ሉቃሳ ሚሺራቾ 4:6 - Geeshsha Maxaafa

⁶ «Hayssi ne be7iza biitta kawota godateththinne bonchchoy wurikka taas imettides; tanikka ta dosizaades immanaas dandayza gishshas neeskka immana.

ጋሞ ማጻፋ

⁶ «ሃይሲ ኔ ቤኢዛ ቢታ ካዎታ ጎዳቴኔ ቦንቾይ ዉሪካ ታስ ኢሜቲዴስ፤ ታኒካ ታ ዶሲዛዴስ ኢማናስ ዳንዳይዛ ጊሻስ ኔስካ ኢማና።

Gamo Geesha Maxxafa New Testamen

⁶ haysi ne beyizza biitta kawotetha duretethay wurikka taas imetides taka ta dosizaddes immanas dandda77iza gish, neeska immana gides.

ሉቃሳ ሚሺራቾ 4:6 ပူးပေါင်းရင်းမြစ်များ

ኣስቴሪ ማጻፋ 5:11

Haamay ba dureteththaanne gitateththaa, ba nayta daroteththaa, kawozi iza ay mala bonchchidaakko, hankko mokkonnetappenne shuumetappe ay mala iza dhoqqisidaakko nashetti yootides.

ኢሳያሳ ቲንቢቴ 23:9

Otorettizayta ubbaa bonchcho kawushshanaas qasse biittaa bolla dhoqqu dhoqqu gidayta ziqqi histtanaas GODAY Ubbaafe Wolqqama Xoossay halchchides.

ኢሳያሳ ቲንቢቴ 5:14

Duufoy ba gomppa aassadus; ba doonaakka zawappe bollara doyadus; Yerusalaamen de7iza gita asatinne hankko derey, wocamizaytanne guppizayta issi bolla mittana.

ሉቃሳ ሚሺራቾ 4:7

«Hessa gishshas neni kundada taas goynniko hayssi wurikka nees gidana» gides.

ዮሃኒሳ ሚሺራቾ 12:31

Hayssi alamey pirdettana wodey hayssa; hayssa dereza haariza Xala7ey ha7i gede kare yegettana.

ዮሃኒሳ ሚሺራቾ 14:30

Hayssa alameza haariza Xala7ey yiza wodey gakkida gishshas ha7i ta inttenara daro haasaykke; izi ta bolla aykkoka ooththanaas izas wolqqay deenna.

ዮሃኒሳ ሚሺራቾ 8:44

Intte intte aawaa Xala7e nayta; intte aawaa amo polana koyeeta; izi kasekka shemppo wodhidaade. Iza achchan tumay dontta gishshas izi tuman eqqibeenna; izi ba hu7es wordanchchanne wordo aawaa gidida gishshas izi wordo haasaya baappe medhdhi ekkidi haasayees.

2ቆሮንቶሴ ኣሳስ 11:14

Hessika daro malalisizaaz gidenna; Xala7eykka bana poo7o kiitanchcha misatissidi laammeettes.

ኤፌሶኔ ኣሳስ 2:2

hessa intte hayssa alameza iita oge kaallideta; bolla carko bolla diidi haariza wolqqama ayanatas ha7ikka Xoossas azazettontta asaa bolla ooththiza iita ayanas intte azazettishe gam7ideta.

1ጴጽሮሳ ኪታ 1:24

Geeshsha Maxaafay giza mala, «Asho may7iday wurikka maata mala; iza bonchchoyka wurikka wora ciishsha mala; maataykka melees; ciishshayka qokkees.

1ዮሃኒሳ ኪታ 5:19

Nuni Xoossafe gididayssanne alamey kumeth iita asa kushen dizayssa nu eroos.

ዮሃኒሳ ኣጁታ 12:9

He gita dawezi duge yegettides; izikka kumeththa alameza baleththiza daabulosa woykko Xala7e geetetti xeygettiza beni wode shooshshaza; izi duge biitta bolla yegettides; iza kiitanchchatikka izara issife yegettida.

ዮሃኒሳ ኣጁታ 13:2

Ta be7ida do7azi maahe misatees; iza tohoy do7a zardo toho misatees; iza doonay qasse gaammo doona misatees; dawezi ba wolqqaa, ba algazanne ba godateththaaka he do7azas immides.

ዮሃኒሳ ኣጁታ 13:7

Izi geeshshata olana malanne xoonana mala izas godateththi imettides; dumma dumma qommotanne zarkketa, dumma dumma qaalan haasayza dereta ubbaa bolla izas godateththi imettides.