ሉቃሳ ሚሺራቾ 10:31 - Geeshsha Maxaafa

³¹ Issi qeesey he ogera baas duge wodhdhishe aamunsontta he qoxettida addeza demmidi pooqeththara yeggi aadhdhides.

ጋሞ ማጻፋ

³¹ ኢሲ ቄሴይ ሄ ኦጌራ ባስ ዱጌ ዎሼ ኣሙንሶንታ ሄ ቆጼቲዳ ኣዴዛ ዴሚዲ ፖቄራ ዬጊ ኣዴስ።

Gamo Geesha Maxxafa New Testamen

³¹ Issi qeesey he ogera bees duge wodhishe aamunthontta he qoxettida ura demmida pooqethara yegi aadhdhidees.

ሉቃሳ ሚሺራቾ 10:31 ပူးပေါင်းရင်းမြစ်များ

2ሳሜላ ማጻፋ 1:6

Woreza izas yootida naateththa naazi izas zaaridi, «Toorontta dashe tani pude Gilbo7a zuma bolla kezadis; Sa7ooli heen ba toora bolla zemppi dishin para-gaaretinne toga asay goodereththishe iza bolla gakki wodhdhida.

ዬ ማጻፋ 142:4

Tani ta yuusho simma xeelliza wode tana maaddanay oonikka deenna; ta baqata attanaasoyka deenna; ta shemppoys wudettiza asikka deenna.

ዬ ማጻፋ 69:20

Cashshi ta wozina madunththiin ta hidota qanxxadis. Taas qadhettiza as koyadis; gido attiin issi asikka deenna. Tana minththeththiza as koyadis; gido attiin issaadeka demmabeekke.

ሌሚሶ ማጻፋ 21:13

Manqo waaso siyanaappe giidi ba hayth tucciko izikka waassiza wode alliza asi dhayana.

ኤራንቻታ ማጻፋ 9:11

Tani salo gufanththon hara miish be7adis; woththan xoonoy pilatatas olan xoonoy wolqqamatas gidenna; kaththi aadho eranchchatas, dureteththi kiphatanchchatas, sabay eranchchatas gidenna; gido attiin ubbatikka wodeynne qaaday gaththida mala haneettes.

ኢሳያሳ ቲንቢቴ 58:7

Qasseka ne qumaappe gafidaades shaakkanaas, toylattida manqoza neso gelththanaas, kallottida be7ada mayzanaas, nees asho dabbozas ne sinththi ne tukkontta mala gidennee?

ኤርማሳ ቲንቢቴ 5:31

Nabeti wordo tinbite yooteettes; qeesetikka istta zoren aysseettes. Ta asaykka hessa mala miish dosees! Histtiin wurseththan intte ay ooththanee?» gees.

ሆሴኤ ቲንቢቴ 5:1

Intteno qeeseto hayssa siyite! Isra7eele asatoo akeekite! Kawo keeththa asatoo hayssa ezgite! Hekko pirday intte bolla yides; Gaasoykka intte Mixiphphan narxa, Taaboore zuman gite gidideta.

ሆሴኤ ቲንቢቴ 6:9

Pangati ase wodhanaas zamadiza mala qeesetikka zuppetidi hessaththo ooththeettes. Gede Seekeeme efiza oge bollaka naagi naagi as wodheettes; yeellachchiza iita miish ooththeettes.

ሚልካሳ ቲንቢቴ 1:10

«Taas Yarsho yarshizason go7ay baynda tama intte eeththontta mala inttefe issaadeyka Xoossa Keeththa penge gordizaakko aazee dizay! Ta inttenan ufayettikenne intte kusheppe ay yarshoka ekkike» gees Ubbaafe Wolqqama GODAA Xoossay.

ሉቃሳ ሚሺራቾ 10:30

Yesusikka zaaridi, «Issi addezi Yerusalaameppe Iyarkko wodhdhishin pangati demmidi iza may7o qaari ekkida; keehi qoxereththidi hayqoppenne paxappe giddon yeggi aggidi bida.

ሉቃሳ ሚሺራቾ 10:32

Qasseka issi Lewe bagga asappe issi addezi he ogera aadhdhishe qoxettida addeza be7idi ha7ikka pooqqidi aadhdhides.

ኡሩቲ ማጻፋ 2:3

Histtiin Uruta baada kath maxiza asaa guyeppe piixe shiisho doommadus; iza piixeza shiishshiza gadey Abimelekke dabbo Boo7eeze gade.