ኤርማሳ ዚላስ 2:12 - Geeshsha Maxaafa

¹² Olason madunxi kundida asata mala katamay giddon istti daaburda; istti bantta aayeta, «Kaththinne haaththi nuus awan dizee?» gi oychchishe istti qese bolla borkotidi shemppo kezida.

ጋሞ ማጻፋ

¹² ኦላሶን ማዱንጺ ኩንዲዳ ኣሳታ ማላ ካታማይ ጊዶን ኢስቲ ዳቡርዳ፤ ኢስቲ ባንታ ኣዬታ፥ «ካኔ ሃ ኑስ ኣዋን ዲዜ?» ጊ ኦይቺሼ ኢስቲ ቄሴ ቦላ ቦርኮቲዲ ሼምፖ ኬዚዳ።

ኤርማሳ ዚላስ 2:12 ပူးပေါင်းရင်းမြစ်များ

ኢዮቤ ማጻፋ 30:16

«Ta shemppoya keeha ceecadus; hayqoska matadus.

ዬ ማጻፋ 42:4

Ta wozinaya ceeceththan giddora seerashe haytantta akeekadus; daro wode ta Xoossa keeth kaaleththashe ililisaninne galata yeththan ba7aale bonchchana shiiqida daro asa giddora ta waana bizaakko aamusadis.

ዬ ማጻፋ 62:8

Asoo! Ubbaa wode Xoossan ammanettite; izi nuus qotetti attizaso gidida gishshas intte wozina qofa izas yootite.

ኢሳያሳ ቲንቢቴ 51:20

Ne attuma nayti daaburda; woximaden oykettida genessa mala oge gaxan ubbaan ichchida. GODAA hanqoynne ne Xoossa seeray istta bolla kumides.

ኢሳያሳ ቲንቢቴ 53:12

Hessa gishshas iza gakkiza gisha gita asata gishara issife histtana; di7i ehidayssa wolqqamatara izi issife gishettana; izi ba shemppo hayqos aaththi immidi, iita ooththizaytara issife qoodettida gishshas, darota nagara tookkides; qohidayta gishshas gaannatides» gaana.

ኤርማሳ ቲንቢቴ 5:17

Istti intte kaththaanne qumaa pitti maana. Intte attuma naytanne macca nayta wodhana. Intte dorsanne miizaa bonqqidi maana. Intte woyne teeranne balase teera bonqqidi maana. Intte ammanettiza gimbettida katamatakka istti bantta mashshan dhayssana» gees.

ኤርማሳ ዚላስ 1:11

Izi asay miza kath demmanaas koshshan daaburees; shemppora paxa daanaas baas diza aqota maana kaththara laammeettes; Yerusalaame asay, «Abeet GODAWU! Nuni kawuyidos; nuna xeellada nuus qoppa.

ኤርማሳ ዚላስ 4:4

Daro saamettida gishshas guuththa nayta inxarsi pude gonggiraththara oykettides; nayti kath woossida shin oonikka isttas immibeenna.

ሂዚቄላ ቲንቢቴ 30:24

Tani Baabiloone kawo qese minththada ta mashshaaka iza oyththana. Gido attiin Paaroone qeseza ta menththana; izikka ba morkkeza sinththan iita madunxida asa mala toqqana.