ኤርማሳ ዚላስ 1:4 - Geeshsha Maxaafa

⁴ Oonikka izi ba7aaleta bonchchanaas yontta gishshas Xiyoone ogeti yeekkeettes; izi pengetara gelizaynne kezizay deenna; izi qeeseti ceeceettes; geela7otikka muuzotteettes; izakka gita meto garsan tuggatawus.

ጋሞ ማጻፋ

⁴ ኦኒካ ኢዚ ባኣሌታ ቦንቻናስ ዮንታ ጊሻስ ጺዮኔ ኦጌቲ ዬኬቴስ፤ ኢዚ ፔንጌታራ ጌሊዛይኔ ኬዚዛይ ዴና፤ ኢዚ ቄሴቲ ጬጬቴስ፤ ጌላኦቲካ ሙዞቴቴስ፤ ኢዛካ ጊታ ሜቶ ጋርሳን ቱጋታዉስ።

ኤርማሳ ዚላስ 1:4 ပူးပေါင်းရင်းမြစ်များ

ኢሳያሳ ቲንቢቴ 3:26

Xiyoone pengeti kallo gaden wodhdha uttada yeekkiza maccassa mala yeekkananne zilalana.

ኤርማሳ ቲንቢቴ 10:22

Siyite! Iita yo7oy yuussa bolla dees; hessi, «Pudeha baggara diza kawoteththan gita bul7aketeththi yuussan dees» gizayssa. Iza olanchchati yiidi Yuhuda katamata bazzonne worakanata duussaso kessana.

ኤርማሳ ቲንቢቴ 14:2

«Yuhuda biittay yeekkees; katamatikka porqqu geettes; asay biitta bolla uttidi ceecees; Yerusalaameppeka waasoy seetettees.

ኤርማሳ ቲንቢቴ 9:11

GODAY, «Yerusalaame katama tani budhetti kayzidasonne worakanati kaa7izaso ooththana. Yuhuda katamatakka asi bayndaso bula kessana» gees.

ኤርማሳ ዚላስ 1:21

«Derey ta zilalizayssa siyides; gido attiin oonikka tana minththeththizaadey beettibeenna; ta morkketi ubbayka ta metotoyssa siyida; neni ooththoyssaka eridi istti ufayettida; ne istta bolla ehana ga qachchida gallassaya yu; isttika ta mala zilaletto.

ኤርማሳ ዚላስ 5:13

Yelaga attuma nayti woxan gaaccana mala wolqqaththida; panththati deexo mith tookkidi gadigadida.

ኤርማሳ ዚላስ 5:14

Cimati pirdanaas uttiza dubbusha aggida; panththatikka bantta mazamure aggida.

ሆሴኤ ቲንቢቴ 2:13

Ba7aale geetettiza eeqa xoossas exaane cuwasanaassinne lo7o geexe woththada iza ba laggeththota kaallada tana aggida gishshas ta izo qaxxayana.

ሌዌታ ማጻፋ 26:22

Iita do7ata ta intte giddo yeddana; he do7ati intte nayta wadhdhana; intte miizatakka ubbaa dhayssana; inttefe guuththa asati xalla attana; kase intte hemettiza ogey samana.

ሚኪያሳ ቲንቢቴ 3:12

Hessa gishshas intte geedon Xiyooney goshsha biitta mala goyettana; Yerusalaameykka qolettida keeththa doore gidana; Xoossa Keeththay diza zumaykka sharafa maatay iza bolla diccida zuma gidana.