ኢያሶ ማጻፋ 7:25 - Geeshsha Maxaafa

²⁵ Iyaasoy Akaane, «Hayssa mala meto nu bolla ays ehadii? GODAY hach ne bollaka meto ehana» gides. Histtiin Isra7eele asay wuri Akaanenne iza soo asaa shuchchan kurakki wodhidi izas diza ubbaa taman xuuggides.

ጋሞ ማጻፋ

²⁵ ኢያሶይ ኣካኔ፥ «ሃይሳ ማላ ሜቶ ኑ ቦላ ኣይስ ኤሃዲ? ጎዳይ ሃች ኔ ቦላካ ሜቶ ኤሃና» ጊዴስ። ሂስቲን ኢስራኤሌ ኣሳይ ዉሪ ኣካኔኔ ኢዛ ሶ ኣሳ ሹቻን ኩራኪ ዎዲ ኢዛስ ዲዛ ኡባ ታማን ጹጊዴስ።

ኢያሶ ማጻፋ 7:25 ပူးပေါင်းရင်းမြစ်များ

ሜቴ ማጻፋ 34:30

Yaaqoobey Simoonanne Lewe, «Intte ta bolla meto ehichchideta; ha biittan diza Kanaanetinne Paarizeti tana ixxana; nuni qoodan guuththa; istti issife gididi ta bolla worajjiko taninne taso asay dhayana» gides.

ሜቴ ማጻፋ 38:24

Heedzdzu aginappe guye asay, «Ne naa machchiya Ti7imaara laymatada shaaradus» giidi Yuhudas yootides. Yuhudaykka, «Izo kare kessidi taman xuuggite» gides.

1ታሪኬ ማጻፋ 2:7

Zaraahe zereththafe gidida Karme naa Akaaney Xoossas dummatida di7o miishshafe kaysotidi qottida gishshas Isra7eele deraa bolla meto ehides.

ሌሚሶ ማጻፋ 1:19

Bessontta ogera go7a demmanaas woxxiza ubbata wurseththay hayssa mala; istti shiishshida aqotay istta shemppo ekki baana.

ሌሚሶ ማጻፋ 15:27

Uuze asi baso asa bolla meto ehees; gido attiin matta7e ixxiza asi paxa daana.

ሌዌታ ማጻፋ 20:14

« ‹Issi asi aayeyonne nayo machcho ekkiko heytantti ooththida harassiza hanoza gishshas heedzdzayka taman xuugetti hayqqetto; heytantta mala iita hanoy intte giddon polettanaas bessenna.

ሌዌታ ማጻፋ 20:2

«Isra7eele nayta, ‹Inttena gidikkonne intte giddon diza hara dere asatappe oonikka molooke geetetti xeygettiza eeqa xoossas ba naytappe issaa aaththi immi beettiko kumeththa Isra7eele dere asay hessaade shuchchan caddi wodho.

ሌዌታ ማጻፋ 21:9

Qeese macca nay laymatikko iza ba aawaa kawushshida gishshas taman xuugetta hayqqu.

ሌዌታ ማጻፋ 24:14

«He addeza asay dizasoppe gede haraso kessa; izi Xoossa cayishin siyida ubbay hessaadey mooro ooththidayssa markkattanaas issoy issoy ba kushe he addeza hu7e bolla woththo; hessafe kaallidi kumeththa Isra7eele derey iza shuchchan caddi wodho.

ጋላቲያ ኣሳስ 5:12

Inttes tikki gizaaz ooththiza asati coo wogara qaxxareteth aggidi mulera qanxxi yegetto.

ዛሬ ማጻፋ 13:10

Intte kase Gibxe biittan aylleteththan dizasoppe inttena wozzi kessida GODAA intte Xoossaafe inttena haassanaas koyida gishshas hessaadey hayqqana gakkanaas shuchchan kurakkite.

ዛሬ ማጻፋ 13:11

Hessafe guye Isra7eele asay ubbay hessa siyidi babbana; hessa gishshas hessa mala iita ooso nam7anththo oonikka ooththenna.

ዛሬ ማጻፋ 17:5

he iita ooththidaade woykko ooththidaaro katama giddofe gede haraso efidi shuchchan kurakki wodhite.

ዛሬ ማጻፋ 21:21

He katamayn diza attuma asay ubbay iza shuchchan caddi wodhetto; intte hessaththo histtiko intte garsafe iita miishshi dhayana; Isra7eele deren dizay wuri hessa siyidi yayyana.

2ታሶሎንቄ ኣሳስ 1:6

Xoossi xillo gidida gishshas inttena waayisizayta izi waayisana.

Ibirawe 12:15

Inttefe issaadeska Xoossa kiyateththi paccontta mala qasseka camo ayfe ayfiza miththi mokkidi meto medhdhontta malanne darota moorontta mala naagettite.

ኢያሶ ማጻፋ 6:18

Gido attiin intte GODAAS dummatidayssafe aykkoka ekkontta mala intte hu7es naagettite; intte histtontta aggiko Isra7eeleti dunkaanidaso iitas aaththi immana; histtidi he sohoza bolla meto gaththana.

ኢያሶ ማጻፋ 7:15

Hessafe guye piila miishshi iza achchan beettidaadeynne izas diza ubbay taman xuugettana. Gaasoykka GODAA Caaqo Qaalaa laallidi Isra7eele giddon yeellachchiza ooso ooththida gishshassa› ga» gides.

1ሳሜላ ማጻፋ 14:29

Yoonataaneykka, «Ta aaway biitta bolla meto medhdhides; hanno eessayfe ta guuth baadhida wode ta ayfey waani xeellidaakko be7ite!