ኤርማሳ ዚላስ 1:12 - Geeshsha Maxaafa

¹² «Godaa Xoossi ba wolqqama hanqoza nu bolla yeddida wode nu bolla gakkida meto mala metoy gakkida asi dizaa gidikko intteno ogera aadhdhi biza ubbato ane be7ite! Ha metoy inttes kawushsha misatizee?

ጋሞ ማጻፋ

¹² «ጎዳ ጾሲ ባ ዎልቃማ ሃንቆዛ ኑ ቦላ ዬዲዳ ዎዴ ኑ ቦላ ጋኪዳ ሜቶ ማላ ሜቶይ ጋኪዳ ኣሲ ዲዛ ጊዲኮ ኢንቴኖ ኦጌራ ኣ ቢዛ ኡባቶ ኣኔ ቤኢቴ! ሃ ሜቶይ ኢንቴስ ካዉሻ ሚሳቲዜ?

ኤርማሳ ዚላስ 1:12 ပူးပေါင်းရင်းမြစ်များ

ዬ ማጻፋ 88:16

Suulliza ne hanqoy ta bolla gakkides; babisiza ne hanqoy tana dhayssides.

ኢሳያሳ ቲንቢቴ 13:13

Hessa gishshas tani Ubbaafe Wolqqama GODAY, ‹Tani ta hanqo qonccisiza wode salo qaaththana; sa7akka izi de7izason kokkorsana› gees.

ኤርማሳ ቲንቢቴ 10:19

Waanoo ay hanoo! Ta madunththay paxontta madunththa. Gido attiin ta tana, «Hayssi ta harge; tani dandayanaas bessees» gadis.

ኤርማሳ ቲንቢቴ 18:16

Istta biittay bulanne mernaas kadhettidaaz gidana; heera aadhdhiza ubbay malalettana; ba hu7ekka qidhishe qaaththana.

ኤርማሳ ቲንቢቴ 30:23

Be7ite GODAA hanqoy dambala mala dendees; bul7akettiza gote carkoy iitata wodhdhana.

ኤርማሳ ቲንቢቴ 30:24

Iza wozina qofaa polontta GODAA hanqoy coo hada guye simmenna; hessa yiza wodetan intte akeekana.

ኤርማሳ ቲንቢቴ 30:7

He gallassay ay mala daganththiza gallas gidanee! hessa mala gallassi deenna; he gallassay Yaaqoobe zereththatas meto gallas gidana; gido attiin istti he metozappe attana» gees.

ኤርማሳ ቲንቢቴ 4:8

Hessa gishshas maaqa may7ite; kayottishe, ‹Wuu! Wuy› gi yeekkite. Ays giikko GODAA hanqo seelay nu bollafe simmibeenna» gees.

ኤርማሳ ቲንቢቴ 48:27

Neni kase Isra7eele qidhabeekkii? Izi gishshas ne haasayza wode neni ne hu7e qaaththabeekkii? Iza kaysotara kaysotashe oykettadee?

ኤርማሳ ዚላስ 1:18

«Xoossi xillo; tani gidikko iza azazo bolla makkalladis; intte wurikka siyite; ta metozakka xeellite; macca naytinne naateththa attuma nayti taappe di7etti bida.

ኤርማሳ ዚላስ 2:1

GODAY Xiyoone macca nayo ba hanqon wostti kawushshidee! Isra7eele bonchcho saloppe duge sa7an yeggides; izi ba hanqo gallas ba toho shempisizaso gididaaro zaari qoppanaas koyibeenna.

ኤርማሳ ዚላስ 2:13

«Hanne Yerusalaame! Ta ne gishshas ay gaanaas dandayazinaa? Ta nena aazara ginasa xeelloo? Hanne dosettida Xiyoone geela7oyee! Ta nena wostta minththeththanaas dandayazinaa? ne madunththay abbafeka cimmatees; nena paththanaas dandayzay oonee?

ዳኔላ ቲንቢቴ 9:12

‹Intte bollanne inttena kaaleththizayta bolla ta gita meto ehana› gaada kase ne yootidayssa ubbaa nu bolla poladasa; he wode Yerusalaame bolla gakkida qixaate malay haraso awanka gakkibeenna.

ኢዩኤሌ ቲንቢቴ 2:2

He gallassay dhumanne tulala gallassa; shaaranne sakkanna dhuma gallassa; wontta poo7oy eeson zumata gakkiza mala wolqqama booley biitta ubbaan may7ana; hessa malay hayssafe kase hanibeenna; hayssafe guyenkka wodenkka hanenna.

Maatosa 24:21

He wode alamey medhettoosoppe hach gakkanaas hani erontta miishshi sinththafekka iza misatizay baynda wolqqama metoy hanana.