ሌዌታ ማጻፋ 26:16 - Geeshsha Maxaafa

¹⁶ he wode tani intte bolla hayssa ehana; gita dagama, gilqateth, ayfe boljesizaaz, asateththa gilqisizaaz qoxo harge ta intte bolla ehana; intte zereth zeranaashin coo mela hada gidana; gaasoykka intte zeridayssa intte morkketi maana.

ጋሞ ማጻፋ

¹⁶ ሄ ዎዴ ታኒ ኢንቴ ቦላ ሃይሳ ኤሃና፤ ጊታ ዳጋማ፥ ጊልቃቴ፥ ኣይፌ ቦልጄሲዛዝ፥ ኣሳቴ ጊልቂሲዛዝ ቆጾ ሃርጌ ታ ኢንቴ ቦላ ኤሃና፤ ኢንቴ ዜሬ ዜራናሺን ጮ ሜላ ሃዳ ጊዳና፤ ጋሶይካ ኢንቴ ዜሪዳይሳ ኢንቴ ሞርኬቲ ማና።

ሌዌታ ማጻፋ 26:16 ပူးပေါင်းရင်းမြစ်များ

1ካዎታ ማጻፋ 8:37

«Biittaa bollan koshay woykko iita hargey, woykko kutul7ey shocikko woykko qooykko, woykko booley, woykko gumbaroy biitta bollan yiikko, woykko morkkey istta katamata dooddiko, woykko ay bashshika woykko hargey yiikko,

ኢዮቤ ማጻፋ 18:11

«Yashshi iza giddoththides; guyera kaalli kaalli goodereththees.

ኢዮቤ ማጻፋ 20:25

Wondafezikka zokkaara kanththi ke7ana; xoxolqu giza xeerazi izas tireza duusereththidi aadhdhana; wolqqama hirgan iza wozinay dagammana.

ኢዮቤ ማጻፋ 31:8

tani zeridayssa hara asi mo. Ta caarechchazikka kumeththi shodetti oletto.

ዬ ማጻፋ 109:6

Iza bolla iita daanna shuuma; iza mootizaykka iza ushachchan eqqo.

ዬ ማጻፋ 73:19

Istti hassa7ontta eeson dhayda; dagaman issoyka attontta dippi gida.

ዬ ማጻፋ 78:33

Hessa gishshas izi istta layththata peeno mala aaththides; istti diza wodeta hirgan wursides.

ኬሳ ማጻፋ 15:26

Izi isttas, «GODAA intte Xoossay yootizayssa intte lo7eththi siyikko, iza ayfe sinththan lo7o ooththiko, intte iza azazo wozinan woththi naagikko, iza wogaakka ubbaa naagikko, tani Gibxe asaa bolla ehida hargefe issaaka intte bolla ehikke; gaasoykka tani inttena paththiza GODAA» gides.

ሌሚሶ ማጻፋ 3:33

GODAA qanggeththi iita ooththizayta keeththanna; gido attiin iza anjjoy xillotasonna.

ኢሳያሳ ቲንቢቴ 10:4

Qashettida asaara issife qasheteththafe shukettiza asaara issife shuketeththafe attiin haray inttes attanaasoy deenna. Hessi ubbay haniinkka GODAA hanqoy dochchibeenna; qaxxayanaas izi ba kushe denththi woththides.

ኢሳያሳ ቲንቢቴ 62:8

GODAY ba ushachcha kusheninne ba wolqqama qesen, «Hayssafe guye ta intte kath intte morkketas quma gidana mala immike; qasse intte daaburi kessida ooraththa ushshaa allagati uyettenna.

ኢሳያሳ ቲንቢቴ 7:2

Aaraame dereynne Efreeme derey issi bolla gididi olas ke7idayssa Dawite zareppe kawotida kawoy siyida wode wora mith carkoy qaaththiza mala Akaaze wozinaynne deraa wozinay qaaxxides.

ኤርማሳ ቲንቢቴ 12:13

Istti gistte zeridi agunth cakkana; istti daro daaburanaashin aykkoka demmettenna; daro zeridi GODAA hanqo gaason intte guuth demmidi yeellatana» gides.

ኤርማሳ ቲንቢቴ 15:3

«GODAY, ‹Tani oyddu qommo bash istta bolla ehana; heytikka istta wodhanaas mashsha, istta aha goochchanaas kanata, istta ashoza miidi dhayssanaas salo kafotanne sa7a do7ata.

ኤርማሳ ቲንቢቴ 15:8

Tani istta am7eta qooda abban diza aceppeka darsana; mino aayeta dhayssizaaz seeta gallas ta istta bolla ehana; istti qoppontta dishin dagamanne shiro ta istta bolla yeggana.

ኤርማሳ ቲንቢቴ 20:4

Gaasoykka GODAY, ‹Tani nenanne ne laggeta ubbaa dagamas aaththa immana; istti neni xeellishin bantta morkketa mashshan wurana; tani Yuhuda asaa ubbaa Baabiloone kawo kushen aaththa immana; izi istta di7idi Baabiloone efana; histtidi heen istta mashshan siifana.

ኤርማሳ ቲንቢቴ 5:17

Istti intte kaththaanne qumaa pitti maana. Intte attuma naytanne macca nayta wodhana. Intte dorsanne miizaa bonqqidi maana. Intte woyne teeranne balase teera bonqqidi maana. Intte ammanettiza gimbettida katamatakka istti bantta mashshan dhayssana» gees.

ሂዚቄላ ቲንቢቴ 24:23

Intte hu7eppe quraace diggeketa; intte tohoppe caamma kesseketa; intte intte nagaran gilqana; issoy issaara tookki shempana attiin kayos utteketanne yeekkeketa.

ሂዚቄላ ቲንቢቴ 33:10

«Haysso asa nawu! Isra7eele asaas intte, ‹Nu nagaraynne nu qohoy nuna deexxides; hessafe dendidayssan nuni dhayana goos; histtiin nuni waani daana dandayzonii?› geeta.

ኣሞጼ ቲንቢቴ 5:11

Manqota un7eththeeta; istta wolqqara kath giiriseeta; inttes masettida shuchchafe keeth keexxideta shin he keeththan deekketa. Aradda biittan woyne miththa tokkideta shin izappe agettida woyne ushshu uyekketa.

ሚኪያሳ ቲንቢቴ 6:15

Ne zerana shin maxakka; wogara miththa zayte ne gum7ana shin he zayteza tiyetta; woyne miththa ayfe xunqqa shiishshanashin woyne ushshu ne uyakka.

ሃጌ ቲንቢቴ 1:6

Daro zerideta shin guuth maxi shiishshideta. Mideta shin kallibeekketa; uyideta shin alibeekketa; may7ideta shin may7oy inttena ho7ibeenna; damoza ekkideta shin intte ekkida damozay daakeththa karaxiiten woththidayssa mala» gees.

ዛካራሳ ቲንቢቴ 14:12

Yerusalaame olana dendiza dere bolla GODAY bosha harge ehana; istta shemppora paxa dishin istta ashoy wooqqana; istta ayfeynne inxarsay heen ba dizason wooqqana.

ሚልካሳ ቲንቢቴ 2:3

«Intte gaason intte nayta ta hanqana; intte yarshos shiishshiza mehe toce ta gede intte ayfe bolla laallana; intteka izara issife dhayana.

ዛሬ ማጻፋ 28:51

Istti ne mehenne ne kath ubbaa pitti mizayta gidida gishshas neni hayqqana gakkanaas koshan waayana; istti ne dhayana gakkanaas ne kaththaafe issi ayfe, ne meheppe guuththa mari, ne dorsafe guuththa laaqqa, woyneppenne wogara miththa ayfeppe qii palakka ashshettenna.

ዛሬ ማጻፋ 32:25

Oge ubbaan istta nayta olay wursana; keeththa giddonkka hirgay kumana; panththatinne geela7oti, guuththa naytinne cimati ubbay wurana.

Ibirawe 10:31

De7o Xoossaa kushen kundeththi daro babisees.

ዳናታ ማጻፋ 6:11

Hessafe guye GODAA kiitanchchay Oofira geetettizason diza Abi7eezere zereththafe Iyo7aasa wolaa garsan yi uttides; he wode Iyo7aasa naa Geedooni Midiyaame asaappe qotettanaas woyne gum7izasohon gistte bukkees.

1ሳሜላ ማጻፋ 2:33

Tani taas yarsho yarshizasozappe diggontta ne zereththati, shemppora paxa attanayti ne ayfeta afunththan doljumissanaas, ne wozinaakka ceecen kunththanaas xalla attana. Gido attiin hara ne zereththati ubbay yelagateththan mulqqetti hayqqana.