ኤርማሳ ዚላስ 1:8 - Geeshsha Maxaafa

⁸ Yerusalaamey daro deexo nagara ooththadus; kadheska attadus; iza kallo dishin be7ida gishshas kase izo bonchchidayti ubbay izo kadhida; izakka ba baggara yeellatada biitta xeellashe guye simmadus.

ጋሞ ማጻፋ

⁸ ዬሩሳላሜይ ዳሮ ዴጾ ናጋራ ኦዱስ፤ ካስካ ኣታዱስ፤ ኢዛ ካሎ ዲሺን ቤኢዳ ጊሻስ ካሴ ኢዞ ቦንቺዳይቲ ኡባይ ኢዞ ካዳ፤ ኢዛካ ባ ባጋራ ዬላታዳ ቢታ ጼላሼ ጉዬ ሲማዱስ።

ኤርማሳ ዚላስ 1:8 ပူးပေါင်းရင်းမြစ်များ

ሜቴ ማጻፋ 3:7

Mida wode istta nam7aa ayfeykka doyettiin istti baas paxa kallo dizayssa eridi balase geetettiza miththa hayth sikkidi ba xeessan gixxida.

1ካዎታ ማጻፋ 9:6

«Gido attiin neni woykko ne nayti tana kaalo aggidi guye simmiko, tani inttena azazida ta azazonne ta wogaa naagontta aggiko, hara xoossatas ooththanaassinne goynnanaas biikko,

1ካዎታ ማጻፋ 9:7

Isra7eele deraa kase tani immida biittaafe dhoqallana; tani ta sunththas dummasida ha Xoossa Keeththaaka aggaagana; hessafe guye Isra7eele asay kawoteththata ubbaa giddon qidhessinne miichchas attana.

1ካዎታ ማጻፋ 9:9

Asay, ‹Istta aawata Gibxeppe kessida GODAA bantta Xoossaa aggidi istti hara xoossata kaallida gishshassinne isttas goynnida gishshas GODAY istta bolla ha iita miish ubbaa ehides› giidi zaarana» gides.

ኢሳያሳ ቲንቢቴ 47:3

Ne kalloteththi qoncco; yeellachchiza ne kalloy beetto; tani halo makkana; ta oonakka aggike» gees.

ኤርማሳ ቲንቢቴ 13:22

Neni ne wozinan, ‹Hayssi ubbay ta bolla ays gakkidee?› giikko, ne may7oy qaarettiin ne sugettiday, ne asa kushen waaye be7iday ne nagaray darida gishshassa.

ኤርማሳ ቲንቢቴ 13:26

Intte kalloy beettanaashe gakkanaas tani intte may7o qaarada intte sinth kammana.

ኤርማሳ ቲንቢቴ 15:4

Hizqiyaasa naa, Yuhuda Kawo Minaasey Yerusalaamen ooththida pala gishshas tani istta bolla sa7a kawoteththata ubbaas daganththizaaz ooththana› gees gaada yoota» gides.

ኤርማሳ ቲንቢቴ 24:9

Biitta bolla kawoteththata ubbaa sinththan harassettizaytanne cayettidayta gidana; istta laalla yeddizaso ubbaan istti qidhes, leemisos, kadhessinne qanggeththas ta istta ooththana.

ኤርማሳ ቲንቢቴ 32:23

Histtiin istti he biittaa gelidi laattida; gido attiin nees azazettibeettenna; ne wogaakka naagibeettenna; istti ooththana mala neni azazidayssa ubbaaka ooththibeettenna; hessa gishshas neni istta bolla ha bosha ubbaa ehadasa.

ኤርማሳ ቲንቢቴ 34:17

Hessa gishshas tani GODAY, «Intte taas azazettontta ixxidi intte ishatanne intte dabbota aylleteththafe la7a yeddiza awajja awajjibeekketa; be7ite tani intte bolla, ‹La7a› awajja awajjana; hessika olan, iita hargeninne koshan intte kundana awajja; tani inttena sa7a bolla diza kawoteththati shaaphettiza miish ooththana.

ኤርማሳ ቲንቢቴ 4:31

Tani koyro bayra naa yelanaas miixattiza maccassa mala ne waassishin ta siyadis; Yerusalaame macca naya peenoy tucettanaashe gakkanaas waassishininne ba kushe miccada, «Ta waanoo! Hekko tana wodhana geettes!» gishin siyadis.

ኤርማሳ ቲንቢቴ 6:28

Istti ubbay zigirshe yuuyizaytanne yootiin ekkontta makkallanchchata; istti xarqimala malanne birata mala; istti ubbayka mooro ooththizayta.

ኤርማሳ ዚላስ 1:11

Izi asay miza kath demmanaas koshshan daaburees; shemppora paxa daanaas baas diza aqota maana kaththara laammeettes; Yerusalaame asay, «Abeet GODAWU! Nuni kawuyidos; nuna xeellada nuus qoppa.

ኤርማሳ ዚላስ 1:17

Xiyoona ba kushe miccadus; izo minththeththizaadey deenna; Yaaqoobe zaretas shooroti izas morkke gidana mala Xoossi azazo kessides; Yerusalaameykka istta giddon tuna miishsha mala qoodettadus.

ኤርማሳ ዚላስ 2:10

Xiyoone dere cimati biitta bolla co7u gi uttida; istti ba hu7en gudulla laallida; maaqaka may7ida; Yerusalaame geela7oti duge biitta xeellida.

ኤርማሳ ዚላስ 4:21

Intteno Uuxe biittan diza Eedoome asatoo! Ufays nococu giite! Gido attiin qaaday inttenakka gakkana; intte maththottananne kallo attana.

ሂዚቄላ ቲንቢቴ 23:29

Isttika nena ixxishe neekko shiiqana; ne daaburdayssa ubbaa neeppe istti bonqqana; ne aayey uloppe kezida mala kallo ashshana. Yeellachchiza ne ziita amoy qonccana; ne laymateththaynne zaway baynda tunateththay hayssa ne bolla ehides.

ሂዚቄላ ቲንቢቴ 23:46

«Ubbaa Haariza GODAY deraa istta bolla denththeththa eha; shirossinne bonqqas istta aaththa imma.

ሂዚቄላ ቲንቢቴ 39:23

Isra7eele asay taas ammanettontta ixxidi nagara ooththida gaason istti goodettidayssa kawoteththati erana. Hessa gishshas tani ta ayfeso isttafe genththadis; tani istta istta morkketas aaththa immadis; istti ubbay mashshan wurida.

ሆሴኤ ቲንቢቴ 2:10

Izi laggeththota sinththan ta izo kallo ashshana; izo ta kusheppe ashshanay deenna.

ሆሴኤ ቲንቢቴ 2:3

Iza simmontta ixxiko iza ba aayey uloppe kallo yelettida mala ta izo xiire kallo ashshana. Bazzo malanne mela biitta mala ta izo ooththana. Ta izo haaththa saamon wodhana.

ዮሃኒሳ ኣጁታ 3:18

Dure gidana ne koykko taappe taman paacettida worqqa shammana mala neni ne kalloteththaa yeellateth kammanaas booththa may7o may7ana malanne xeellanaaska dandayana mala ayfe dhale shammada ne tiyettana mala ta nena zorays.

1ሳሜላ ማጻፋ 2:30

«Hessa gishshas GODAA Isra7eele Xoossay, ‹Ne keeththinne ne aawa keeththa asay ta sinththan mernaas haggazana mala hidota qaala immadis; ha7i gidikko GODAY hannife guye ta hayssa ooththike;› tana bonchchizayta takka bonchchana; tana kadhizayti mulerakka kadhettana.