ሉቃሳ ሚሺራቾ 7:22 - Geeshsha Maxaafa

²² Yohannisi kiittiin izakko yidayta, «Biidi intte intte ayfera be7idayssanne siyidayssa Yohannisas yootite. Ayfe qooqeti xeelleettes; toho wobbeti suure hemetteettes; inchchirachcha hargizayti paxida; tulleti siyida; hayqqidayti hayqoppe dendida; manqotas Mishiraachcho qaalay yootettees.

ጋሞ ማጻፋ

²² ዮሃኒሲ ኪቲን ኢዛኮ ዪዳይታ፥ «ቢዲ ኢንቴ ኢንቴ ኣይፌራ ቤኢዳይሳኔ ሲዪዳይሳ ዮሃኒሳስ ዮቲቴ። ኣይፌ ቆቄቲ ጼሌቴስ፤ ቶሆ ዎቤቲ ሱሬ ሄሜቴቴስ፤ ኢንቺራቻ ሃርጊዛይቲ ፓጺዳ፤ ቱሌቲ ሲዪዳ፤ ሃይቂዳይቲ ሃይቆፔ ዴንዲዳ፤ ማንቆታስ ሚሺራቾ ቃላይ ዮቴቴስ።

Gamo Geesha Maxxafa New Testamen

²² Yanisay kiittin izakko yidayta biiddi inte inte ayfera beyddaysanne siiyidaysa Yanisassi yoottite. Ayfe qooqqeti xeelletesi toho wobeti suure hamuttetes inchirachcho harggizayti paxida tulleti siiyida hayqqidayti hayqqoppee dendida manqqotas mishrachcho qaalay yootettes.

ሉቃሳ ሚሺራቾ 7:22 ပူးပေါင်းရင်းမြစ်များ

ኢዮቤ ማጻፋ 29:15

Qooqetas ayfe, wobbetaskka toho gidadiskoshin.

ዬ ማጻፋ 146:8

GODAY qooqeta xeelisees. GODAY kundidayta denththees; GODAY xillotakka siiqees.

ኢሳያሳ ቲንቢቴ 42:16

Tani qooqeta istti erontta oge kaaleththana; istti meezetontta ogerakka ta istta efana; dhumaza ta istta sinththan poo7isana; kundukurcco sohota ta giigsana; haytantta ubbaa ta ooththontta aggike.

ኢሳያሳ ቲንቢቴ 43:8

Ayfey dishin qooqidayta, hayththika dishin tullidayta kessa.

ኤርማሳ ቲንቢቴ 31:8

Be7ite tani istta pudeha baggafe ehana; biitta gaxappeka tani shiishshana; istta giddon qooqetinne wobbeti, abbey baynda maccassatinne miixattizayti daana; keehi daridi bantta dere simmana.

ሶፎናሳ ቲንቢቴ 3:12

GODAA sunththan ammanettiza; ashketanne banttana kawushshizayta; ta intte giddon ashshana.

Maatosa 11:5

Qooqeti xeelleettes; wobbeti hemetteettes; inchchirachcha hargizayti paxeettes; tulleti siyeettes; hayqqidayti hayqoppe paxi dendeettes; manqotas Mishiraachcho qaalay yooteettes.

Maatosa 21:14

Ayfe qooqetanne tohoy silida asata Yesusaakko Xoossa Keeththe ehida. Izikka istta paththides.

ሉቃሳ ሚሺራቾ 4:18

«Godaa Ayanay ta bolla dees; manqotas Mishiraachcho qaala yootana mala tana tiydes; qashettidaytas birsheteth, qooqeti xeellana oge ta awajjana mala, metotettidayta ashshana mala, dosettida Godaa layththa awajjaa ta yootana mala tana kiittides» gizaso demmi nababides.

ሉቃሳ ሚሺራቾ 7:21

He wode Yesusi daro asaa waayeppe, hargefenne tuna ayanatappe paththides. Daro qooqeta ayfeykka xeellides.

ሉቃሳ ሚሺራቾ 7:23

Tanan dhuphettontta asi wurikka anjjettidayssa» gides.

ዮሃኒሳ ሚሺራቾ 1:46

Natina7eeley qasse, «Naazireteppe lo7o miishshi beetti erizee?» gi oychchiin Piliphoosi iza, «Haa yaada beya» gides.

ሃዋሬታ ኦሶ 26:18

Ne istta ayfe doyana malanne dhumappe poo7on kessana mala qasseka Xala7es haarettizasoppe Xoossako ne zaarana mala ooththana; isttika tana ammanida gishshas ba nagarappe maarettana; qasse doorettidayta giddon istti xinxxo demmana› gides.

ሃዋሬታ ኦሶ 8:7

Tuna ayanatikka daro asappe waassi waassi kezida; daro toho silatinne wobbetikka paxida.

ያቆቤ ኪታ 2:5

Ta siiqo ishatoo! Ane siyite; istti ammanon dureta gidana mala Xoossi bana dosizaytas hidota isttas immida kawoteththaa istti laattana mala hayssa ha alamezan diza manqota dooribeennee?