ሉቃሳ ሚሺራቾ 10:42 - Geeshsha Maxaafa

⁴² Koshshizay gidikko issi miish xalla; Maaramakka lo7o exa dooradus; hessika izippe ekettenna» gides.

ጋሞ ማጻፋ

⁴² ኮሺዛይ ጊዲኮ ኢሲ ሚሽ ጻላ፤ ማራማካ ሎኦ ኤጻ ዶራዱስ፤ ሄሲካ ኢዚፔ ኤኬቴና» ጊዴስ።

Gamo Geesha Maxxafa New Testamen

⁴² Koshizay gidikko issi miish xalla, Maaramaka lo7o exa dooradus, hessikka izippe ekettenna.”

ሉቃሳ ሚሺራቾ 10:42 ပူးပေါင်းရင်းမြစ်များ

ዬ ማጻፋ 119:111

Ne immida wogay taas mernaas laata; ta wozinay izan ufayettees.

ዬ ማጻፋ 119:173

Tani ne azazota dooradis; hessa gishshas ne kushey tana maaddanaas giigi utto.

ዬ ማጻፋ 119:30

Tani tumaa oge dooradis; ne wogaakka ta wozinan woththadis.

ዬ ማጻፋ 142:5

Abeet GODAWU! Ne tana maaddana mala ta neekko waassays; ta zemppoy nena; ta shemppora paxa dishin ta qaaday nena.

ዬ ማጻፋ 17:15

Gido attiin tani xilloteththan ne sinththa beyana; tani beeggiza wode ne bonchcho be7ada alana.

ዬ ማጻፋ 27:4

Tani GODAA issi miish oychchays; hessika tani ta de7o layth ubbaan GODAA keeththan de7anaassa; tani GODAA bonchcho lo7oteththa be7anaassa; iza Keeththankka iza koyashe de7anaassa.

ዬ ማጻፋ 73:25

Salon neeppe attiin taas haray ooni dizee? Sa7ankka neeppe hara oonakka koykke.

ኤራንቻታ ማጻፋ 12:13

Hekko ubbaa miishshi yootettides; yo7o ubbaas kuushshi hayssa; Xoossas yayya; iza azazo naaga; hessika asa naas imettida kumeththa ooso.

ማርቆሳ ሚሺራቾ 8:36

Asi alame kumeth haarikkonne ba shemppo dhayssiko iza ay go7anee?

ሉቃሳ ሚሺራቾ 10:39

Izis Maaramo geetettiza issi michcheya dawus. Maaramakka izappe qaala siyashe Godaa toho garsan uttadus.

ሉቃሳ ሚሺራቾ 11:1

Issi gallas Yesusi issison woossides; izi woosaa wursishin iza kaallizaytappe issoy, «Godoo! Xammaqiza Yohannisi bana kaallizayta woosa tamaarsidayssaththo nekka nuna woosa tamaarsa!» gides.

ሉቃሳ ሚሺራቾ 12:20

«Gido attiin, ‹Xoossi haysso eeyazoo! Ne shemppoyo hach omars neeppe ekkana koyeettes; hessa gishshas ne nees shiishshidayssi oonas gidanee?› gides.

ሉቃሳ ሚሺራቾ 12:33

Inttes dizayssa bayzidi manqotas immite; kaysoy ekkonttason, bilay monttason, cimmontta korojon wurontta miish salon shiishshite.

ሉቃሳ ሚሺራቾ 16:2

Dure addezi he addeza xeygidi, ‹Haysso ta siyizayssi hessi aazee? Hayssafe doommada ne ta keeththaa ayssizaade gidanaas dandayontta gishshas ne alaafeteththan giddon diza miishshaa oykkida mazgabaa taas zaara› gides.

ሉቃሳ ሚሺራቾ 16:25

«Gido attiin Abrahaamey, ‹Ta naazoo neni biitta bolla dashe lo7o duus de7idayssa mala Alazaarey kase waaye be7idayssa ne qoppa; gido attiin ha7i izi ufayettishin neni waayettaasa.

ሉቃሳ ሚሺራቾ 18:22

Yesusikka hessa siyidi, «Histtiko nees issi miishshi paccees; nees dizaaz wursa bayzada manqotas imma; salo mazgaban demmandasa; izappe guye yaada tana kaalla» gides.

ሉቃሳ ሚሺራቾ 8:18

«Hessa gishshas intte siyizayssa naagetti siyite; diza asas gujettana; bayndaades ubbaafe izas dizaa misatizaarakka ekettaychchana» gi zaarides.

ዮሃኒሳ ሚሺራቾ 11:1

Bitaaniya geetettizason Maaramanne Martay diza gutan Alazaare geetettizaadey sakettides.

ዮሃኒሳ ሚሺራቾ 11:19

Istta ishay hayqqida gishshas Maaramonne Marta minththeththanaas daro Ayhuda asay isttako shiiqides.

ዮሃኒሳ ሚሺራቾ 12:3

Maarama daro al7o waagara shamettida bagga litiro gidiza geeshsha nardoose shitto ekka yaada Yesusa toho bolla gussada tohoza ba hu7e binanara quccadus. Keeththaaka shitto sawoy kumides.

ዮሃኒሳ ሚሺራቾ 17:3

Mernaa de7oykka ne xalla tumu Xoossanne ne kiittida Yesus Kirstoosa ero guussa.

ዮሃኒሳ ሚሺራቾ 4:14

Ta immiza haaththe uyizaadey gidikko mernaas mulekka saamettenna; gaasoykka ta immiza haath uyizaades mernaa de7os pulttiza pultto haaththe gidana» gides.

ዮሃኒሳ ሚሺራቾ 5:24

«Ta inttes tuma gays; ta qaalaa siyizaadessinne tana kiittidaaden ammanizaades mernaa de7oy dees. Izaadey hayqoppe gede de7on pinnides attiin iza bolla pirdettenna.

ዮሃኒሳ ሚሺራቾ 6:27

Dhayana kaththas ooththofte. Gido attiin hessafe aaththidi Xoossay aaway ammanththiza maatame iza bolla shocida gishshas Asa Nay inttes immiza mernaa de7os gidiza kaththas ooththite» gides.

1ቆሮንቶሴ ኣሳስ 13:3

Taas dizaaz wursa manqotas ta immikokka, ta asateth ta taman xuuggikokka, siiqoy baynda aggiko tana hessi aykkoka maaddenna.

ጋላቲያ ኣሳስ 5:6

Asi Yesus Kirstoosan diikko qaxxarettiin woykko qaxxarettontta aggiin aykkoka go7enna; go7ay dizay siiqon qoncciza ammano xalla.

ዛሬ ማጻፋ 30:19

Tani intte sinththan de7onne hayqo, anjjonne qanggeth woththidayssas hach salonne sa7aa intte bolla markkasays; hessa gishshas intteninne intte zareti de7on de7ana mala de7o doorite.

ኢያሶ ማጻፋ 24:15

GODAAS goynoy koshshontta miish misati inttes beettiko kase intte aawati shaafappe he pinththan dishe goynnida eeqa xoossata woykko ha7i intte diza Amooreti goynniza xoossata goynnana gidikko intte goynnanayssa hach doorite; taninne ta keeththa asay gidikko GODAAS goynnana» gides.

ኢያሶ ማጻፋ 24:22

Hessafe guye Iyaasoy deraas, «Intte GODAAS goynnanaas doorida gishshas intte hu7es intte markka» gides. Isttika zaaridi, «Ee nuni markka!» gida.