ሉቃሳ ሚሺራቾ 11:2 - Geeshsha Maxaafa

² Izikka isttas, «Woossishe, ‹Nu Aawawu! Ne sunththi anjjetto; ne kawoteththi haa yo.

ጋሞ ማጻፋ

² ኢዚካ ኢስታስ፥ «ዎሲሼ፥ ‹ኑ ኣዋዉ! ኔ ሱን ኣንጄቶ፤ ኔ ካዎቴ ሃ ዮ።

Gamo Geesha Maxxafa New Testamen

² Izikka istas woosishe hizgidi woosite nu aawo ne sunthi anjjetto ne kawotethi haayo.

ሉቃሳ ሚሺራቾ 11:2 ပူးပေါင်းရင်းမြစ်များ

1ካዎታ ማጻፋ 8:43

neni ne dizason salon dashe siya; ne asati Isra7eeleti eriza mala sa7an diza asay ubbay ne sunththaa erana malanne nees yayyana mala, qasse tani keexxida ha Xoossaa keeththay nees goynoso gididayssa istti erana mala, he kare biittaa asi nena woossizayssa izas pola.

2ካዎታ ማጻፋ 19:19

Ha7ikka GODAWU nu Xoossawu! Neni xalla Xoossa gididayssa ha biittaa bolla diza kawoteththati erana mala iza kusheppe nuna ashsha» gi woossides.

2ታሪኬ ማጻፋ 20:6

«Abeet GODAA nu Xoossawu! Salon de7iza Xoossay nena! Sa7an de7iza kawoteththata ubbaa haarizay nena! Wolqqaynne maatay nees diza gishshas nenara eqettanaas dandayzay deenna.

ዬ ማጻፋ 103:20

Intteno iza kiitanchchatoo! Iza azazo poliza wolqqamatoo! Izi gizayssa ezgizaytoo! GODAA galatite.

ዬ ማጻፋ 108:5

Abeet Xoossawu! Salotappe bollara dhoqqu dhoqqu ga! Ne bonchchoy biitta ubbaa gakko.

ዬ ማጻፋ 11:4

GODAY ba geeshsha Keeththan dees; salon ba araatan uttidi asaa be7ees; iza ayfeti asaa pilggi xeelleettes.

ዬ ማጻፋ 57:11

Abeet Xoossawu! Neni salotappe bollara dhoqqu dhoqqu ga; ne bonchchoy sa7a ubbaa kumo.

ኤራንቻታ ማጻፋ 5:2

Haasayanawu eesotoppa; qasse issi miish Xoossas immana gaada eeson geppofa; ays giikko Xoossi salon dees; neni gidikko sa7an daasa; hessa gishshas ne haasayana qaalay ginara gido.

ኢሳያሳ ቲንቢቴ 63:16

Abrahaamey nuna erontta aggiko, Isra7eeleykka nuna akeekontta aggikokka neni nuus aawa. Abeet GODAWU, neni nuus aawa; Beniisofekka doommidi ne sunththay nuna wozzizayssa.

ሂዚቄላ ቲንቢቴ 36:23

Intte istta matan tunisiin kawoteththata giddon tunida gita ta sunththaa geeshshateththaa tani bessana. Istti xeellishin intte baggara tani ta geeshshateththaa qonccisiza wode kawoteththati tani GODAA gididayssa istti he wode erana. Tani Ubbaa Haariza GODAY hayssa yootays.

ዳኔላ ቲንቢቴ 2:28

Gido attiin xuura yo7o ubbaa qonccisiza Xoossi salon dees; izi buro sinththafe yaana layththatan hananayssa ubbaa nees qonccisides; neni ne hiiththan ichcha dashe be7ida agumoynne ajjuutay hayssafe kaallizayssa.

ዳኔላ ቲንቢቴ 2:44

«Heyta he kawota woden salo Xoossay mulerakka laalettonttanne hara deres aadhdhi imettontta kawoteth essana; he kawoteththazi hara kawoteththata mulera liiqisana; istta wurseth gakkanawukka dhayssana; he kawoteththazi ba hu7es mernaas minni daana.

ዳኔላ ቲንቢቴ 7:18

Gido attiin Ubbaafe Dhoqqa Xoossaa geeshshati iza kawoteththa baas ekkana; mernaas oykkana; ee mernaas istti oykkana› gides.

ዳኔላ ቲንቢቴ 7:27

Saloppe garsara de7iza kawoteththa ubbaa maatay, wolqqaynne gitateththay Ubbaafe Dhoqqa Xoossaa dere geeshshatas imettana. Iza kawoteththayka mernaa kawoteth gidana; dereza haarizayti ubbati izas azazettananne izas goynnana› gides.

ሆሴኤ ቲንቢቴ 14:2

Paaxeththa qaala ekki GODAAKKO simmidi, «Nu nagara ubbaa atto ga; nuni nu doonappe galata shiishshana mala ne maaroteththan nuna ekka.

ሌዌታ ማጻፋ 10:3

Musey qasse Aaroones, «GODAY, ‹Ta sinththe shiiqidi taas ooththizaytas tani ta geeshshateththaa qonccisana; tanikka ta dereza achchan bonchchettidaade gidana› giidi izi asaa kase qofsidayssi hayssa» gides. Aarooneykka ay zaarokka immontta co7u gides.

ሌዌታ ማጻፋ 22:23

Izas medheteththi wogay baynda adussa woykko qaanth gidida mehe ba dosan immiza kiyateththa imota gididi shiiqanaas dandayees; gido attiin adina gasos shiishshanaas dandayenna.

ኢምባቆ ቲንቢቴ 2:14

Abbay kumiza mala biittay GODAA gitateth eron kumana.

Maatosa 10:32

«Asa sinththan taas markkattizaades tanikka salon diza ta Aawaa sinththan izaades markkattana.

Maatosa 5:16

Hessaththoka asay intte lo7o ooso be7idi salon diza intte Aawaa bonchchana mala intte poo7oy asa sinththan poo7o.

ሉቃሳ ሚሺራቾ 11:1

Issi gallas Yesusi issison woossides; izi woosaa wursishin iza kaallizaytappe issoy, «Godoo! Xammaqiza Yohannisi bana kaallizayta woosa tamaarsidayssaththo nekka nuna woosa tamaarsa!» gides.

ኦሮሜ ኣሳስ 1:7

Xoossan dosettidaytanne geeshshata gidanaas xeygettida Oroome biittan diza inttes ubbaas nu Aawaa Xoossaafenne nu Godaa Yesus Kirstoosappe kiyateththinne saroteththi inttes gido.

ኦሮሜ ኣሳስ 8:15

Intte ekkida Ayanay zaaridi inttena aylleteththan haariza ayana gidontta «Nu Aawawu» gi xeygisiza naateteththa Ayana ekkideta.

1ቆሮንቶሴ ኣሳስ 1:3

nu Aawa Xoossafenne Godaa Yesus Kirstoosappe kiyateththinne saroy inttes gido.

2ቆሮንቶሴ ኣሳስ 1:2

Nu Aawaa Xoossaafenne Godaa Yesus Kirstoosappe kiyateththinne saroy inttes gido.

ጋላቲያ ኣሳስ 1:4

Nu Aawaa Xoossaa shene gidiin iita alamezappe nuna ashshanaas bana aaththi immidayssas,

ኤፌሶኔ ኣሳስ 1:2

nu Aawaa Xoossafenne Godaa Yesus Kirstoosappe kiyateththinne saroteththi inttes gido.

ፒሊጲሲዮሴ ኣሳስ 1:2

nu Aawaa Xoossaafe, Godaa Yesus Kirstoosappe kiyateththinne saroteththi inttes gido.

ፒሊጲሲዮሴ ኣሳስ 4:20

Nu Aawassinne nu Xoossaas mernaappe mernaas bonchchoy gido. Amiin.

ቆላሲያሴ ኣሳስ 1:2

Qolasiyaasen diza Kirstoosan dummatidaytassinne ammanettida ishatas nu Aawaa Xoossaafe saroteththinne kiyateththi inttes gido.

1ታሶሎንቄ ኣሳስ 1:1

Phawuloosappe, Silwaanoosappenne Ximtoosappe; Xoossaa Aawassinne Godaa Yesus Kirstoosayta gidida Tasolonqen diza ammaniza asaas nu Aawaa Xoossaafenne Godaa Yesus Kirstoosa kiyateththinne saroteththi inttes gido.

1ታሶሎንቄ ኣሳስ 1:3

Ammanoninne mino siiqoteththan intte ooththida ooso gishshas Godaa Yesus Kirstoosa bolla diza intte mino hidotan beettida intte minoteththaa gishshas nu Godaa Xoossaa, nu Aawaa sinththan ubba gallas intte gishshas qoppoos.

2ታሶሎንቄ ኣሳስ 2:16

Izi nu Godaa Yesus Kirstoosi qasse nuna siiqidaynne ba kiyateththan mernaa minththeththonne lo7o hidota izi nuus immida nu Aawaa Xoossay,

ዮሃኒሳ ኣጁታ 11:15

Laappunththo kiitanchchayka ba zayeza punnides; Salon, «Alame kawoteththi nu Godaa Xoossaassinne Kirstoosas gidides; izikka mernaappe mernaa gakkanaas kawotana» giza gita qaalay siyettides.

ዮሃኒሳ ኣጁታ 15:4

Godoo, nees babbontta asinne ne sunth bonchchontta asi oonee? Neni nerkka geeshsha; ne tumaa pirday qonccida gishshas dereti wuri yiidi ne sinththan nees goynnana» gi yexxida.

ዮሃኒሳ ኣጁታ 19:6

Daro asa qaala giiris misatizay, shaafa haaththa giiris misatiza giiris, wolqqama daada giiris misatiza giirissi, «Hale luuya! Ubbaa Dandayza Goday Kawotees!

ዮሃኒሳ ኣጁታ 20:4

Hessafe guye tani algata beyadis; he algata bolla pirda pirdanaas godateththi isttas imettidayti uttidayta beyadis; qasseka Yesusa gishshas istti markkattida gishshassinne Xoossa qaalaa gishshas istta qoodhey qanxxettida asata shemppoka beyadis; heytantti do7azassinne iza mislezas goynnibeettenna; iza malataakka ba liiphe bolla gidiin ba kushe bolla woththonttayta; istti hayqoppe dendida Kirstoosara issife shii layth kawotida.