ሉቃሳ ሚሺራቾ 6:20 - Geeshsha Maxaafa

²⁰ Yesusikka bana kaallizaytas, «Xoossa Kawoteththay inttes gidida gishshas intteno manqotoo! Intte anjjettidayta;

ጋሞ ማጻፋ

²⁰ ዬሱሲካ ባና ካሊዛይታስ፥ «ጾሳ ካዎቴይ ኢንቴስ ጊዲዳ ጊሻስ ኢንቴኖ ማንቆቶ! ኢንቴ ኣንጄቲዳይታ፤

Gamo Geesha Maxxafa New Testamen

²⁰ Yesussaykka bena kaallizaytas hiz gides Xoossa kawotethay intes gidida gish inteno manqqoto inte anjettidayta,

ሉቃሳ ሚሺራቾ 6:20 ပူးပေါင်းရင်းမြစ်များ

ዬ ማጻፋ 37:16

Xillos de7iza guuththay iita asatas diza daro aqotappe aadhdhees.

ሌሚሶ ማጻፋ 16:19

Otoranchchatara zuppetidi di7i ehida miish shaaketti ekkanaappe manqotara manqeteththan duussi kiya.

ሌሚሶ ማጻፋ 19:1

Geella yo7o haasayza iita asappe ba de7on borey baynda hiyeesa asi lo7o.

ኢሳያሳ ቲንቢቴ 29:19

Ashketi GODAAN, hiyeesati Isra7eele Geeshshan zaari zaari ufayettana.

ኢሳያሳ ቲንቢቴ 66:2

Hayta ubbaa ta kushey ooththibeennee? Hayti beettana mala ooththiday tana gidikkinaa? Tani ashke; wozinay meqqidaadenne ta qaalaska kokkorizaadeko ta xeellays.

ሶፎናሳ ቲንቢቴ 3:12

GODAA sunththan ammanettiza; ashketanne banttana kawushshizayta; ta intte giddon ashshana.

ዛካራሳ ቲንቢቴ 11:11

He gallas kase caaqozi laalettides; un7etti uttidi tana xeelliza dorsati hessi GODAA qaala gididayssa erida.

Maatosa 11:5

Qooqeti xeelleettes; wobbeti hemetteettes; inchchirachcha hargizayti paxeettes; tulleti siyeettes; hayqqidayti hayqoppe paxi dendeettes; manqotas Mishiraachcho qaalay yooteettes.

Maatosa 25:34

He wode kawoy ushachcha baggara dizayta, ‹Inttenoo! Ta Aaway inttena anjjidayti haa yiite! Alamey medhettoosoppe inttes giigettida kawoteththaa laattite! gaana.

Maatosa 5:1

Daro derey shiiqidayssa be7idi Yesusi pude zuma bolla kezi uttides; iza kaallizaytikka izakko yida.

ሉቃሳ ሚሺራቾ 12:32

«Intteno guuththa wude mehe mala gididaytoo! Kawoteth inttes immanaas intte Aawaas lo7o qofa gidida gishshas babbofte.

ሉቃሳ ሚሺራቾ 13:28

«Intte Abrahaame, Yisaaqa, Yaaqoobenne nabeta ubbata Xoossa Kawoteththan be7iza wode intte karen yegetti attiko he wode inttes yeehonne achcha garccech gidana.

ሉቃሳ ሚሺራቾ 14:15

Maaddan Yesusara issife uttidaytappe issoy hayssa siyidi, «Xoossa Kawoteththan shiiqidi maaddaafe miza asi anjjettidaade» gides.

ሉቃሳ ሚሺራቾ 16:25

«Gido attiin Abrahaamey, ‹Ta naazoo neni biitta bolla dashe lo7o duus de7idayssa mala Alazaarey kase waaye be7idayssa ne qoppa; gido attiin ha7i izi ufayettishin neni waayettaasa.

ሉቃሳ ሚሺራቾ 4:18

«Godaa Ayanay ta bolla dees; manqotas Mishiraachcho qaala yootana mala tana tiydes; qashettidaytas birsheteth, qooqeti xeellana oge ta awajjana mala, metotettidayta ashshana mala, dosettida Godaa layththa awajjaa ta yootana mala tana kiittides» gizaso demmi nababides.

ሃዋሬታ ኦሶ 14:22

Ammanizayta wozina minththeththishe istti ammanon minni daana mala zorishe, «Nu Xoossa kawoteth gelanaas daro meto giddora aadhdhanaas koshshees» gida.

2ቆሮንቶሴ ኣሳስ 6:10

Muuzoy nuna gakkikokka ubba wode ufayettoos; nuni manqoko shin daro manqota dure kessoos; nuus aykkoyka bayndayta shin wurikka nuus dees.

2ቆሮንቶሴ ኣሳስ 8:2

Istti daro metoti dishe daro ufayettida; keehi manqota gidikkoka daro kiyattida.

2ቆሮንቶሴ ኣሳስ 8:9

Intte nu Godaa Yesus Kirstoosa kiyateth ereeta.

1ታሶሎንቄ ኣሳስ 1:6

Ha7i intte nunanne Godaa misatideta; intte bolla ay metoy gakkidaa gidikkoka Xillo Ayana ufayssan qaalaa intte ekkideta.

2ታሶሎንቄ ኣሳስ 1:5

Hessi wurikka Xoossa pirday suure gididayssa bessees; hessa gaason waaye be7iza intte Xoossa Kawoteththas bessizayta gidi beettideta.

ያቆቤ ኪታ 1:12

Paacen minni eqqidaadey izi anjjettidaade; gaasoykka izi paacera eqettishin Xoossi bana dosizaytas immida hidota de7o akilile izi ekkana.

ያቆቤ ኪታ 2:5

Ta siiqo ishatoo! Ane siyite; istti ammanon dureta gidana mala Xoossi bana dosizaytas hidota isttas immida kawoteththaa istti laattana mala hayssa ha alamezan diza manqota dooribeennee?

ዮሃኒሳ ኣጁታ 2:9

Tani ne waayezanne ne manqoteththaa erays; gidikkoka neni durekko. Ayhuda gidontta dishe bana nuni Ayhudakko giza Xala7e maabara gididayti heyti ne sunth mooroyssa ta erays.

1ሳሜላ ማጻፋ 2:8

Izi manqo gudullafe denththees; aykkoyka baynda manqoza dhoqqu dhoqqu histtees; ba shuumetarakka issife utisees; bonchcho araataakka laatisees. Gaasoykka biitta yochchati GODAASSA; izi alame istta bolla woththides.