ኤርማሳ ዚላስ 3:37 - Geeshsha Maxaafa

³⁷ Xoossi azazontta dishin ba gidaaz polanaas dandayzay oonee?

ጋሞ ማጻፋ

³⁷ ጾሲ ኣዛዞንታ ዲሺን ባ ጊዳዝ ፖላናስ ዳንዳይዛይ ኦኔ?

ኤርማሳ ዚላስ 3:37 ပူးပေါင်းရင်းမြစ်များ

2ሳሜላ ማጻፋ 16:10

Gido attiin kawozi, «Intteno Xuriya naytoo! Inttena tanara gaththiza ay miish dizee? GODAY, ‹Dawite doqqa› giin izi tana doqqizaa gidikko, ‹Hayssa ays ooththadii?› giidi iza oychchana dandayzay oonee?» gides.

1ካዎታ ማጻፋ 22:34

Issaadey coo ba wondafe olanchchata bolla yeddiin Isra7eele kawozas ola may7oy gayttizasora dukkides; hessa gishshas Isra7eele kawoy ba gaareza laaggizayssas, «Gaareza guye zaarada tana olaa giddofe kessa; ays giikko tani iita cach cadettadis» gides.

2ካዎታ ማጻፋ 6:33

Elssa7i cimatara haasaya bolla dishin kiitetti yidayssi duge izakko wodhdhides; kawozikka gakkidi, «Hayssi metozi GODAAPPE yides; histtiin ha7i tani GODAAPPE ay naagazinaa?» gides.

ኢዮቤ ማጻፋ 10:13

«Hekko hayta ha miishshata ne wozinan qotta woththada daasa; ne qofaykka hayssa gididayssa ta eradis.

ኢዮቤ ማጻፋ 2:10

Iyoobikka, «Waanada eeya maccassa haasaya haasayay? Xoossi lo7o miish immiza wode ufayssan ekkoos; ha7i gidikko iita izi nu bolla ehishin iza bolla zuuzumanaas bessizee?» gides. Iyoobi ha ubbaa metoynne waayey iza bolla gakkinkka izi Xoossa bolla iita miish haasaydi nagara ooththibeenna.

ኬሳ ማጻፋ 10:10

Kawozi, «Intte maccassataranne intte naytara baana mala ta inttena yeddana; GODAY inttenara gido; gido attiin intte intte wozinan gene qoppideta.

ሌሚሶ ማጻፋ 16:9

Asi ba wozinan ba ooththana miish halchchees; halchchozi GODAY giikko polettees.

ሌሚሶ ማጻፋ 19:21

Asa wozinan daro halchchoy dees; gido attiin GODAA qofay polettees.

ሌሚሶ ማጻፋ 21:30

Asi ba eran, akeekaninne halchchon GODAARA eqettanaas dandayenna.

ኢሳያሳ ቲንቢቴ 46:10

Wurseththan hananayssa koyrotta, buroppe yaanayssa beni yootadis; ‹Ta halchchoy mino; tana ufayssizaaz ubbaa ta ooththana› gadis.

ኤርማሳ ቲንቢቴ 23:32

GODAY, «Tani wordo agumo kaallidi tinbite yootiza nabetara eqettays; ta kiittontta dishin woykko ta shuumontta dishin xalateththan wordo yo7o yooteettes; ta derezakka baleththeettes; hayssa ha dereza aykkoka go7ettenna» gees.

ዳኔላ ቲንቢቴ 4:35

Biitta bolla diza dereti wurikka iza achchan qeeri uu7e mala; salon diza oosanchchata bollanne biitta bolla diza deraa bolla izi ba dosidaaz ooththees; iza shene digganaas dandayzaynne ‹Ne hayssa aazas ooththay?› gaanay oonikka deenna.

ኦሮሜ ኣሳስ 9:15

Xoossi Muses, «Ta maarana koyidaade maarana; ta mishettana koyidaadeska mishettana» gees.

ኤፌሶኔ ኣሳስ 1:11

Wursika ba shene mala ooththiza iza shenen koyrokka izi qoppi woththidayti nuni izan doorettidos.