ኤርማሳ ዚላስ 2:17 - Geeshsha Maxaafa

¹⁷ Xoossi ba qoppidayssa ooththides; daro wodeppe kase yootida qaala polides; izi nena qadhetay baynda laallides; ne waayettishin morkkey ufayettana mala ne morkketa dhoqqu dhoqqu histtides.

ጋሞ ማጻፋ

¹⁷ ጾሲ ባ ቆፒዳይሳ ኦዴስ፤ ዳሮ ዎዴፔ ካሴ ዮቲዳ ቃላ ፖሊዴስ፤ ኢዚ ኔና ቃታይ ባይንዳ ላሊዴስ፤ ኔ ዋዬቲሺን ሞርኬይ ኡፋዬታና ማላ ኔ ሞርኬታ ቁ ቁ ሂስቲዴስ።

ኤርማሳ ዚላስ 2:17 ပူးပေါင်းရင်းမြစ်များ

1ካዎታ ማጻፋ 9:7

Isra7eele deraa kase tani immida biittaafe dhoqallana; tani ta sunththas dummasida ha Xoossa Keeththaaka aggaagana; hessafe guye Isra7eele asay kawoteththata ubbaa giddon qidhessinne miichchas attana.

ዬ ማጻፋ 35:24

Abeet GODAWU ta Xoossawu! ne xilloteththa mala taas pirda; ta morkketakka ufayssofa.

ዬ ማጻፋ 35:26

Ta waayen ufayettizayti ubbay yeellatettonne kawuyetto; ta bollan otorettizayti yeellanne kawushshateth may7etto.

ዬ ማጻፋ 38:16

Tani GODAA, «Ta tohoy handaraashin, ta morkketi ‹Izas hashshu› gaana malanne ta bolla ceeqettana mala ooththofa» gaada woossays.

ዬ ማጻፋ 89:42

Neni iza morkketas ushachchadasa; istta ubbaa ufayssadasa.

ዬ ማጻፋ 89:43

Neni iza mashsha qaraza dun7isadasa; olankka iza maaddabeekka.

ኢሳያሳ ቲንቢቴ 14:29

Intteno Filisxeeme asatoo, inttena shocida guufey meqqida gishshas ubbati ufayettofte; shooshshaa garsafe haso shooshshi kezana; iza zereththika xongettiza marzera diza haso shoosh gidana.

ኤርማሳ ቲንቢቴ 18:11

GODAY, «Hessa gishshas, Ermaasa ha7i Yuhuda asatassinne Yerusalaamen dizaytas baada, ‹Hekko tani intte bolla bash giigso bolla days; intte bolla iita miish medhdhashe days; hessa gishshas intte ubbayka intte biza iita ogeppe simmite; intte ogenne intte ooso suurisite› ga yoota.

ኤርማሳ ቲንቢቴ 4:28

Hessa gishshas sa7ay yeekkana; saloykka dhumana. Ays giikko tani gadis; he qofaa ta laammontta mala qachchadis» gees.

ኤርማሳ ቲንቢቴ 40:3

Ha7ikka GODAY ba gida mala ehidi ba qaala polides; hayssi ubbay haniday intte GODAA bolla nagara ooththida gishshassinne izas azazettontta ixxida gishshassa.

ኤርማሳ ዚላስ 1:5

Izi nagaray daro gidida gaason GODAY izi bolla meto yeggides; izi morkketi izo haarida; izi naytikka morkketan di7ettida; izi morkketas duussi lo7ides.

ኤርማሳ ዚላስ 2:8

GODAY Xiyoone katama gimbe laallanaas qanxxi dendides; mixe wodoroza piddisides; izi istta dhayssontta aggenna; miixatinne gimbetti laalettida; isttika issife dhayda.

ኤርማሳ ዚላስ 3:43

Neni hanqon kumada nuna gooddadasa; ne nuna qadhetay baynda wodhadasa.

ኤርማሳ ዚላስ 4:11

Xoossi ba wolqqama hanqoza qonccisides; Xiyoono dippi histti dhayssiza tama oyseththides.

ሂዚቄላ ቲንቢቴ 5:11

Hessa gishshas Ubbaa Haariza GODAY, tani De7o Xoossa gididayssan caaqqays: neni ta Keeththa tuna misletaninne harassiza ne ooso ubbaan tunisida gishshas ta nena buuca dhayssana; ta nena qadheta ayfen xeellikenne maarikke.

ሂዚቄላ ቲንቢቴ 8:18

Hessa gishshas tani istta bolla hanqon yaana; tani isttas qadhettikenne istta bolla yaana hanotappe ta istta ashshike; istti taakko waassikokka ta siyikke» gides.

ሂዚቄላ ቲንቢቴ 9:10

Hessa gishshas tani isttas istta hano mala immana attiin ta isttas qadhettike; istta bolla yiza metoppe ta istta ashshike» gides.

ዳኔላ ቲንቢቴ 9:12

‹Intte bollanne inttena kaaleththizayta bolla ta gita meto ehana› gaada kase ne yootidayssa ubbaa nu bolla poladasa; he wode Yerusalaame bolla gakkida qixaate malay haraso awanka gakkibeenna.

ሚኪያሳ ቲንቢቴ 2:3

Hessa gishshas Xoossi, «Hekko ta hessa mala dere bolla dhayssizaaz ekka yaana qoppadis; intte qasse hessafe kessi ekkana dandayekketa; intte bolla metoy yiza gishshas hessafe guye intte otoreteththan simeretteketa.

ሶፎናሳ ቲንቢቴ 1:2

GODAY, «Tani biitta bolla dizaaz ubbaa dhayssana» gees.

ዛካራሳ ቲንቢቴ 1:6

Gido attiin tani ta nabeta baggara yootida qaalatinne wogati intte aawata bolla gakkibeettennee? ‹Isttika maaroteththan gelththishe Ubbaafe Wolqqama GODAY ba koyida mala nu ooso malanne nu oge mala nuus bessizaaz nu bolla ooththides› » gida.