ኤርማሳ ዚላስ 2:4 - Geeshsha Maxaafa

⁴ Izi morkke mala wondafe dafi oykkides; iza ushachcha kushey yiishshaa yeddanaas giigsides; bana lo7izayta ubbaa morkke mala shukkides; Xiyoone dunkaaneta bollaka ba hanqo tama mala qolides.

ጋሞ ማጻፋ

⁴ ኢዚ ሞርኬ ማላ ዎንዳፌ ዳፊ ኦይኪዴስ፤ ኢዛ ኡሻቻ ኩሼይ ዪሻ ዬዳናስ ጊግሲዴስ፤ ባና ሎኢዛይታ ኡባ ሞርኬ ማላ ሹኪዴስ፤ ጺዮኔ ዱንካኔታ ቦላካ ባ ሃንቆ ታማ ማላ ቆሊዴስ።

ኤርማሳ ዚላስ 2:4 ပူးပေါင်းရင်းမြစ်များ

2ታሪኬ ማጻፋ 34:21

Izi isttas, «Biidi ta gishshas, Isra7eeleninne Yuhudan attida asaa gishshas, ha beettida maxaafa giddon xaafettida qaalaa gishshas GODAA oychchite; kase nu aawati Xoossa wogas azazettontta ixxida gishshassinne ha maxaafan xaafettida wogaa mala simerettontta aggida gishshas nu bolla keehi gita hanqoy Xoossafe yides» gides.

2ታሪኬ ማጻፋ 34:25

Istti tana aggidi hara xoossatas exaane cuwasida; histtidi istti bantta kushen ooththida ooso ubbaan tana hanqeththida; hessa gishshas ta hanqoy hayssa ha sohoza bolla eexxi kezana; mulekka to7enna› gees.

ኢዮቤ ማጻፋ 19:11

Xoossi tana hanqettidi gita meto ta bolla gaththides; baas morkke mala tana qoodides.

ኢዮቤ ማጻፋ 6:4

Ubbaa dandayza Xoossay tana ba yiishshatan caddides; istta marzetikka ta asateththa giddon laalettida; daganththiza Xoossa boshay ta yuushon yuuyi aadhdhides.

ዬ ማጻፋ 37:14

Iita asati hiyeesatanne metotanchchata dhayssanawu, suureteththan hemettizayta wodhanawu bantta mashsha shoddeettessinne bantta wondafeza dafeettes.

ዬ ማጻፋ 7:13

Izi wodhiza ola miishshata giigssees; tama laco mala popol7u giza ba toora yiishshaa giigssees.

ኢሳያሳ ቲንቢቴ 42:25

Hessa gishshas eexxiza ba hanqoza, iita ola istta bolla yeddides; tama lacon istta giddoththides; istti gidikko hessa akeekibeettenna; istta xuuggides shin istti wozinan woththibeettenna.

ኢሳያሳ ቲንቢቴ 63:10

Istti gidikko makkallida; iza Geeshsha Ayanaakka mishisida hessa gishshas izi simmidi isttas morkke gidides; istta olides.

ኢሳያሳ ቲንቢቴ 63:6

Ta hanqon kawoteththata yedhdhadis; ta bashshan istta maththosadis; istta suuththaaka biittan gussadis» gaana.

ኤርማሳ ቲንቢቴ 10:20

Ta dunkaaney laalettides; iza wodoroy ubbay duuxerettides. Ta nayti ubbay taappe shaakettidi bichchida; hayssafe guye simmettenna; ta dunkaana zaaridi tolanaas woykko ta magalasha kaqqanaas ha7i issi asinne attibeenna.

ኤርማሳ ቲንቢቴ 21:12

Intteno Dawite soo asawu! Intte ooththida iita ooso gaason eexxiin oonikka toyssana dandayontta tama mala ta hanqoy intte bolla eexxontta mala wonttan wonttan suure pirdite; bonqqettidayta un7eththizayta kusheppe ashshite› gees ga.

ኤርማሳ ቲንቢቴ 21:5

Tani ta hu7era qixaates denththida kusheninne mino qesen, hanqoninne bashshan, gita boshan ta inttena caddana.

ኤርማሳ ቲንቢቴ 30:14

Intte laggeti ubbay inttena dogida; istti intte gishshas wudettettenna; tani inttena morkke shociza mala shocadis; menxe iita asa mala ta inttena qaxxayadis. Gaasoykka intte qohoy gita; intte nagaraykka daro.

ኤርማሳ ቲንቢቴ 36:7

Hayssa deraa bolla GODAY yootida hanqoynne boshay deexo gidida gishshas isttafe issoy issoy ba nagara GODAA sinththan paaxidi bantta iita ogeppe istti simmanaakko oonee erizay?» gides.

ኤርማሳ ቲንቢቴ 4:4

Intteno Yuhuda asatoo, Yerusalaamen dizaytoo! GODAAS intte qaxxarettite; intte wozina iitateththaa diggite; histtontta aggiko intte ooththida iitateththaa gishshas ta hanqoy tama mala eexxi kezana; oonikka iza toyssanaas dandayenna» gees.

ኤርማሳ ቲንቢቴ 42:18

«Ubbaafe Wolqqama GODAA Isra7eele Xoossay, ‹Ta hanqoynne boshay Yerusalaamen dizayta bolla gukkida mala intte Gibxe geliza wode intte bollaka gukkana; intte dagamas, qidhes, qanggeththassinne palqqes malata gidandeta; ha biittaa zaari be7ekketa› gees.

ኤርማሳ ቲንቢቴ 7:20

Hessa gishshas Ubbaafe Wolqqama GODAY, «Ta yiilloynne ta hanqoy ha soho bolla, medosata bolla, gaden diza miththa bollanne kaththa bolla gukkana; histtidi eexxana; to7anaaska dandayenna» gees.

ኤርማሳ ዚላስ 1:13

«Izi bolla dhoqqasohoppe tama yeddides; he tamazikka nuus meqeththan gelides; nu tohota qachchanaas gite yeggides; histtidi nuna guye zaari kundisides; kumeththa gallas nuna daaburssides; coo melakka toylasides.

ኤርማሳ ዚላስ 2:5

Xoossi morkke mala gididi Isra7eele dippi histtides; kawoteththa keeththaaka dhayssides; izi miixaakka laallides; Yuhuda asaa bolla kayonne zilas darssides.

ኤርማሳ ዚላስ 3:3

Izi kumeththa gallas zaari zaaridi tana shocides.

ኤርማሳ ዚላስ 4:1

Worqqay waani tasides; Walakay baynda muuruta worqqay waani laamettidee! Xoossa keeththi keexettida bonchcho shuchchati oge doonan laalettida.

ኤርማሳ ዚላስ 4:11

Xoossi ba wolqqama hanqoza qonccisides; Xiyoono dippi histti dhayssiza tama oyseththides.

ሂዚቄላ ቲንቢቴ 13:13

Hessa gishshas Ubbaa Haariza GODAY, «Gimbe dirsaa dhayssanaas tani ta yiillon gote carko yeddana; ta hanqon shach yeddana; handzdzidze ira gita bashshara kiittana.

ሂዚቄላ ቲንቢቴ 20:34

Kawoteththata giddofe tani inttena kessana; intte laalettida biitta ubbaafe ta mino qeseninne micettida ta kushen hanqo gussashe intte laaletti bida dere ubbaafe ta inttena shiishshana.

ሂዚቄላ ቲንቢቴ 22:22

Biray tama coocen seeriza mala intteka katamay giddon seerana. Tani GODAY ta hanqo intte bolla gussidayssa he wode intte erana› gees» gides.

ሂዚቄላ ቲንቢቴ 24:25

GODAY tana, «Haysso asa nawu! Bantta wolqqa, bantta ufayssa, bantta bonchcho, istta ayfes shemposonne istta wozinas ufays gidida istta macca naytanne attuma nayta gaththa ta isttafe ekkiza wode,

ሂዚቄላ ቲንቢቴ 36:18

Istti biittay bolla suuth gussida gishshassinne bantta eeqa xoossatan biitta tunisida gishshas ta hanqo istta bolla gussadis.

ሂዚቄላ ቲንቢቴ 5:13

«Hessafe guye ta hanqoy dochchana; istta bolla boshaykka simmana; ta istta bolla halo kessiko taas woppu gaana; ta istta bolla bashsha gaththidaappe guye tani GODAY zil7etta haasaydayssa istti erana.

ሂዚቄላ ቲንቢቴ 6:12

Haahon dizayti iita hargen hayqqana; matan dizayti mashshan kundana; qasse shemppora paxa attidayti koshan wurana; ta hanqoza hayssa malan istta bolla polana.

ሂዚቄላ ቲንቢቴ 7:14

Ta hanqoy asa ubbaa bolla yida gishshas istti zaye zaykkonne ubbaa miish giigsikko olaso baanay oonikka deenna.

ሌዌታ ማጻፋ 26:17

Tani intte bolla hanqon dendiza gishshas intte xoonettana; intte ixxiza intte morkketi inttena haarana; oonikka inttena gooddontta intte intterkka baqatana.

ናሆሜ ቲንቢቴ 1:2

GODAY zil7ettizanne halo kessiza Xoossa; GODAY halo kessizanne hanqon kumida Xoossa. GODAY halo kessizaadenne pala miishshi izan kumidaade. GODAY ba baalgaarata bolla halo kessees; ba morkketa bolla ba hanqo ehees.

ናሆሜ ቲንቢቴ 1:6

Iza hanqora eqettana dandayzay oonee? iza hanqo minoza tookkana dandayzay oonee? Iza hanqoy tama mala eexxides; zaallatikka iza sinththafe za7ida.

ዛሬ ማጻፋ 32:22

Ta hanqoy tama mala eexxana; biittanne biitta bolla diza ubbaa xuuggana; he tamay si7oole ciimmaa gakkanaas eexxana; tamazi zumaas yoch gakkanaas maana.

1ሳሜላ ማጻፋ 28:16

Sameeli izas, «Histtiin GODAY neeppe haakkiko, nees izi morkke gidikko ne tana ays oychchay?