ሌዌታ ማጻፋ 10:19 - Geeshsha Maxaafa

¹⁹ Aarooneykka Muses, «Nagara gishshas shiiqiza xuugettiza yarsho hekko hach asay Xoossa sinth ekki yides; tanakka hayssa mala metoy gakkides; histtiin hach nagara gishshas shiiqiza yarshoza ta midaakko GODAY ufayettanashin attidee?» gides;

ጋሞ ማጻፋ

¹⁹ ኣሮኔይካ ሙሴስ፥ «ናጋራ ጊሻስ ሺቂዛ ጹጌቲዛ ያርሾ ሄኮ ሃች ኣሳይ ጾሳ ሲን ኤኪ ዪዴስ፤ ታናካ ሃይሳ ማላ ሜቶይ ጋኪዴስ፤ ሂስቲን ሃች ናጋራ ጊሻስ ሺቂዛ ያርሾዛ ታ ሚዳኮ ጎዳይ ኡፋዬታናሺን ኣቲዴ?» ጊዴስ፤

ሌዌታ ማጻፋ 10:19 ပူးပေါင်းရင်းမြစ်များ

ኢሳያሳ ቲንቢቴ 1:11

«Intte yarsho daroy taas ay ooththanee? Hanno gakkanaas intte taas shiishshida xuugetti shiiqiza dharsho ashonne modhdho meheta asho kalladis; tani boora suuththan, dorsa suuththaninne deysha suuththan ufayettike.

ኢሳያሳ ቲንቢቴ 1:15

Intte intte kushe woosas taakko micciko tani ta ayfe inttefe haraso zaarana; intte kushen suuththi kumida gishshas intte keehi woossikokka ta intte woosa siyikke.

ኤርማሳ ቲንቢቴ 14:12

Istti xoomi woossikokka tani istta waaso siyikke; xuugettiza yarshonne kaththa yarshoza istti yarshikokka tani istta yarshoza ekkike. Tani istta mashshan, koshaninne iita hargen dhayssana» gides.

ኤርማሳ ቲንቢቴ 6:20

Exaaney Saaba biittafe sawiza qimamey haako biittafe yiikko tana ay gaanee? Xuugettiza intte yarshozakka ta ekkike; intte shiishshiza hara yarshoyka tana ufayssenna» gees.

ሆሴኤ ቲንቢቴ 9:4

Heen GODAAS woyne ushshu yarshanaas dandayettenna; istta yarshoyka GODAA ufayssenna. Hessa gishshas isttas yarshozi shochcha kath gidana; iza miza ubbay tunana. He kaththazi coo gafas miza kath gidana attiin GODAA keeth yarshos shiiqenna.

ሌዌታ ማጻፋ 10:20

Museykka hessa siyidi izi zaarida qaalan ufayettides.

ሌዌታ ማጻፋ 9:12

Hessafe guye Aarooney xuugettiza yarshos shukkides; histtiin iza nayti suuththaa izas ehida; izikka suuththaza ekkidi yarsho yarshizasoza bolla yuuyi aadhdhanaas wuxxides.

ሌዌታ ማጻፋ 9:8

Aarooneykka yarsho yarshizaso biidi koyro ba nagaraa gishshas shiiqiza yarshos shiiqiza mirgoza shukkides.

ሚልካሳ ቲንቢቴ 1:10

«Taas Yarsho yarshizason go7ay baynda tama intte eeththontta mala inttefe issaadeyka Xoossa Keeththa penge gordizaakko aazee dizay! Ta inttenan ufayettikenne intte kusheppe ay yarshoka ekkike» gees Ubbaafe Wolqqama GODAA Xoossay.

ሚልካሳ ቲንቢቴ 1:13

Qasseka, ‹Hayssi daabura› guussan leqo mixilth iza bolla mixilleeta» gees Ubbaafe Wolqqama GODAA Xoossay. «Bonqqi ekkida mehe wobbenne hargiza mehe intte yarsho shiishshiin intte kusheppe ta hessa ekkanaas bessizee?» gees Ubbaafe Wolqqama GODAA Xoossay.

ሚልካሳ ቲንቢቴ 2:13

Qasse intte ooththana hara miish GODAAS yarsho shiishshizasoza intte ayfunthan meeshana; hessafe guye intte yarshoko xeellontta gishshassinne ufayssan ekkontta gishshas intte yeekkananne waassana.

ዛሬ ማጻፋ 12:7

Heen GODAA intte Xoossaa sinththan intte maana; qasse intte intte wolqqan ooththi kessida ubbaaninne GODAA intte Xoossay inttena anjjida ubbaan intte intteso asaara ufayettana.

ዛሬ ማጻፋ 26:14

Asi hayqqiin kayottashe izappe mabeekke; tani geeyontta dashe izappe aykkoka mabeekke; hayqqida asa gishshas shiiqiza yarshoska izappe aykkoka shiishshabeekke. Tani GODAA ta Xoossaas azazettadis; qasse neni tana azazida ubbaa poladis.

ፒሊጲሲዮሴ ኣሳስ 4:4

Ay wodekka Godaan ufayettite; qasseka ta inttena ufayettite gays.

Ibirawe 7:27

Izi hankko qeeseta halaqata mala koyro ba nagaraa gishshas qasseka hankko dereza nagaraa gishshas gallas gallas yarsho shiishshanaas iza koshshenna; izi bana aaththi immida wode asa nagara gishshas issito sinththa baggassara yarsho wursi polides.

Ibirawe 9:8

Koyro dunkaanezi kase diza wode gede ubbaafe dumma geetettizaso efiza ogey he wode qoncce gidonttayssa Xillo Ayanay bessees.