ሌዌታ ማጻፋ 17:7 - Geeshsha Maxaafa

⁷ Isra7eele nayti istta ammanoppe haassiza daydanththatas yarsho ooththidi ba mehe beettooson beettooson yarshos shukkanaas bessenna; hessika isttassinne isttafe guye yeleta ubbaas mernaa woga gidi de7o.

ጋሞ ማጻፋ

⁷ ኢስራኤሌ ናይቲ ኢስታ ኣማኖፔ ሃሲዛ ዳይዳንታስ ያርሾ ኦዲ ባ ሜሄ ቤቶሶን ቤቶሶን ያርሾስ ሹካናስ ቤሴና፤ ሄሲካ ኢስታሲኔ ኢስታፌ ጉዬ ዬሌታ ኡባስ ሜርና ዎጋ ጊዲ ዴኦ።

ሌዌታ ማጻፋ 17:7 ပူးပေါင်းရင်းမြစ်များ

2ታሪኬ ማጻፋ 11:15

Iyorba7aamey goynniza dhoqqasohotan hara qeeseta sunththides; histtiin istti izi medhdhida deysha misletassinne mara misletas qeese gididi ooththida.

ዬ ማጻፋ 106:37

Istti bantta attumanne macca nayta daydanththatas yarshida.

ዬ ማጻፋ 106:39

Hessaththo istti bantta ooson tunidanne layma maccassa mala bantta Xoossas ammanettontta ixxida.

ኬሳ ማጻፋ 22:19

«Mehera gaaggiza asi oonikka hayqqo.

ኬሳ ማጻፋ 22:20

«GODAAS xalalappe attiin hara xoossas shukki yarshiza asi oonikka hayqqi dhayo.

ኬሳ ማጻፋ 27:21

Aarooneynne iza attuma nayti xomppey GODAA sinththan qammida gadey wonttana gakkanaas poo7ana mala, Xoossa Dunkaaneza giddon, caaqo qaalaas markkay iza giddon diza taabotaa sinththan diza magalashaappe karera eeththetto. Hayssi Isra7eele asaas mernaas woga gidi de7o.

ኬሳ ማጻፋ 32:8

Tani istta azazida ogeppe istti eeson sher7i giichchida. Worqqa seerisidayssa mara misatissidi, baas eeqa xoossata medhdhidi izas goynnidanne yarshida. Qasseka, ‹Isra7eele asawu! Nuna Gibxe biittafe kessida nu xoossati haytantta› gida.

ኬሳ ማጻፋ 34:15

«He biittan diza asatara ay caaqokka caaqettofte; ays giikko istti tanan ammanettontta ixxidi ba eeqata kaalliza wodenne isttas yarshiza wode istti inttena xeygikko intte istta yarsho maana.

ኤርማሳ ቲንቢቴ 3:1

«Issi asi ba keeththaayo anjji yeddiin iza baada hara azina gelikko, kase anjji yeddidaadey simmi izikko bizee? izi biikko he biittaya mule tunekkee? Neni gidikko ne siiqiza cora laggetara laymatadasa; histtadakka ha7i neni taakko simmana koyay?» gees.

ሂዚቄላ ቲንቢቴ 23:3

Istti buro naateththan dishe Gibxe biittan laymateth doommida; heen istti dishin dhanththi tiran uttides; adde nayti izan kaa7ida; istta geela7oteththayka ekettides.

ሂዚቄላ ቲንቢቴ 23:8

Iza Gibxen doommida laymateththa aggabeekku; heen izi yelagateththa wode attumasati izira zin7ida; izi geela7oteththa dhanththaa gorpereththida; ba amottida amoteththaa izi bolla polida.

ሌዌታ ማጻፋ 17:8

«Ne isttas, ‹Isra7eele naytappe gidiin woykko isttara diza hara dere as gidiin Dunkaaneza pengefe attiin harason awanka GODAAS xuugettiza yarsho woykko hara yarsho yarshiko hessaadey GODAA deretara qoodettanaas bessenna› ga yoota.

ሌዌታ ማጻፋ 20:5

tani ta baggara hessaadenne izaadeso asaa qasseka taas ammanettontta molookes goynnon izara issife gididayta ubbaa bolla iita hanqo yeddana; hessafe guye heytantta tani istta istta dereza giddofe shaakka dhayssana.

ሌዌታ ማጻፋ 3:17

Isra7eele naytappe handa mizaadey woykko mehe suuth uyizaadey dooppo; hessi wuri Isra7eele nayti dizasoninne istti diza wode ubbaan mernaas eqqi diza woga gido.»

ዮሃኒሳ ሚሺራቾ 12:31

Hayssi alamey pirdettana wodey hayssa; hayssa dereza haariza Xala7ey ha7i gede kare yegettana.

ዮሃኒሳ ሚሺራቾ 14:30

Hayssa alameza haariza Xala7ey yiza wodey gakkida gishshas ha7i ta inttenara daro haasaykke; izi ta bolla aykkoka ooththanaas izas wolqqay deenna.

1ቆሮንቶሴ ኣሳስ 10:20

Gidenna! Ammanontta asay shiishshiza yarshoy Xoossas gidontta Xala7essa; inttes Xala7era issifeteththi daana mala ta koykke.

2ቆሮንቶሴ ኣሳስ 4:4

Xoossa leemiso gidida Kirstoosa bonchcho Mishiraachcho qaalaa poo7oza ha alame asay be7ontta mala hayssa ha alameza xoossi ammanontta asaa wozina muumisides.

ኤፌሶኔ ኣሳስ 2:2

hessa intte hayssa alameza iita oge kaallideta; bolla carko bolla diidi haariza wolqqama ayanatas ha7ikka Xoossas azazettontta asaa bolla ooththiza iita ayanas intte azazettishe gam7ideta.

ዛሬ ማጻፋ 31:16

GODAY Muses, «Neni mata wode hayqqada ne aawatan gayttana; hessafe guye hayssi asazi ta izara caaqettida qaalaa laallana; istti tana aggaagidi layma maccassa mala he istti laattana biittaan diza eeqa xoossatas goynnana.

ዛሬ ማጻፋ 32:17

Hayssafe kase ba eronttaytas, Xoos gidontta daydanththatas, mata wode yida xoossatas, beni istta aawati isttas goynnontta eeqatas, istti yarsho shiishshida.

ዮሃኒሳ ኣጁታ 9:20

Hayta ha boshatan hayqoppe attida asa zereththati kase ba ooththida iita oosoppe simmidi maaroteththan gelibeettenna. Daydanththas worqqafe, birappe, xarqimalappe, shuchchafe, miththafe oosettidi xeellanaas woykko hayththan siyanaas woykko hemettanaas dandayontta eeqatas goyno aggibeettenna.