ሉቃሳ ሚሺራቾ 1:51 - Geeshsha Maxaafa

⁵¹ Ba wolqqan daro mino ooso ooththides; ba wozina qofan otorettizayta laallides.

ጋሞ ማጻፋ

⁵¹ ባ ዎልቃን ዳሮ ሚኖ ኦሶ ኦዴስ፤ ባ ዎዚና ቆፋን ኦቶሬቲዛይታ ላሊዴስ።

Gamo Geesha Maxxafa New Testamen

⁵¹ Be wolqan daro mino ootho oothides ba wozina qofan otoretizayta laalides.

ሉቃሳ ሚሺራቾ 1:51 ပူးပေါင်းရင်းမြစ်များ

ሜቴ ማጻፋ 11:8

Hessa gishshas GODAY istta hessafe biitta ubbaa bollan laalliin istti he gita katama ooththizayssa aggaagida.

ሜቴ ማጻፋ 6:5

GODAY he wode biitta bollan diza asaa iitateththi daridayssanne istti ba wozinan qoppizayssi wuri ubba wodekka iita xalala gididayssa be7ides;

ሜቴ ማጻፋ 8:21

Histtiin GODAY yarshoza peeno sawizayssa singidi ba wozinan, «Yelagateththafe doommiin asi wozinan qoppizayssi wuri iita gidikkoka tani asa gishshas gaada nam7anththo mulekka ha biitta qanggike. Qasse tani ha7i ooththida mala paxa diza medheteth ubbaa nam7anththo mulekka dhayssike.

ዬ ማጻፋ 118:15

Xillota dunkaane giddon xoono ililisinne ufayssa yeththi, «GODAA ushachcha kushey wolqqama miish ooththides!» gishe seetettees.

ዬ ማጻፋ 33:10

GODAY kawoteththata halchcho laallana; istta qofaakka hada ooththana.

ዬ ማጻፋ 52:9

Neni ooththida ubbaas tani nena mernaas galatays; ne lo7o gidida gishshas ta ne sunththan hidota ooththays; tani Xoossa deraa sinththan ne kiyateththaa sabbana.

ዬ ማጻፋ 63:5

Asi lo7o kath mi kallidi ufayettiza mala ta shemppoya nenan ufayettana; tani ta inxarsan ufayssa yeththan nena galatana.

ዬ ማጻፋ 89:10

Neni Era7aabe geetettiza abba do7aza qoxereththa wodhadasa; ne morkketa ne wolqqama qesen laalladasa.

ዬ ማጻፋ 89:13

Nees wolqqama qesey dees; ne qesey mino; ne ushachcha qesey yashshees.

ዬ ማጻፋ 98:1

GODAAS ooraththa mazamure yexxite; gaasoykka izi malalisiza miish ooththides; iza ushachcha kusheynne iza geeshsha qesey izas xoono immides.

ኬሳ ማጻፋ 18:11

Izi Isra7eele asaa bolla otorettidaytas hayssa ooththida gishshas GODAY hara eeqa xoossata ubbaafe gooba gididayssa tani ha7i eradis» gides.

ኢሳያሳ ቲንቢቴ 40:10

Hekko Ubbaa Haariza GODAY wolqqara yees; iza qesey iza gishshas haarana. Be7ite iza woytoy izara dees; izi ciggana ooso waagaykka izara dees.

ኢሳያሳ ቲንቢቴ 51:9

Abeet GODAA qesey denda; wolqqa may7a; kase aadhdhida wodetan, miimintte qanxxereththiday, gita daweza caddiday nena gidikkii?

ኢሳያሳ ቲንቢቴ 52:10

GODAY ba geeshsha qesaa kawoteththata ubbaa sinththan qonccisana; qasse biittaa gaxan diza ubbayka nu Xoossaa atoteththaa be7ana.

ኢሳያሳ ቲንቢቴ 63:12

Bonchchettida wolqqama qese, Muses ushachcha kushe bolla woththides; baas mernaas sunth kessanaas, haaththata istta sinththan shaakkides.

ኤርማሳ ቲንቢቴ 49:15

GODAY, «Ha7i tani nena kawoteththata giddon laafa; asaa giddonkka kadhettidaade ooththana.

ዳኔላ ቲንቢቴ 4:37

«Hekko be7ite! Tani Nabukadanaxoorey salo kawos galata, bonchchonne saba shiishshays; iza ooso ubbay likke; iza ogeykka suure; otoranchchata izi kawushshanaas dandayees» gides.

ኦሮሜ ኣሳስ 1:21

Istti Xoos erikkoka iza Xoossateththaa mala iza bonchchibeettenanne galatibeettenna; gido attiin istta qofay mela go7ay bayndaaz gididessinne yuushshi qoppontta mala istta wozinay dhumides.

2ቆሮንቶሴ ኣሳስ 10:5

Xoos erontta mala dhuphe gidi dendiza palamanne otoreteth nu laalloos; asa qofa ubbaa di7i ekkidi Kirstoosas azazettana mala ooththoos.

ዛሬ ማጻፋ 4:34

Woykko GODAA intte Xoossay intte xeellishin Gibxe biittan inttes ooththizayssaththo paacen, malaatan, malalisiza miishshan, olan, mino qeseninne micettida kushen, qasse yashissiza ba wolqqan hara kawoteththata giddo gelidi issi kawoteth baas ekkanaas baaxetida hara xoossi dizee?

1ጴጽሮሳ ኪታ 5:5

Hessaththoka intteno naateththatoo! Intte cimatas azazettite; intte wurikka ashketeth afala mala may7idi issoy issaas ooththite. «Xoossi otorizayta ixxees; ashketas qasse ba kiyateth immees» geetetti kase Geeshsha Maxaafan xaafettides.

ዮሃኒሳ ኣጁታ 18:8

Hessa gishshas izi bolla boshay wurikka issi gallas gakkana; hayqoy, muuzoteththinne gafay izo gakkana; iza taman xuugettana; izi bolla pirdiza Goday Xoossi izi mino» gishin tani siyadis.