ሌዌታ ማጻፋ 13:2 - Geeshsha Maxaafa

² «Ay asikka izaade bolla kixay woykko shimpey woykko illiway izaade bolla beettidi qaachcha harge mala kaseppe gede dari dari biikko izaade gede qeese Aaroonekko woykko qeese gidida iza naytappe issaakko efetto.

ጋሞ ማጻፋ

² «ኣይ ኣሲካ ኢዛዴ ቦላ ኪጻይ ዎይኮ ሺምፔይ ዎይኮ ኢሊዋይ ኢዛዴ ቦላ ቤቲዲ ቃቻ ሃርጌ ማላ ካሴፔ ጌዴ ዳሪ ዳሪ ቢኮ ኢዛዴ ጌዴ ቄሴ ኣሮኔኮ ዎይኮ ቄሴ ጊዲዳ ኢዛ ናይታፔ ኢሳኮ ኤፌቶ።

ሌዌታ ማጻፋ 13:2 ပူးပေါင်းရင်းမြစ်များ

2ሳሜላ ማጻፋ 3:29

Iza suuththay Iyo7aabe hu7eninne iza aawa keeththa ubbaa bolla gido; asateththafe haaththi gogissiza hargey woykko guufen kal7atiza wobbey woykko mashshan hayqqizay woykko mizaazi dhayiin koshattizay Iyo7aabe keeththafe dhayoppo» gides.

2ካዎታ ማጻፋ 5:1

He wode Ni7imaaney Aaraame kawo olanchchata azazizayssa; GODAY iza baggara Aaraame derey xoono demmana mala ooththida gishshas izi ba godaa achchan daro gitanne bonchchettida asa. Izi ola qara gidikkoka inchchirachcha hargey iza bolla wodhdhides.

2ካዎታ ማጻፋ 5:27

Hessa gishshas Ni7imaane inchchirachchay ne bolla aadhdhana; mernaa gakkanaas nees zereththafe zereththaan aadhdhana» gides. Hessafe guye Giyaazey Elssa7e sinththafe kezi bides; inchchirachcha hargey iza bollaa shachcha mala booththides.

ኢሳያሳ ቲንቢቴ 1:6

Hessa gaason hirki toho xugunththafe biidi hu7e iske gakkanaas paxateththi inttes baawa. Madunth, kixanne uzas xalla gidides. He madunththay meecettibeenna; qashettibeenna; zaytenkka shuggibeenna.

ኢሳያሳ ቲንቢቴ 3:17

Hessa gishshas tani GODAY Xiyoone maccassata hu7e citton goo7issana; tani GODAY istta hu7e bo7asana» gees.

ሌዌታ ማጻፋ 13:1

GODAY Musessinne Aaroones hizgides,

ሌዌታ ማጻፋ 13:3

Qeesezikka he madunththaa lo7eththi xeello; he madunththaa heeran diza iskey booxxizaaz gidikkonne madunththazi duge ollati beettiko hessi daro iita hara asa bolla aadhdhiza galba harge; qeesezi kase wogaa mala izaadey tuna gididayssa asaas eriso.

ሌዌታ ማጻፋ 13:8

Qeesezi qasseka paacco; madunththay kaseppe aakkiko iita galba harge gidida gishshas wogan diza mala izaadey iita galba harganchcha gididayssa eriso.

ሌዌታ ማጻፋ 14:3

He izas yootettida qeesezi asi dizasoppe gede haraso kessidi baakko yidayssa lo7eththi xeello; izaadey hargezappe paxidaa gidikko,

ሌዌታ ማጻፋ 14:35

he keeththaadey biidi qeeseza, ‹Tason ay iita hargey dizaakko› giidi yooto.

ሌዌታ ማጻፋ 14:56

kixa harges, badhinttessinne illiwa harges,

ሚልካሳ ቲንቢቴ 2:7

Qeesey ubbaa dandayza Ubbaafe Wolqqama GODAAS kiitettizaade gidida gishshas iza doonay erateth naaganaas asay iza doonappe timirte koyanaas bessees» gees Ubbaafe Wolqqama GODAY.

ታይቦ ማጻፋ 12:10

Shaarazi dunkaaneza bollafe dendi biin Maarama inchchirachcha harganchcha gidadus; inchchirachcha hargezikka izi bolla shachcha mala booththides; Aarooney Maaramo beyishin iza izas inchchirachcha harganchcha gida beettadus.

ታይቦ ማጻፋ 12:12

Izakka ba aayi ulon hayqqada izis bagga asateththay meetettichchiin yelettida awucaya naa mala ooththofarkkii!» gides.

Maatosa 8:4

Qasseka Yesusi addeza, «Ne paxidayssa oonaska yootoppa; gido attiin baada nena qeeses bessa. Istti azazida yarshoza gaththa; hessika isttas markka gidana» gides.

ሉቃሳ ሚሺራቾ 17:14

Izikka istta be7idi, «Biite! Inttena qeesetas bessite» gides; isttika buro bishe oge bolla paxida.

ሉቃሳ ሚሺራቾ 5:14

Yesusi izas, «Hayssa oonaska yootoppa; gido attiin baada nena qeese halaqas bessa; isttas markka gidana mala ne geeyidayssas Musey azazida yarshoza shiishsha» giidi azazides.

ዛሬ ማጻፋ 24:8

Issaafe issaan aadhdhiza galba hargefe keehi naagettite; tani istta azazida mala Lewe qommo gidida qeeseti inttes immiza wogata lo7eththi naagite.

ዛሬ ማጻፋ 28:27

GODAY nena paxontta Gibxe dere hargen, kixan, giiyiza madunththaninne puuso hargen shocanna.