ሚልካሳ ቲንቢቴ 1:3 - Geeshsha Maxaafa

³ Gido attiin Eesawe ixxadis; iza deren diza zumata bazzo kessadis; iza gadezakka bazzon diza worakanatas aaththa immadis» gides.

ጋሞ ማጻፋ

³ ጊዶ ኣቲን ኤሳዌ ኢጻዲስ፤ ኢዛ ዴሬን ዲዛ ዙማታ ባዞ ኬሳዲስ፤ ኢዛ ጋዴዛካ ባዞን ዲዛ ዎራካናታስ ኣ ኢማዲስ» ጊዴስ።

ሚልካሳ ቲንቢቴ 1:3 ပူးပေါင်းရင်းမြစ်များ

ሜቴ ማጻፋ 25:23

GODAY izis, «Ne ulon nam7u kawoteththi dees; qasse ne ulon diza nam7u dere asati issoy issaafe shaakettana; issi dere asay hankkoytappe minnana; qasse bayray kaalozas haarettana» gides.

ኢሳያሳ ቲንቢቴ 35:7

Xuuggiza biittan eele haaththi kumana; mela biittati haath pulttana; worakanati aqiza ollan maatay, maqqaynne shaccay mokkana.

ኤርማሳ ቲንቢቴ 49:10

Gido attiin tani Eesawe paxa kallo ashshana; izi qotetti attontta mala izi qotettanaasohota tani qoncce kessana; iza nayti, iza dabbotinne iza shooroti dhayana; izikka ba hu7es deenna.

ኤርማሳ ቲንቢቴ 49:20

Hessa gishshas tani GODAY Eedoome bolla polanaas halchchida halchchonne Temaanen dizayta bolla ta qoppida qofaa siyite! guuththa wudeti gooshetti baana; hessa gaason wudey heemettizaso mulera dhayssana.

ኤርማሳ ቲንቢቴ 49:33

«Haxoorey worakanata duussaso gidana; mernaas bula gidana; oonikka heen de7enna; ay asikka izin uttenna» gees.

ኤርማሳ ቲንቢቴ 49:7

Eedoome gishshas GODAY Ubbaafe wolqqama Xoossay, «Aadho erateththi Temaane asaappe dhaydee? Zorey akeekanchchatappe haakkidee? Istta aadho erateththay cingidee?

ኤርማሳ ቲንቢቴ 49:8

Tani Eesawe qaxxayiza wode ta iza bolla bashsha ehiza gishshas intte Didaanen dizayti guye simmi baqatite; ciimma olla giddon qotettite.

ኤርማሳ ቲንቢቴ 51:37

Baabilooney laaleththi doorettizaso gidana; worakanati kaa7izaso gidana; dagamassinne qidhes malata gidana; oonikka izin deenna.

ኤርማሳ ቲንቢቴ 9:11

GODAY, «Yerusalaame katama tani budhetti kayzidasonne worakanati kaa7izaso ooththana. Yuhuda katamatakka asi bayndaso bula kessana» gees.

ኤርማሳ ዚላስ 4:22

Intteno Xiyoone asatoo! Intte mooro gaason qaxxayettoyssi inttes gidana; hayssafe guye inttena di7ettida biittan gam7isenna; gido attiin Eedoome asatoo! Izi inttena intte nagara gishshas qaxxayana; izi intte moorozakka qoncce kessana.

ሂዚቄላ ቲንቢቴ 36:7

Hessa gishshas Ubbaa Haariza GODAY, ‹Tani ta kushe denththada caaqqays; intte yuushon diza kawoteththata bolla naachcha qaalay yaana› gees.

ሂዚቄላ ቲንቢቴ 36:9

Intte gishshas taas siyettees; ta inttena lo7o ayfen xeellana; intteka goyettana; zereththika intte bolla zerettana.

ኢዩኤሌ ቲንቢቴ 3:19

Gibxe asaynne Eedoome asay Yuhuda asaa bolla gene ooththida gishshas qasseka xillo asaa wodhida gishshas Gibxey bazzo gidana; Eedoomey asi bayndaso gidana.

ኣብዲዩ ቲንቢቴ 1:10

«Ne isha Yaaqoobe zereththata neni gene wodhida gishshas ne kawuyada mernaas dhayana.

ሉቃሳ ሚሺራቾ 14:26

«Taakko yizay wuri ba aawaa, ba machchonne nayta, ba ishatanne michcheta, ba shemppo gidiin ixxontta aggiko tana kaallizaade gidanaas dandayenna.