ኤርማሳ ዚላስ 3:25 - Geeshsha Maxaafa

²⁵ GODAY bana hidota ooththizaytassinne iza koyzaytas lo7o.

ጋሞ ማጻፋ

²⁵ ጎዳይ ባና ሂዶታ ኦዛይታሲኔ ኢዛ ኮይዛይታስ ሎኦ።

ኤርማሳ ዚላስ 3:25 ပူးပေါင်းရင်းမြစ်များ

ሜቴ ማጻፋ 49:18

«Abeet Godoo! Ta ne maado naagays.

1ታሪኬ ማጻፋ 28:9

«Ta naa Solomoone, ne aawaa Xoossaa era! Neni kumeththa wozinaninne lo7o qofan izas ooththa; GODAY wozina ubbaa pilggi xeellees; giddo qofa ubbaa izi erees; neni iza koykko izi nees beettana; gido attiin ne iza aggizaa gidikko izikka nena mernaas aggaagana.

2ታሪኬ ማጻፋ 15:2

Izikka Aasara gayttanaas biidi, «Aasa, Yuhuda asawu! Biniyaame asawu intte ubbayka siyite! Intte GODAARA issife de7ikko izikka inttenara de7ana. Intte iza koykko izi inttes beettana; intte iza aggiko izikka inttena aggana.

2ታሪኬ ማጻፋ 19:3

Gidikkoka Asheero geetettiza eeqa xoossay misleta biittafe ne diggida gishshassinne Xoossaa koyanaas ne wozina giigsida gishshas neni lo7o ooththadasa» gides.

2ታሪኬ ማጻፋ 30:19

«Abeet asa ubbaas kiya GODAWU, hayti kase wogay giza mala bana geeshshonttayta gidikkoka istti GODAA bantta aawata Xoossaa koyanaas ba wozina giigsida asatas ne atto ga» giidi woossides.

2ታሪኬ ማጻፋ 31:21

Hizqiyaasi Xoossaa keeththas ooththida ooso ubbaan woganinne azazon xaafettidayssa mala Xoossaa ba kumeththa wozinappe koyida gishshas izas ubba miishshi injjetides.

ኢዝራ ማጻፋ 8:22

Hayssafe sinththan ta kawo Arxekisisi erisiza wode «Nu Xoossay izan ammanettizayta ubbaa anjjees; iza aggizayta gidikko keehi qaxxayees» gaada ta qonccisida gishshas nunara ogen gaaggana morkketappe nuna naagana mala kawoza wottadaratanne toga asata imma gaada oychchidaakko yeellatanakoshin.

ዬ ማጻፋ 105:3

Geeshsha sunththan izayssan ceeqettite; GODAA koyzayta wozinay ufayetto.

ዬ ማጻፋ 119:2

Izi yootidayssa ooththizaytinne ba kumeththa wozinappe iza koyzayti anjjettidayta.

ዬ ማጻፋ 22:26

Hiyeesati miidi kallana. GODAA koyzayti iza galatana. Istti mernaas ufayettana.

ዬ ማጻፋ 25:8

GODAY kiyanne suure; hessa gishshas nagaranchchata ba oge tamaarssees.

ዬ ማጻፋ 27:14

GODAAN ammanetta; minna, hidota qanxxofa, GODAAN ammanetta.

ዬ ማጻፋ 27:8

Neni, «Ta sinththa koyite» gida wode, ta wozinay, «Abeet GODAWU! Eeno; tani ne sinththa koyana» gides.

ዬ ማጻፋ 37:34

GODAA hidota ooththa; iza azazokka naaga; izi nena biitta laatissana; zaaridikka bonchchana; iita asati dhoommi dhayshin ne beyana.

ዬ ማጻፋ 37:7

GODAA sinththan co7u gaada izi ooththana gakkanaas dandayan naaga; iita asati duretikkonne istta qofay polettiko ne istta bolla yiillotoppa.

ዬ ማጻፋ 39:7

«Abeet Godawu! Neeppe attiin hara oonakko xeelloo? Ta hidotay nenana.

ዬ ማጻፋ 61:1

Abeet Xoossawu! Neni ta waasoza siya; ta woosaakka ezga.

ዬ ማጻፋ 61:5

Abeet Xoossawu! Neni ta adina siyadasa; ne sunththa yayyizayti laattiza laata taaska immadasa.

ዬ ማጻፋ 69:32

Qohettidayti tana Xoossay ashshidayssa be7idi ufayetetto. Intteno Xoossako shiiqizayto intte wozinay minetto.

ዬ ማጻፋ 71:14

Tani gidikko ubbato nena hidota ooththays. Tani galata bolla galata nees gujjana.

ኢሳያሳ ቲንቢቴ 25:9

He gallas isttas, «Be7ite nu Xoossay hayssa; nuni izan ammanettidos; izikka nuna ashshides; Hayssi GODAA; nuni izan ammanettidos; izi ashshidayssan ufayettoos; ufayssan hombocoos» gaana.

ኢሳያሳ ቲንቢቴ 26:9

Ta shemppoya omarsi nena laamotawus; ta ayanay maalado nena koyawus; ne pirday biitta bolla yida wode sa7an de7iza asay xilloteth tamaarees.

ኢሳያሳ ቲንቢቴ 30:18

Gido attiin GODAY inttes kiya ooththanaas naagees; inttena ba qadheteththa bessanaas dendees; GODAY tumu pirdiza Xoossa gidida gishshas ammanettidi iza naagizayti anjjettidayta.

ኢሳያሳ ቲንቢቴ 40:31

Gido attiin GODAA hidota ooththizayti bantta wolqqa ooraxisseettes; istti golle mala piradhdhana; istti daaburontta woxxana; istti baana; argacettenna.

ኢሳያሳ ቲንቢቴ 55:6

GODAY beettiza wode iza koyite; matan diza wode iza xeygite.

ኢሳያሳ ቲንቢቴ 64:4

Beniisofe doommidi hidota ooththi naagizaytas gakkiza malaata ooththiday neeppe attiin hara Xoos be7ida ayfeynne siyida hayththi mulekka deenna.

ኤርማሳ ዚላስ 3:26

GODAY as ashshiza ashoza izaadey co7u gi naagikko lo7o.

ሆሴኤ ቲንቢቴ 10:12

GODAY yiidi xilloteth intte bolla ira mala bukisana gakkanaas hanna intte iza koyza wode gidida gishshas oththaa goyite; inttes xilloteth zerite; mino siiqo ayfe maxite.

ሶፎናሳ ቲንቢቴ 3:8

GODAY, «Hessa gishshas ta pirdana gallassay gakkanaas diishshite; tani dere asanne kawota shiishshanaas qachchadis. Tani ta mino hanqoza istta bolla gussanaas qachchadis. Ta hanqo taman kumeththa biittay eexxana.

1ታሶሎንቄ ኣሳስ 1:10

Qasseka Xoossi hayqoppe denththidayssa buro yaana hanqofe nuna ashshana Saloppe yaana Xoossa Naa Yesusa yuussaa intte wostti naagizaakko asay haasayees.

ያቆቤ ኪታ 5:7

Hessa gishshas ta ishatoo! Goday haa yaana gakkanaas dandayte; goshshe goyizaadey biittay lo7o kaththi kaxxana gakkanaas waani dandayzaakko koyro iranne wurseththa ira izi wostti naagizaakko ane akeekite.