ኢያሶ ማጻፋ 24:33 - Geeshsha Maxaafa

³³ Qasseka Aaroone naa El7ezeerey hayqqides; izikka shaara menththon diza Efreeme deren iza naaza Finihaase saaman gakkida Gibi7a katamaan moogettides.

ጋሞ ማጻፋ

³³ ቃሴካ ኣሮኔ ና ኤልኤዜሬይ ሃይቂዴስ፤ ኢዚካ ሻራ ሜንን ዲዛ ኤፍሬሜ ዴሬን ኢዛ ናዛ ፊኒሃሴ ሳማን ጋኪዳ ጊቢኣ ካታማን ሞጌቲዴስ።

ኢያሶ ማጻፋ 24:33 ပူးပေါင်းရင်းမြစ်များ

2ሳሜላ ማጻፋ 20:21

Yo7oy hessa mala gidenna; heen zumazan Efreeme gezzefe Bikire naa Sheba7e geetettizayssi kawo Dawite bolla ba kushe denththides; intte he addeza xalla taas aaththi immiko tani hanno katamayo yedda baana» gides. Maccassayakka zaarada Iyo7aabes, «Addeza hu7e qanxxidi nees gimbe bollara kare yeggana» gadus.

1ካዎታ ማጻፋ 4:8

Istta sunththinne istta ayssiza zooneti hayssafe kaallidi xaafettida. Beeni-Huurey Efreeme gezze ayssees.

2ካዎታ ማጻፋ 5:22

Giyaazeykka izas, «Ubbayka lo7oshin ta goday nena, ‹Nabeta maabarappe nam7u naateththati bolla Efreeme gezzefe haa taakko aykkoka ta qoppontta yida gishshas 3,000 biranne nam7u kumeththa may7o isttas imma› gaada yoota» giidi tana neekko kiittides.

ኢዝራ ማጻፋ 7:5

Buuqay Abishu7a naa, Abishu7ay Finihaase naa, Finihaasi El7ezeere naa, El7ezeerey qeeseta halaqa Aaroone naa.

ኢዮቤ ማጻፋ 30:23

Asa ubbaas qaada gidida hayqos ne tana aaththada immanayssa ta erays.

ዬ ማጻፋ 49:10

Eeyatinne dammati hayqqiza mala aadho eranchchatikka hayqqana; ubbayka ba aqota haras yeggi baana; hessa ubbayka be7ana.

ኬሳ ማጻፋ 6:23

Aarooney Aminadaabe nayo, Ne7asoone michcheyo Elisheebo machcho ekkides. Histtiin iza izas Nadaabe, Abihu, El7ezeerenne Itamaare yeladus.

ኬሳ ማጻፋ 6:25

Aaroone naa El7ezeerey Puti7eele naytappe issiniyo machcho ekkides; izakka izas Finihaase yeladus. Haytanti ba qommon qommon Lewe keeththa asaa halaqata.

ዛካራሳ ቲንቢቴ 1:5

Kase intte aawati ha7i awan dizoo? Nabetikka mernaas de7andettoo?

ታይቦ ማጻፋ 3:32

Lewe zarkke ubbaa halaqay qeese Aaroone naa El7ezeere; izi dummatida qol7an ooththizayta ubbaa bolla alaafe.

ሃዋሬታ ኦሶ 13:36

«Dawiti ba woden Xoossa shene mala ooththidaappe guye hayqqides; kase ba aawatara moogettiin iza ashoy wooqqides.

Ibirawe 7:24

Yesusi gidikko mernaas dizaade gidida gishshas iza qeeseteththi shaarettontta qeeseteththa.

ኢያሶ ማጻፋ 14:1

Qeese El7ezeerey, Nawe naa Iyaasoynne Isra7eele zareta korapinneti gishechchi immiin Isra7eele asay gishetti ekkidi laattida biittay hayssafe kaallizayssa.

ኢያሶ ማጻፋ 22:13

Histtidi Isra7eele asay qeese El7ezeere naa Finihaase, Gala7aade biittan diza Oroobeele qommotakko, Gaade qommotakkonne Minaase qommotappe baggataakko kiittides.

ዳናታ ማጻፋ 17:8

Izaadeyka baas daanaso koyanaas Beeteliheeme katamappe dendi bides; izikka Efreeme deren bolla zunbullaan diza Mikiyaasa soo gakkides.

ዳናታ ማጻፋ 18:13

Hessafe dendidi Efreeme deren zumbulla bolla diza Mikiyaasa soo yida.

ዳናታ ማጻፋ 20:28

He wode heen ooththizay Aarooney yelida El7ezeere naa Finihaase; Isra7eele asay GODAA, «Biniyaame as gidida nu ishatara olettanaas qasseka biidi olettinoo woykko aggaaginoo?» giidi oychchides. GODAY, «Biidi olettite! Tani istta wonto intte kushen aaththa immana» gides.

1ሳሜላ ማጻፋ 1:1

Efreeme deren Eramaate-Zufime geetettiza shaara menththon diza Hilqaana geetettizaadey dees; izikka Efreeme dere asa; izi Yirohaame naa, Eelihu naa, Toohu naa, Zuufe naa.

1ሳሜላ ማጻፋ 9:4

Hessa gishshas zumbullati diza Efreeme dereninne Shalisha heeran yuuyi koyida; gidikkoka hareta demmibeettenna. Heeppe dendidi Sha7iliime zawara kanththi bida; hareti gidikko heenkka deettenna; qasseka Biniyaame dhassara kanththi bida; heenkka demmana dandaybeettenna.