay, ‹GODAY biittaa aggides; GODAY be7enna› geettes.

ኣሞጼ ቲንቢቴ 2:13

Be7ite daro kath deexetti caanettida gaarey garsara diza miish liiqisiza mala tanikka inttena liiqisana.

ሶፎናሳ ቲንቢቴ 1:12

He wode ta Yerusalaame giddoza xomppera koyana; aykko hirgay baynda badhdhi gi uttidayta, woyne ushshu gacci ekkichchiin orcco bolla attida woyne ushsha mala gididayta, ‹Iita gidiin woykko lo7o gidiin GODAY aykkoka ooththenna› gizayta ta qaxxayana.

ሚልካሳ ቲንቢቴ 2:14

Intteka «Izi aazas nu yarshoza ekkontta ixxidee?» giidi oychchana; hessika haniday intte caaqon ekettida naateteththa machchetara caaqettida qaalaa intte ammanettontta laallida gishshassa; Godaa Xoossi intte giddon markka.

ሚልካሳ ቲንቢቴ 3:8

«Asi Xoossa miish kaysoti erizee? Intte gidikko kaysoteeta; intte qasse, ‹Nu ay kaysotidonii?› giidi oychchite; intte asraatanne maba taappe kaysotideta.

ዛሬ ማጻፋ 32:4

«Izi nuus miixa; iza oosotikka kumeththa; Iza ogeti wurikka suure; izi balettontta ammanettida Xoossa; izi suurenne xillo Xoossa.

1ሳሜላ ማጻፋ 2:3

«Hayssa mala otoron haasayopite; hayssa mala ceeqeteththa qaalay intte doonappe kezoppo; gaasoykka GODAY izi era; ooso ubbaa izi geeddarees.