ኢያሶ ማጻፋ 7:24 - Geeshsha Maxaafa

²⁴ Hessafe guye Iyaasoynne Isra7eele asay ubbay issife Zaraahes naaza naa Karme naa Akaane, biraa, kaabbaa, worqqaa, iza attuma naytanne macca nayta, iza miizaa, haretanne dorsata, iza dunkaanenne izas dizayssa ubbaa ekkidi Akoore zulle ehides.

ጋሞ ማጻፋ

²⁴ ሄሳፌ ጉዬ ኢያሶይኔ ኢስራኤሌ ኣሳይ ኡባይ ኢሲፌ ዛራሄስ ናዛ ና ካርሜ ና ኣካኔ፥ ቢራ፥ ካባ፥ ዎርቃ፥ ኢዛ ኣቱማ ናይታኔ ማጫ ናይታ፥ ኢዛ ሚዛ፥ ሃሬታኔ ዶርሳታ፥ ኢዛ ዱንካኔኔ ኢዛስ ዲዛይሳ ኡባ ኤኪዲ ኣኮሬ ዙሌ ኤሂዴስ።

ኢያሶ ማጻፋ 7:24 ပူးပေါင်းရင်းမြစ်များ

ሜቴ ማጻፋ 18:25

Xillota wordotara gaththa wodhizayssinne xillotanne wordota issi ayfen xeellizayssi hessi neeppe haakko; ha biitta ubbaa bolla pirdiza neni xillo pirdikii?» gides.

ኢዮቤ ማጻፋ 20:15

Iita asi ba mida miishsha un7etti zaarana; ulo giddon dizayssaka Xoossi iza cooshshana.

ኬሳ ማጻፋ 20:5

Isttas hokkofanne isttas goynnofa. Ays giikko tani GODAA ne Xoossay qanaatiza Xoossako; tana ixxizayta aawata nagara gishshas nayta heedzdzanththo yeletanne oydanththo yeleta gakkanaas qaxxayays.

ሌሚሶ ማጻፋ 15:27

Uuze asi baso asa bolla meto ehees; gido attiin matta7e ixxiza asi paxa daana.

ኤራንቻታ ማጻፋ 5:13

Salo gufanththon keehi ceecesiza iita miish ta be7adis; hessika iita woden bana maaddo giidi asi guye yeggi dagasida miishshi izaades meto;

ኢሳያሳ ቲንቢቴ 65:10

Tana minththi koyza ta derezas, Lasharooney dorsa wudey heemettizaso, Akoore zulley wude mehey pe7izaso gidana.

ሆሴኤ ቲንቢቴ 2:15

Kase izi woyne atakilteza ta izis zaarana; meto shoobba ta izis hidota penge histtana; heen iza Gibxeppe kezida gallas naateththan dashe yexxida mala yexxana.

ኢያሶ ማጻፋ 15:7

Histtidi zawazi Akoore shoobbafe Dabire katama pude kezidi, shoobbafe duge baggara diza Adumime purdefe sinththara kanththidi pudeha bagga Gelgelakko simmees. Qasse En-Shemishe geetettiza pulttozara kanththi biidi pude En-Roogeele geetettizaso kezees.

ኢያሶ ማጻፋ 22:20

Zaraahe naa Akaaney piila gididayssa ekkidi, nagara ooththida gishshas, kumeththa Isra7eele deraa bolla GODAA hanqoy wodhdhibeennee? Iza nagara gaason hayqqiday iza xalala gidenna› geettes» gida.

ኢያሶ ማጻፋ 6:18

Gido attiin intte GODAAS dummatidayssafe aykkoka ekkontta mala intte hu7es naagettite; intte histtontta aggiko Isra7eeleti dunkaanidaso iitas aaththi immana; histtidi he sohoza bolla meto gaththana.

ኢያሶ ማጻፋ 6:21

Katamaan shemppora paxa dizayta ubbaa oykkidi macca, attuma, nayta, cimata, miiz, dorsanne hare ubbaa qara mashshan wodhides.

ኢያሶ ማጻፋ 7:1

Isra7eele asay GODAAS ammanettontta ixxidi piila miish ekkides; hessa ekkiday Akaane; Akaaney Karme naa; Karmey Zimire naa; Zimirey Yuhuda qommofe Zaraahe naa; histtiin GODAA hanqoy Isra7eele asaa bolla eexxi kezides.

ኢያሶ ማጻፋ 7:23

Kiitetti bida asati miishshaa dunkaaneza giddofe ekkidi, Iyaasokkonne Isra7eele asaakko ehidi GODAA sinththan woththida.

ኢያሶ ማጻፋ 7:26

Istti Akaane bollan hach gakkanaas diza daro shuch korida. Hessafe guye GODAY yashissiza ba hanqoza zaarides; hessa gishshas hach gakkanaas he sohoy Akoore zulle geetettees.