ዮናሳ ቲንቢቴ 3:9 - Geeshsha Maxaafa

⁹ Histtiko Xoossay nuus qadhettidi nu dhayontta mala ba wolqqama hanqofe simmanaakko oonee erizay» gides.

ጋሞ ማጻፋ

⁹ ሂስቲኮ ጾሳይ ኑስ ቃቲዲ ኑ ዮንታ ማላ ባ ዎልቃማ ሃንቆፌ ሲማናኮ ኦኔ ኤሪዛይ» ጊዴስ።

ዮናሳ ቲንቢቴ 3:9 ပူးပေါင်းရင်းမြစ်များ

2ሳሜላ ማጻፋ 12:22

Dawiti isttas, «Ee tuma, naazi shemppora paxa diza wode, ‹GODAY taas atto giidi naaza shemppora paxa woththanaakkon gaada xoomadissinne yeekkadis.›

ዬ ማጻፋ 106:45

Istta gishshas ba caaqo qaala hassa7ides; aggontta ba siiqo daron istta maarides.

ዬ ማጻፋ 85:3

Neni yiillotizayssa ubbaa aggadasa; suulliza ne hanqofekka simmadasa.

ዬ ማጻፋ 90:13

Abeet GODAWU! Ne hanqoy awude gakkana gam7anee? Simma! Ne aylletas qadhetta!

ኤርማሳ ቲንቢቴ 26:13

Ha7ikka intte ogenne intte ooso lo7eththite; GODAA intte Xoossas azazettite; intte histtiko GODAY intte bolla ehana gi yootida iita miishshaa izi aggaagana.

ዳኔላ ቲንቢቴ 4:27

Hessa gishshas kawoo! Tani ta baggara nena zorizayssa siya; neni nagara ooso agga; suure ooso ubba wode ooththa; ne iita ooso aggada qohettizaytas qadhetta; hessaththo ne ooththiko ne saron duussa layththay aduqqontta aggenna» gides.

ኣሞጼ ቲንቢቴ 5:15

Iita miish ixxite; lo7o gididaaz dosite; pirda pirdizason tumu pirda geellasopite. GODAY Salo Xoossay attida Isra7eele asaa maaranaakko oonee erizay?

ዮናሳ ቲንቢቴ 1:15

Hessafe guye Yoonaasa denththidi abban oliin abba dambalay co7u gides.

ዮናሳ ቲንቢቴ 1:6

Markabeza halaqay izakko biidi, «Ays dhiskadii? Dendada ne xoossaa woossa! Izi ba lo7o ayfen xeellidi nuna ashshanaakko ooni erizee!» gides.

ዮናሳ ቲንቢቴ 4:2

Hessafe guye GODAA, «Abeet GODAWU! Tani buro ta deren dashe gidayssi hayssa gidennee? Ta ne sinththafe betada Tarseese baanaas eesotidayssi hessassa; qadhetaynne maarotay nenan kumida Xoossaa ne gididayssa, hanqos eesotonttayssanne aggontta siiqon kumidayssa, qasse ehana gida iita miishshika aggiza Xoossa ne gididayssa tani kasekka erays.

ሶፎናሳ ቲንቢቴ 2:3

Intteno biitta bolla diza ashketoo; iza azazokka polizaytoo! GODAA koyite; Xilloteththinne ashketeth koyite; GODAA hanqo gallassafe intte attanaakko oonee erizay!

1ሳሜላ ማጻፋ 6:5

Intte biittaa dhayssanaas kiitettida eceretanne kixa misleta ooththidi Isra7eele Xoossaa bonchchos immite; intte hessaththo ooththiko oonee erizay izi ba kushe intte bollafe, intte xoossata bollafenne intte biittaa bollafe denththanaaz gidana.